ماهو علاج الشرخ الشرجي

عزيزاتي انا من النوع الي دائما فيني امساك مزمن والحين هاذي ثاني مرة يجيني الشرخ الشرجي قلت يمكن فيني بواسير رغم اني ما اكل شي من انواع الفلفل ايا كان فياريت لو احد عندها علاج له تفيدني تلله يجزاكم كل الخير

ماتشوفين شر ودورت علاج بقوقل ولقيت هالموضوع من وحده فيها مثلج وراحت الاعراض من جربت هالشي

هذا كلامها
علاج مضمون للشرخ الشرجي

باذن الله وقد جربته بنفسي بعد ان ذقت الامرين وتقرر لي عملية عاجلة
يؤخذ من العطار ( زبيب هندي ) وهذا لونه اسود كأنه الزيتون يطحن ناعماً ويؤخذ منه مقدار ملعقة شاي مع الماء ( كأس) على الريق صباحاً ومرة اخرى مساءً هو ملين للبطن ويعمل على خياطة المنطقة المشروخة ويتم استعماله حتى تتحسن وستشعر بذلك خلال ثلاثة ايام من الاستخدام .

الحال من بعضه ياعمري امسااااااااااااااااااك دائم ماله حل بس بعرف شنو اعراض الشرخ وشنو الفرق بينه وبين البواسير لان شاكه ان فيني بواسير

الله يعينكم انه فيني بواسير واموت لمه تزيد خاصه بعد الولاده بس سمعت ان الحبه السوده على الريج وايد زينه ,, مسكين ولدي اسم الله عليه فيه شرخين والله لمه يبي يخرج تطلع روحه ويصير استنفار وبجي ولي الحين الدكتور مايبي يسويله عمليه يقول توه صغير,,,,بس قالي الدكتور انه اقوى ريال ما يتحمل هالعوار

أنا بقولج عن تجربتي الخاصة
الإمساك المزمن ماله علاج إلا إنج بين فتره و فتره تغيرين نوعيت أكلج يعني إذا صارلج فتره ما تشربين حليب إشربيه فتره وإذا تاكلين شي معين بشكل دائم غيريه فتره و ردي عليه والأكل لازمكل فتره الدخلين شي جديد حق أكلج و ترى مو شرط شي فيه ألياف لأ عادي أي شي المهم إنه شي جديد

و بالنسبه حق الشرخ و البواسير
تنقعي بماي دافي و شوية ملح و دوا (بيتادين) تقريبا لمدة ربع ساعه بعدين شطفي المكان و نشفيه و إخذي شاش فيه بيتالدين و مسحي عليه و بعدها إخذي شاشه ثانيه و حطي عليها كريم (ميبو mebo) و خليه الشاشه لا تشيلينها و نامي و بالنسبه حق البواسير لما تجين تبين تحطين الشاشه إللي فيها ميبو حاولي الدخلين البواسير لي داخل و خلي لكريم يوصل لي داخل وخلي الشاشه و نامي
إستمري على هالطريقه يوميا و إن شاء الله ما فيج إلا العافيه

الشرخ يكون مثل الجرح و يطلع منه دم وهو ممكن يأدي حق البواسير لكن البواسير تكون قطعة لحم طالعة من الشرج

كريم mebo وكريم bebanthen ointment

كل ما تدشين الحمام وانتي بكرامه حطي مره من الاول ومره من الثاني

وشربي على الاقل 8 كواب ماي

وكثري خضره وفواكه خصوصا المشمش والتين

وفي بالصيدليه بودر الياف تقدرين تخلطينه مع ماي او عصير وشربيه وايد زين حق الامساك

انا عانيت مثلج من الشرخ والحمدالله مشيت على ها نظام وخف

واخذي من الصيدليه تحاميل glycren وايد زينين حق الامساك

في وحدة كاتبة موضوع عن المرة
موضوع مثبت فوق روحي شوفية

اخواتي وحدة الله يجزاها كل الخير شافتني جالسة غلط سالتني يابنيتي شفيج قلت لها والله يا خاله فيني شرخ الشرجي قالت لي لا تسوين اي شي غير العسل خذي اشوي بيدك ودخية اشوي في الشرج كرريها في اليوم كذا مرة وفعلا راح مني سبحان الله وانا جربتها الحين والحمدللة جربوها انتم بدل ما نروح للعطارين واحنا مجروحين من تحت

افضل طريقه بس بقولج عن دكتور اسمه عامر الفواز عنده خلطه وايد زينه وتوخره نهائي وعن تجربه..

حبيبتي شوفي انا بولج تجربتي انا كان فيني شرخ وكنت اموووووووووت من شدة العوار لكن الحين الحمدالله صارلي تسع سنين ماردي والفضل يرجع حق رفيجتي الله يعطيها العافيه وكل وحده فيها نفس حالتي اقولها علي الطريقه وتسويها تدعين والحمدالله الكل مرتاح من هالطريقه وماردت لهم من سنين
انا ادري ان انا طولت علي بالهذره المهم انا بقولج بس اذا جربتيها وإرتحتي لها واكيد بترتاحين امااااااااااااااااااااانه تدعيلي ان الله يهديلي زوجي وسخره لي شوفي حبيبتي اخذي من الطبيب او الصيدليه تحاميل للبواصير وأخذي التحميله وغرقيها بالعسل الطبيعي انا استعملت عسل لعويد وتخليها وحده الصبح ووحده بالليل قبل النوه مدة ثلاث ايام وماراح تردلج مره ثانيه بإذن الله جربيه والله عجيبه

الله يعطيكم العافيه انشالله انا وايد محتاجه علاج حق هالشي
انا فيني بواسير وشرخ وكنت اول امس بسوي العمليه بس طلعت حامل من التحاليل وما سويتها
الحين عرفنا علاج الشرخ بس شنو علاج البواسير………؟؟؟؟؟؟؟؟؟ الله يخليكم والله كل يوم اشوف الموت الله يعين اللي ولدها الصغير فيه بعد عمري يتعذب

برايي روحي طبيب خاص وسوي عميلة الشرخ وارتاحي طول عمرج

انا كنت اراجع عند د-مرفت الصالح

والحمدالله ارتحت على التحاميل والكريم اللى عطتنى ايااهم ………………واهم حل واللى يحمييج من الشرخ

ديرى بالج من الامساك ……قللى الحوامض والملح والفلفل وكثرى من الخضااار والورقياات والمشمش الناشف والتمر والقمردين

خوش موضوع قاعده اعاني منه توني والده ومتأذيه