الغازات وماادراك ماالغازات

بنات ذبحتني الغازاااات بطني بس يطلع اصوات 24ساعه فشللله والله وجدام زوجي بالليل واحنا نبي ننام لازم صوتي يقرقع يصير ازعاج وادنيا هدووء
شنو الحل وجربت حبوب الفحم والينسون والنعناع مانفع

والله نفس حالتي معاناة –قريت مرة عن اعراض العين وطلعت الغازات من اعراض العين والله اعلم

سلامتج ,, يمكن فيج قولون ابتعدي عن الحليب والبهارات والاكلات الدسمه انصحج بالكمون وكثري من شرب الاعشاب ,,, والف لاباس عليج ,,

البابونج
الكمون
النعناع
الزنجبيل مخفف
وابتعدي عن الفول
وامشي وان شاء الله ماتشوفين شر

الله يعين حبيبتي

يمكن ماتهتمين وقت الدورة وهالصوت يطلع من الرحم مو من المعدة

انا جذي ٢٤ ساعه واحس بطني كله متفوخ والم يريت بس اصوات وكله الهوا بمعدتي رحت الطبيب عطوني حبه ارتحت عليها والله وانا ما احب سوالف اعشاب واشربها حبوب احسن

نفس آلمشكله آللي مآلهاآ حل رحت آلطبيب يعطيني مهدئات ويرجع الصوت عقب فتره تعبت منه مفشلني بكل مكان … حاولي قد ماتقدرين تبتعدين عن البقوليات والفلافل والفول والملفوف وهالسوالف والبهارات واكلات معينه تزيد الصوت وكثري ماااااي وفي حبوب الفحم بالصيدليه شريتهم بس للأمانه للحين ماجربتهم … وسوي غسيل قولون وربي يشافيج ويشافينا

سمعت مره من وحده بس ماجربتها صراحه

تقول ادهني رجلينك بفكس يسحب الهواء كله

وقت الدوره اكلي عدل ولا تشربين مشروبات غازيه وتدفي عدل وقت الدوره عشان مايدخلج هوا
وهم وقت السبوح تدفي عدل + حتى مو وقت الدوره قللي من المشروبات الغازيه
وسوي رياضه ولا تلبسين بالبيت ملابس الا راهيه ومريحه ووسيعه عشان لا تصك على بطنج حيل لانه من الاسباب الي تجيب الغازات بالبطن + الرياضه

انزين اخذي ملينات ..
نظفي بطنج .. همن شربي كمون
ونفس ماقالووا البنات .. لاتاكلين ملفوف و فول وبهارات و فلفل

ماتشوففين شر يالغلا
اشربي زهورات صدقيني وحده بوحده ورح تريحك كثيييييييييير

اكلي اكل صحي إضافه إلى الاعشاب اللي قلتي عنها والحبوب

حتى انا عندي نفس المشكله

اادهني بطنك بزيت القسط الهندي وسمعي الاصوات العجيبه والغازات الي راح تطلع ويستحسن تنامين يومها بروحك يمكن بتضحكين علا كلامي بس عن جد راح يريح بطنك بعدها