الليزك والليزر ؟ استفسار

السلام عليكم بناات

شخبااركم

يايتكم باستشاره الله يخليكم ..

اليوم سمعت عن عملية الليزك لتصحيح النظر بمستشفى السلام .. تكلفتها 350 دينار

ياليت في احد يقدر يفيدني اذا كانت مجربتها من قبل .. وشنو احسن مستشفى يسويها ؟؟

لاني ناويه اسوي ليزك ولا ليزر .. الي يصير المهم مابي البس عدسات :/

..

وصج العمر يأثر ! لان واحد قالي نطري لين نظرج يضعف بعدين سويها !! استغربت من كلامه ناطرني اصير عميه الظاهر

اي والحين عمري 20 كلها 3 اشهر واكمل الـ 21 !

..

يلا همتكم معاي .. الي عندها اي معلومه بليز لا تبخلون علي ..

والله يوفقكم ويوفقني معاكم ^_^

وعليكم السلام ورحمة الله وبركاته

إنطري ليما يكمل عمرج 21 سنة

أنا مسويتها من شهر 10 …والحمدلله مرتاحه

أنصح كل ضعيفة نظر تسويها

وعشان تستفيدين أكثر من تجربتي دشي ملفي واقري مشاركاتي

تكلمت وايد عن عمليتي

والله يوفقج

شكرا لج عالمشااركه حبيبتي

جاري الاطلاع والاستفااده ^_^

حبيبتي انا سويت الليزك عند الربيعه الحمدلله الحمدلله الحمدلله ما تصورين شلون انا مرتاحه

كل ما رحت لدكتور عيون وقلت بسويها قال ما يصير انتي عيونج حيل نظرهم ضعيف وما ينفع العمليه لها

انا البس نظاره من يوم عمري سنتين وما اقدر استغني عنها لكن بفضل الله سبحانه ومن ثم جهود الدكتور سامي الربيعه الله يجزاه خير

الحمدلله صار لي سنتين مفتكه من النظارات

تكلفت العملية 650 دينار مع ان حماتي ورفيجتي ووحده من بنات عم رفيجتي سووها ب 400

بس انا كان النظر كلش مو زين

نطري لي 21 وتوكلي على الله وسويها

صدقيني ماراح تندمين وانصحج بسامي الربيعه خوووووووووووووووش دكتور

بس صلي استخارة افضل

قرقرت وايد

اليوم بنت عمتي قالتلي عنه ان يمدحوونه ..

لو ماعليج امر بس ابي مكانه وين ورقمه ..

وانا بستشير دكتور قبلها وبصلي استخاره .. لاني تعبت من شي اسمه عدسات ..