|
|
هاي بنوتات شخباركم؟
اكتشفت انه الحجي الللي ينقال بالجرايد والتلفزيون عن استعدات الصحة حق انفلونزا الخنازير والكاميرات الحرارية والتجهيزات والاستعدات حجي قمة السخافة وحجي فااااااااااااااااااضي والدليل الارقام اللي تتصاعد بسرعة خيالية بتقولون اشلون انا اقولكم؟
البداية امي واختي واخوي صارت فيهم افلونزا وحرارة وجسمهم متكسر راحوا المستوصف كلهم عطوهم بندول ومضاد حيوي
امي اتقولها ما اتسون لنا تحاليل اتشوفون اذا فينا المرض بعيد الشر وله لاء اتقولهم لاء اذا تبون جيكوا بالامراض السارية .gif "Eh S(1)")
اخوي ومرتة صارلهم 5 ايام رادين من السفر اليوم مرتة استمرضت وسخونة موراضية تنزل راحت خاص سولها تحليل دم
وعطوها ادرب وجذي وقالولهم انشاءالله مافيكم شي بس روحوا المستوصف او الامراض السارية زيادة بالحرص لي اهني الحجي حلو
راحوا المستوصف ماعنده تجهيزات راحوا الامراض السارية جيكوا اشصار
سولهم تحليل دم وعقب 3 ايام تطلع النتيجة ويقولهم احنا اندق عليكم او انتوا دقوا علينا واذا ما دقينا يعني مافيكم شي
فرضا بعيد الشر فيهم المرض عقب 3 ايام انكون كلنا تعادينا صح
والله خوش استعداد
والشي الثالث اليوم كان عندي موعد طبيب والطبيبة اتقولي عن حالة ريل رفيجتها راد من السفر والمفروض مر على الكاميرات الحرارية الجذبية اللي بالمطار حلو
عقب 5 ايام من ردته صار فيه سخونة وتعب ويوم راح حلل طلع فيه المرض وعادى اهله
بذمتكم قولولي هذا شنو.gif "Eh S(14)")
بدال هالاستجوابات يا نواب العازة اللي مالها معنى شوفوا الصحة والاستعدادات الخرطي
لي هالدرجة ارواح الناس رخيصه؟ ترا هالمرض بسيط نفس الافلونزا العادية وبسرعة يتعالج اذا اكتشفوا
وترا اغلب الوفيات اتكون بسيبة انه دكتور ماله خلق يكشف وله ماكو تجهيزات
حسبنى الله ونعم الوكي 
وهالله هالله بالزنجبيل والليمون والفيتامينات والحافظ الله
إختي والله شنقول وشنخلي
الله المستعان
ووزير الصحة الحين بيمنع الإعلان عن أعداد المصابين بالجرايد شحقه؟؟؟
لأنهم مو مستعدين ويدري العدد بيزيد وااااااايد
لا حول ولا قوة إلا بالله
بس طبيعي لما اسافر وارد على طول انفلونزا عشان جذي مارحت
مجرد احتقان وبس
والحين الحمدلله صرت احسن لا تخافون خخخخخ
احنا رحنا بنفحص بالورقة اللي عطونا بالمطار قالوا خلاص مدام مافيكم شي الحمدلله وشقت الورقة
قلنا كاتبين غرامة وحبس قالت كلام فاضي بس روحوا البيت!!!!!
لا فحص ولا بطيخ
ليش جذي
والنواب يالله يراكضون حق واسطات العلاج بالخارج لربعهم
تبين يهتمون فيج لو كان المرض بوقت الانتخابات جان شفتي القمر بايد والشمس بايد
الله يستر علينا كل يوم يزيد العدد وهذا اللقاح مادري متى يجي
ويارب الكل يصير احسن او احسن ونفتك من هالمرض…