حبوب الروكاتين لعلاج حب الشباب

السلام عليكم
بنات عندي سوال وحدي خايقه انا استخدم حبوب الروكاتين اليوم اول يوم استخدمها ولمده ماتقل عن 6 شهور اوكي
وعرسي ان شاء الله شهر واحد الياي 2024
يعني من شهر 5 لين 10 وباجي علي عرسي 3 شهور تهقون ياثر علي الحمل يقولون انه تسبب تشوهات للجنين واخاف يكون باجي اثر للحبوب بجسمي تكفوووووووووون الي تعرف ترد علي حدي حدي خايفه ولازم اعالج ويهي من الحبوب قبل العرس الي جربتها قبل عرسها وحملت وطلع الجنين بصحه زينه عفيه تطمني والي تعرف عن هالحبوب عفيه تساعدني ولكم دعوة بظهر الغيب

حبيبتي اذا تقصدين الحبوب اللي تصرفها الحكومه ولازم الصيدلاني يتاكد من الوصفه
انا خذيتها قبل عرسي وممتازه بس اهم شي تقعدين 6 شهور قبل الحمل– وبالنسبه لج باقي على عرسج وايد يعني يمدي لاتخافين
والله يرزقج بالذريه الصالحه والمعافاه
وترى نتايجها حلوه يعني بتقعدين على الاقل سنه واكثر ماكووووو حبوب

صح كلام الباسمه6 اشهر

صح كلام البنات وربي اييسر لج ويرزقج بالذريه الصالحه

اشلون صح كلامها وباجي علي عرسي وايد
عرسي شهر واحد 2024 يعني باجي 7شهور والكورس 6 شهور يمدي بشهر واحد تروح الماده من جسمي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا حبيبتي ديري بالج ترى اجسام البنات تختلف و لا تفكرين تحملين الا بعد سنة من تقطعين الحبوب لأنها و ايد قوية و الجسم ياخذ وقت على ما يتخلص منها و عشان ترتاحين اكثر استشيري دكتور

بس الصراحة اهما خوش حبوب انا ويهي وين كان و وين صار *** حالحبوب

و الله يوفقج و يهنيج و يرزقج بالذرية الصالحة يا رب

ديري بالج آنا قاطعتهم من 3 شهور وللحين اثرها ماراح صج خفت الاعراض الجانبيه بس ماراحت

اهم شي صحتج وسلامه عيالج ان شاء الله

حبيبتي لا تحااااااااافين انا اعرف ناس جربها وحملو ومافيهم الا العافيه

ما انصحج فيها ولا تستهينون بهالحبوب
ترا اتأثر على الحمل
وعلى الكلى

دام لها سايد افكت وانتي عروس خل الطبيب يكتب لج على علاج ثاني

حبيبتي انا قلتلج بالموضوع الثاني

مو اقل من 3 اشهر بين ما تنتهين منها وبين عرسج

في حل ثاني انج تأجلي الحمل شوي لحد ما يروح تأثيرها

لا تجازفين

والافضل تستشيري طبيب الجلدية

مبررروك عرسج انشالله ..
انا مثلج اخذهم صارلي شهر ..
بس هم تاكدي من االطبيب قبل عرررسج افضل ..

بس عندي سؤااااااال بناااااااات … انا اول شهر صاارلي و كل يوم تروح حبه تطلعلي حبه بدالهااا يعني جنه زاادووو

هل اول الاشهر جذي يصير يطلعون كلهم و بعدين يروحون ولا شسالفه ؟ حددددددي ابتلشت

مشكورييييييييييييييين علي الردود ماقصرتي انا استخرت ومارتحت لهالحبوب خاصه اني اكررررررررة الماي
انزين بنات شنو احسن دكتور جلديه لاني هالحبوب صرفها لي موسي سلامه جبر بس احسه دمه ثقيل ويالله يشيل عمرة ومايرد علي اسالتي مافيه شده سين وجيم سيده عطاني هالحبوب انا ابي دكتورة نفسيتها حلوة تسمعني مو نفس موسي شايف نفسه ابي دكتورة اخذ واعطي معاها تعطيني علاج غير الروكاتين وينفع معاي عفيه ساعدوني ؟؟

في وايد دكاترة ممتازين وحبوبين

بالحكومي والخاص

انا عن نفسي اتعالج بدار الشفا مع هدى مصطفى وعندج بعد حنان بيطار ممتازة وحبوبة ونور جهان رئيسة قسم هندية بس تتكلم عربي احسن مني لووووووول

اي طبيعي جدا

دكتورتي قالتلي هالحجي اول زيارة عشان لا اتوهق

وانا للحين يطلعون بس بالامانة مو نفس الاول

وانا الحين ببداية الشهر الثالث

موفقة