حبيباتي اللي جربت المنظار تتفضل

مراحب حبيباتي انا عندي الم بالمعده لي اكثر من سنه لدرجة احيانا يغمى علي من الالم وجسمي كله يعرق وتصير ملابسي كأني غرقانه سبحان الله

وساكته طول هالفتره لان نوعي صبوره مره لكن الحين وصلت لدرجة الالم مستمر مو زي اول بين فتره وفتره وازمات الالم القوي يجي ساعه ويروح واذا رحت للمستشفى يقولولي مافيك شيء سويت سونار واخذت مسكنات ولا فيها اي فايده

وقال الحين لازم منظار علوي اللي جربته هل يألم؟؟؟ يحتاج بنج او مخدر موضعي؟؟؟ وايش تتوقعون هالالم؟؟؟؟مع العلم الحين صرت اذا جعت أتالم بقوه وإذا شبعت أتالم نفس الالم واذا يوم اكلت من برا وكثرت شوي يعني اكلت الوجبه كامله اقعد يومين الم عظيم واستفراغ الله يكرمكم متواصل ولازم اصوم يومين على شان اطيب وصرت احسب الف حساب للأكل وعايشه الحين على السلطه وقطعة خبزه مع جبن من الخوف واذا مسكت مكان المعده أحس بالمعده الغشاء نفسه يألم ؟؟؟

مايعور ولاتحسين بأي شي
تتبنجين ويبخون بخاخ بحلجج ويخليج تعظين قطعه بلاستيكه ويقزونج ابره بالوريد وراح تنااااااامين ماتحسين بأي شي لاتحاتين
وعسى الله يشفيج ان شاءالله وبشرينا بالنتايج

اي حبيبتي يعطونج بنج عام يعني ماراح تحسين بشي
سلامتج وماتشوفين شر

لاتحافين سويها وتوكلي على الله انا شكثر سويتها ماتحسين بشي يمكن بعد ماتصحين من البنج تحسين جنه شي في بلعومج من المنظار ويروح بس لاتخلين روحج جذي يمكن معدتج ملتهبه ولا شي على الاقل تعرفين المشكله ويعطونج علاج وترتاحين من الالم لاتسكتين نصيحه

كلش ما يخرع…لأنج ماتحسين فية …بنج خفيف وعقب جنه شي مثل حشرجة شوية ببلعومج وبس….أخاف فيج مرارة لأن أعراضج نفسي وما عرفوا إلا لما سووا سونار حقها واكتشفوا حصى بالمرارة وآنا كل الوقت احسبة من المعدة

انا سويت المنظارين معده وقولون بنج كامل مافي الم كلش حتى بعد المنظار بس شويه بلعومج تحسين فيه شي

الحمدلله طمنتوني حبيباتي

توتا حبيبتي سويت سونار المراره سليمه الحمدلله

انا متأكده بالمعده واحس فيها لان الالم متواصل بشكل ما تتصورينه لا اتهنى باكل ولا نوم ولا شيء وضعيتي صعبه كثير وانا اخذت موعدي بالرياض وخليته بعد اسبوعين من الخوف مدري ايش راح يلقون فيها

انا كانت حالتي نفس حالتج وميته من الخوف ومابي اسوي منظار لكن بعدها ما عدت استحمل ورحت حق مساعد العصفور بالشعب التخصصي

وسوالي منظار ما حسيت فيه كلش وطبعا طلع معاي جرثوومه بالمعده (بكتيريا) ومسويتلي تقرحات باسفل المعده والتهاب

عطاني مضاد حيوي 4 اسابيع وبعدها علاج للمعده والحمدالله تشافيت

الحمدلله رب العالمين

الف عافيه عليك يا الغاليه

اختي ما فيج الا العافيه انشاء الله الاعراض اللي عندح اعرض peptic ulcer او اي مرض مشابه له و السبب انه حمض المعده يصعد للمريء و يحرقه و هني تحسين بالالم و لما تهدى المعده بعض الهضم يتعدل مستوى الحمض و يخف العوار او يمكن في باكتيريا بالمعده اهي تكون مسببه هالام و علاجها كورس دوى لمده اربع اسبابيع
انصحج بعمل المنظار و انا سويته ما تحسين بالم ولا شي و اهو راح يبين سبب المشكله بس على ما تسوين المنظار انصحج بالابتعاد عن الاكل اللي يسبب الحموضه و الاكل الدسم و لا تشربين عصير ليمون او برتقال على الريج لانه راح يسبب الالم و الاكلات الحاره و السبايسي بعد
بس اختي جربتي تأخذين اي دوى للمعده من قبل مثل جافسكون او معادل للحموضه من قبل ؟

هلا حبيبتي

انا مو من النوع اللي الخبط بالاكل او اكثر مره معتدله واحافظ

لكن من عمري 6 شهور كانت فتحت المعده عندي مفتوحه دايم يعني ما تتسكر اذا خلصت الوجبه فما يثبت اي اكل واستفرغه وانتي بكرامه وعشت على هالحال 3 سنوات تعالجت كثير وتعذبت ولا في فايده الا بعد القرايه الحمدلله تشافيت لكن صارت معدتي حساسه لازم احسب الف حساب اذا جيت اكل ولا عندي حموضه ولا عمري عانيت منها لاني ما اكثر ولا الخبط لكن سبحان الله صرت الفتره الاخيره حتى اذا مشيت احس بألم معدتي كأن كره ثقيله فيها واذا لمست المكان يألمني احس بالمعده لا اتهنى باكل ولا اتهنى بجوع في كل الحالات الم عظيم زاد الالم هالسنه بعد العلاجات والمضادات اللي كنت اخذها في حمل اطفال الانابيب كذا مره ولا ربي كتب لي حمل لكن حسيت ان الادويه اثرت علي كثير

اختي انا عندي نفس المشكله العضله اللي تسكر المعده تكون مفتوحه او مو قويه و المعروف ان بعد الاكل حتى لو كان كل خفيف يرتفع معدل الحمض في المعده لان الاحماض اهي تساعد على هضم الاكل و اذا كانت العضله اللي تسكر المعده ضعيفه تسمح بخروج الحمض للمرئ و المعروف انه المرئ يحترق اذا وصله هذا الحمض و هذا يسبب الالام الشديده في هذي الحاله الدكتور لازم يوصف دوى يقلل مستوى حمض المعده و بالتالي ماراح يأثر على المرئ و ساعات الحاله النفسيه لها دور في زياده حمض المعده و علشان جذي يوم رحتي حق القرايه تشافيتي لان قراءة القران مهدي للاعصاب و التوتر النفسي و ساعات الادويه نفسها اللي تاخذينها تسبب لج هذي الاعراض او تعانين من حساسيه منها و انتي ما تدرين
انصحج ان تراجعين الدكتور و تقولين انه يمكن فيني peptic Ulcer او اي نو ثاني من ULCER , راح يسوي لج تحليل دم يشوف اذا مسبب هالمرض جرثومه بالمعده ويمكن تبقى في المعده سنين ولازم في هذي الحاله يعطيج مضاد حيوي وكل ما سكتي على المرض كل ما زادت الاعراض و يمكن تتطور للاسوئ لا سمح الله
انا كنت اعاني من نفس الشي و كل ما رحت الطبيب يقولي عسر هضم او تسمم يحط لي محلول و ارجع البيت بس يوم درست صيدله عرفت انه الاعراض مو اعراض عسر هضم و الحمدلله تعالجت منه و الحين صرت احسن
على ما تراجعين الدكتور تقدرين تاخذين جافسكون الموجود في الصيدليه و كل ما حسيتي بالم اكلي باندول علشان يخف الالم
اتمنى ان الشرح يكون افادج و اسفه على الاطاله و ما تشوفين شر

فديتك حبيبتي فادني ونص والله

لكن ماصرت اتقبل اي علاج يزيد الالم خاصه المضادات وتسوي لي دوخه وارهاق والم خيالي

اقول لزوجي يبغالي تبديل معده ولو ما تنفع انتهت

<<<<<<<<<<<<<= كلما تدق عليه الصباح في العمل يقول الحين اجي الحين

<<<<<<<<<<<<<<<= يحسب جتها الازمه

الله يعين

والله ماعندي خلفيه عن الموضوع بس حبيت ادعيلك

الله يشفيك يارب ويعافيك ويتم عافيته عليك ياكريم

ولايوريك مكروه

بعد قلبي فديت روحك

اللهم آمين أجمعين يابعد روحي