ساعدوني شنو علاج الخمول والحسد

صار لي فترة اعاني من هالمشكلة اشعر بالخمول والكسل لدرجة اني اصلي وانا قاعدة مع اني مو مريضة لدرجة اني شكيت في خدامتي حاطة لي *** بس الحمد لله علاقتي زينة وطيبة معاها وناس قالوا هذا حسد حسد وهذا شي متوقعته لان العيون علي كثيرة حيل حيل بس فعلا اهملت بيتي وعيالي اقعد الصبح البسهم وارد انام وما اطلع من غرفتي الا الساعة 4ونص حتى عيالي مااقعد معاهم عالغداء واهملت زوجي اشعر بثقل براسي وجسمي متكسر لدرجة اني اجمع صلاة الظهر والعصر والمغرب مرات وقاعدة وسويت تحليل غدة وما فيني شي شننننننننننننو الحل ساعدوني ما في ابر تعطيني النشاط والحيوية حتى الحجامة سويتها ما كو فايدة

إن شااءالله مافيج إلا العآفيه ..
بس شيخوخه مبكره اضحك لاتعصبين هههههه
روح لشيخ .. وارقى نفسج

يمكن تحتاجين حبيبتي لتنظيف المصران ( القولون)
لأني سمعت إن التنظيف يقضي على الكسل
و مرة قريت تجربة وحدة في المنتدى و استفادت وتقول أصحى من الصبح و أروح الدوام و لما أرجع أحاول أنام العصر ما أقدر أنام مع العلم إنها كانت قبل ما تسوي التنظيف كانت لازم تنام
و تقول إنها أول تصحى بساعة المنبه أما الحين من دونه.

دمتي بخير

حبيبتي ارقي نفسج وقري الاذكار وتصدقي بنية الشفا

وما تشوفين شر ان شاء الله

صح هذي اعراض حسد و عين

حبيبتي روحي لشيخ ارقي نفسج حياتي

سوى تحاليل شاملة وتاكدى وارقى نفسج وشربى ماء زمزم مقرى علية ودهنى يزيت مقرى

بشري عنج شلونج ..

انا كان فيني نفسج كلهم قالوا حسد او عين بس لما سويت التحاليل طلع نسبة الكرسترول مرتفعه ومع العلاج حمدلله شفيت

طمنيناا عنج ..

ما تشوفين شر عليج بالرقية الشرعية يوميات و قراءة سورة البقرة و اتسبحي بالسدر بس بالنهار و لا تخلين أذكار الصباح و المساء
و الأهم من هذا كله اتكالج على رب العالمين و عزمج انج اتعالجين نفسج بنفسج و ما تلجئين إلا لله وحدة و هو ان شاء الله بعينج على الشفا
هذا الكلام عن تجربة
جربي و طمنيني

اشكر اهتمامكم لموضوعي وانشاءالله اذا تحسنت ابلغكم

سلااااااامتج ياقلبي وانا مريت بنفس اللي مريتي فيه ومع الرقية والاذكار الحمدالله تغيرت للأحسن

حبيبتى الأعراض الي عندج .. أعراض عيييين وقوية .. والعين القوية دائما يكون معاها شيطان وحااارس من الجن .. يعني أعراض العين هيه نفسها أعراض المس ..

الخمول .. الثقل .. الكسل .. كثرة النوم .. صدود عن الطاعات .. ألالام بجميييع أنحاء الجسم .. وأشياء أخرى كثيييرة ..

وراء كل صلاة أقري المعوذات كل وحدة ثلاث مرات مع اية الكرسي وخواتيم البقرة والأذكار الصباحية والمسائية

سورة البقرة .. يوميا أقريها وبجلسة وااااحدة .. وتاخذ ساعة .. والله الذى لا إله ألا هو من أول قراءة راح تتفتحين .. وداومي عليها يوميا لغاية الشفاء .. بعدين كل ثلاث ايام علشان تحفظك والله خييير حافظا ..

الرقية الشرعية بعد كل صلاة فجر .. يوميا .. تحفظك من كل أمر سوء ..

وشوفي نفسج أثناء الرقية أو سورة البقرة .. شنو ألي يصير معااج وعطيني خبر

جربي ألي قلت لج عليهم .. وعطيني النتايج

مشكورة يا بسومة على هالنصايح الثمينة ويعطيك الف عافية ماقصرتي باحاول انشاء الله هذا اذا التزمت بالصلاة في وقتها

أم الذوق .. حبيبتى .. لالالالالازم المحافظة على الصلاة .. أشلون تبين تحفظين نفسج وأنتي مو ملتزمة بالصلاة ..
يعني مافي صلاة .. مافى شفااااء .. حبيبتى والله لمصلحتج .. وعلشان شئ ما يكبر عندج ويتفااااقم .. ومحد بيتعب ألا أنتي ..
اسأل الله لج أن يعينج على ما أنت عليه .. ويشرح قلبج .. ويفتح مساااااامع قلبج لذكره .. آمييين .