ليزر العين ()

السلام عليكم ورحمه الله وبركاته ..

بنات منو مسويه ليزر حق عينها ؟؟

وعند اي دكتور تنصحوني ؟؟

ودي اسوي ليزر علما بأن عمري 18 بعد شهر بصير 19 ..

شتنصحوني فيه ؟؟

وشلون باالنسبه للدواماات ؟؟ يعني انا اداوم بالجامعه فهل راج يأثر ولا شي ؟؟

نطري لما تصيرين بالعشرينات عشان يثبت النظر اول شي ثاني شي في وايد دكاتره اولهم خالد السبتي ومنصور العجمي ومحسن ابل كلهم شطاار موفقه

انا اختي الدكتور نصحها انها تسويها لما تكمل 21
يكون أحسن لج بوايد
كلها سنيتن صبريهم أحسن
ولازم يعطيج اجازه اسبوع عالأقل سويها بعطله
يا اما مالت الصيف او الربيع وبعدها داومي عااااادي
انا اذكر رديت من السفر وداومت بعد اسبوعين من العمليه لا وحطيت كحل بعد

عيل بنطر لين اكمل 21 ..

مشكورين حباايبي انتو ..

تقصدين ليزك؟؟
د.عبدالله المنصور وااااايد شاطر فيها

هلا حبيبتى صح كلام الاخت لازم تستنى لغاية ما تتمى ال 21 انا سويتها فى مستشفى مغربى فى القاهرة ولازم قبل العملية بيومين التحطين كحل وعقب العملية لاتتطلعين بالشمس ولا تحطين ماى على ويهج

مشكورين حبايبي ما قصرتو

اي حتى انا ودي اسوي بس بنطر لما اكمل 21 عادي كلها سنه واكمل ادعووولي من الحين لما اسويها لوووووول

الاخت sharooo
ممكن عنوان المستشفى او رقمهم

شكو العمر انا مسويتها شهر خمسه اللي فات وعمري 20 ماكمل 21 والحمدالله مافي اي مصاعب بس لازم يعطيج اسبوع طبيه انا غبت عن المعهد اسبوع وبعدها داومت وسويتها عند سامي الربيعه هم واااااااااايد حلووو وحده شاطر وانا عمليتي ليزر لان الليزك ماتصلح لعيني وشرحلي تركيبت عيني يعني ليش الليزك ومايصلح والليزر يصلح ويفهمج كل شي وشنو الفرق بين الليزك والليزر ومايهم العمر

حبيبة قلبي انا قبل سنتين كنت كبرج وسويت عملية الليزك الحديث شي عجيب الله يبارك والحمدلله انا الحين وايد مرتاحه ومااشتكي لا من جفاف العين ولاحساسيه بفضل الله ثم بفضل الدكتور سامي الربيعه الله يبارك ايده حيل خفيفه ويحسسج انج وحده من بناته والله انصحج فيه لانه دكتور شاطر عسى ربي يعطيه العافيه وتسويينها وتقومين بالسلامه وبالنسبه حق الدوام عادي تروحين الصبح يسوييلج اياها وبالليل تقومين وتشوفين وعادي بس اول يوم راح يكون غريب عليج لانج راح تحسين مره تشوفين عدل مره تحسين بغشاوه وثاني يوم كل شي عال العال عسى ربي يسهل عليج وكوني مع ربج حتى يكون معاج حبيبتي

انا مفكره اسويها عند سامي الربيعه ومثل ماقالت نمله حوره يعاملج مثل بنته وااايد طيب انا صارلي سنه اراجع عنده وانشالله باخذ موعد حق العمليه واسويها بما ان سووها عنده وايد ونجحت مشااالله

مو شرط 21 اذا كملتي 18 عادي
وعندج د. سلطان المطيري احسن دكتور حاليا وعنده افضل اجهزة الليزك وانا انشاء الله باجر بسوي عمليتي

بنات اشسالفت الكحل ؟؟ شنو ليش بعد يومين لازم انحط كحل ؟؟

انا اختي سوتها توه برمضان عند دكتور وجية بمستشفى دار الشفا
ما شالله عليه عجييييييييييييب وفاهم ودمه خفيف وادينه خفيفة

ما تشوفين شر