أحذركم من الدكتورة

هاي بنات شلونكم شخباركم؟

هذي اول مرة اكتب موضوع بس بصراحه الموضوع يستاهل انه ينطرح عشان محد يصير له الي صار لي … الله يسلمكم قبل فترة حسيت بحكه بجسمي ورحت لدكتورة جلديه بمستشفى دار الشفا اسمها نور جيهان(هنديه) وقالتلي هاذي اكزيما وعطتني كريمات حقها استخدمتها وما انفعت رحت لها مرة ثانيه قالتلي هذي عيل فطريات(الحمدلله والشكر دكتورة وماتعرف تفرق بين الفطريات والاكزيما؟؟) المهم استخدمت كريمات الفطريات وصار بالمكان لون ابيض جنه برص جان اوريها جان تقولي اي هذا الكريم يمكن ايبيض استمري عليهاستمريت عليه وقولوا شصار لي؟؟

طلعت فيني اورااااااااام تخرع وتحكني بشكل فظيع رحت لها جان اقولها علاجج غلط جان تزفني وتقولي لا العلاج مو غلط قلتلها شلون مو غلط والاورام ما طلعت الا بالمكان الي دهنت فيه؟؟ لا وفوق هذا لما رحت اشتكي على علاجها وعليها خذو مني فلوس مراجعه

(الحين انا يايه اراجع ولا اشتكي لو ابي اراجع جان رحت حق دكتور احسن منها!!)

وي طفى سلامتج ماتشوفين شر

انزين وبعدين اشصار عليج ؟؟

سلامتج من الشر روحي حق دكتور عيسى بمستشفى دار الشفا والله خوش واحد

الله يسلمج شجون يا قلبي بس الحمدلله الحين خفت الاورام شويه وانشاالله مع الايام تروح

الله يسلمج يا قلبي تصدقين عاد انا كنت رايحه اساسا حق دكتور عيسى بس سبحان الله ما استقبلني لاني بدون موعد فسالت منو الفاضي قالولي الدكتورة نور ودخلت لها وياليتني مادخلت بس قدر الله ماشاء فعل

ماتشوفين شر حبيبتي

والله يرحم حالنا دايم يجربون فينا …

الشر ما يجيج يا قلبي صرنا حقل تجارب للعليميه

والله طرطره !

زين انج فضحتيها عشان الناس تحط بالها منها

وماتشوفين شر ياقلبي والله يصرف مافيج ويكافيج الشر

مادري شفيهم الهنود

انا بعد بنتي سخنت تخيلو سخونه عاديه بس لانها اول بنت وايد كنت خايفه عليها الحمدلله والشكر
وديتها مستشفى لندن ولا دكتوره هنديه انا شايله بنتي وهي من بعد متر فاتحه الليت اليدوي ومنيشنه على حلج بنتي!!!!!!!!!!!!!!!!!!

وبنتي مسكره حلجها

وموعارفه طلعت في بنتي اسمالله عليها الف عله

ماتبي تجيس بنتي عمى بعينها

وقالتلي لازم انوم بنتج تحت الملاحظه!!!!

احنا شاكين في صدرها؟؟؟؟!!!!!!!

قمة المصخره طبعا انا مارضيت وكتبتلي لستة ادويه من صيدليتهم

ماخذيت ولا واحد

ورحت مستشفى الاحمدي قالولي سخونه عاديه وعطوني تحاميل وادوية حراره حقها وبس
وبعد يومين صارت زينه

ما تشوفين شر وديرو بالكم دايما نشفوا ريج الدكاتره بالاسئله….ليش وشنو هذا ومتى واشلون….لان ساعات ما يركزون ولا بنتبهون ان المريض يمكن يكون فيه حساسيه…من ادويه معينه….او يتعارض مع علاج ثاني…..

اللله يجزاج خير

كنت بروح لها

ماتشوفين شر حبيبتي
ونصيحتي لج روحي الجلدية اللي بالصباح احسن شي في دكتور ولد المالك واااااايد يمدحونه

حمدلله على سلامتج

هذول يسوون لج من الحبه اوبه علشان ياخذون فلوووووس

ما تشوفين شر حبيبتي