✎✏✐ تجمع مدرسه كيمبردج الانجليزيه 2024 / 2024 ✎✏✐

تجمع مدرسة كيمبردج الانجليزيه 2024 / 2024

السلام عليكم

حبيت اسوي تجمع يديد عشان نفيد ونستفيد من بعض بالسنه اليديده 2024 / 2024

مواعيد الدوامات :

::

شنو تجهيزاتكم ؟
مستعدين نفسياً للسنه اليديده ؟؟

بنات طلب الله يخليكم اذا بدت الدراسه ابي كل وحدا تكتب عيالها في اي صف ومنو المدرسين ؟
عشان نستفيد اكثر ..

موفقين جميعاً

السلام عليكم

مشكوره ياسمينا ع التجمع الجديد

للأسف الموظفه بلغتنا ان الملابس نزلوا لما رحنا
قالوا هذي ملابس العام وما عندنا أمر نوزعهم الحين
والموظفه غلطانه
المشكله ان اولياء الامور شكثرهم تعنوا ع الفاضي
الصراحه فوضى ما لها داعي

مبروك التجمع ياسمينا اشتري لبنتي جنطه نفس اللي الحكومه كبيره والا صغيره اشوف كتبهم خفيفه والجوتي اسود !؟

عاد من زين ملابسهم خاماتهم تلوع الجبد

اللي عندها y1 شنو اخذ دفاتر او انطر الطلبات

وعليكم السلام

احسن حل انج تدقين قبل ماتروحين عشان تتأكدين ,
كل ما اقول بروح ادق عليهم ويقولون لي الحين مانزلنا شي ..

توني داقه عليهم قالوا بس ملابس الروضه موجودين ,
ويمكن يوم الاحد ملابس الابتدائي وغيرهم , ومو اكيد بعد ..

الله يبارك فيج حياتي ..

الجنطه لاتاخذينها كبيره حييل اخذيها وسط لان ماعندهم كتب ,
وكتبهم عباره عن دفاتر هوم وورك من المدرسه + البروفايلات الملونه من عندج + المقلمه اكيد ..

الجوتي أسود ولازم تييبين لها جوتي رياضه هم أسود,
ولدي لما كان يروح بجوتي المدرسه العادي يدقون علي و مرات ما يخلونا يلعب ..

لوول صح كلامج خاماتهم بسرعه توبر ..

لاتاخذين دفاتر لان المدرسه توفرها ,
بس اخذي اقلام رصاص + الوان خشبيه + مساحات و برايات + الصمغ الشمعي + مقص مايكون حاد + مسطره صغيره + الفايلات الملونه ..

و انصحج تاخذين باكيتات مو بالحبه لان اليهال يضيعون اغراضهم وايد ..

بنات توني دقيت وقالوا ماكو ملابس ماوصلوا بس ملابس الروضه ,
يعني لاتتعنون ..

ياسمينا انتي ولدج اي صف يروح انا بنتي بتروح يير 2 وكانت بالحظانه والروضه بخاصه بس اولي ابتدائي اللي ماكنت مستقره بمنطقه ودششتها حكومه والله اثرت عليها حيل خذيت كتب يير 1 ودرستها بالبيت الله يستر لازم اكون متابعتها والله خايفه تصير كسلانه وماتفهم بس الحين بنتي فاهمه الكتب بس خايفه عليها من انها ماتفهم الاستاذ او شي لانهم راح يتعاملون معاها علي انها دارسه عندهم اولي الله كريم ويساعد بنوتي يارب

ماريا حبيبتي ولدي مع بنتج يروح يير 2 ,
انا عندي قاعده اذا الياهل يعرف الاساسيات ما اخاف عليه ,
والحمدلله بنتج كانت بحضانه وروضه خاصه يعني اكيد تأسيسها زين
وان شاء الله تتوفق وماعليها خوف بس لاازم تجابلينها ..

ولاتتسرعين بالحكم على بنتج ترا اليهال اسم الله عليهم اذا حبوا شي يبدعون فيه ,
ولدي كنت خايفه ادخله واتحسف لان شيطان وحركي وايد واول سنتين ينني ,
بس الحمدلله بالدراسه صدمني وطلع شاطر ..

ريحتيني ياسمين
الحين ولدج شنو خذا العام بس اللي بالكتب الحمدالله اني لقيتج والا شغلات ثانيه بنتي فهمت اللي بالكتب في شي ثاني

السلاااااااااااام مبروك التجمع اليديد زين سوييتي سنه يديده بثوب جديد

عيالي توام اسم الله عليهم رايحين يير 2

بنتي الحبووبه رايحه كي جي

رحت واستلمت ملابس الروضه والبي اي موجودين وصلو لكل المراحل وبنطلونات الصبيان موجودين لكل المراحل ما عدا القمصان للحين وقالت لو ما وصلو لي الدوام ممكن يداومون ببدله البي اي لين الله يسهلها

فاتورتي 69 ونص لان شريت لكل ياهل 3 تبديلات اسم الله عليهم يكرفون والملابس نوعيتها توبر انا ما احب جذي .

القميص 3.5
البنطلون 4
قميص الكي جي 3.5
نفنوف الكيجي 5
بدله البي اي 6

اللله يوفق الجميع اميييييين

اهما ماعندهم كتب بس دفاتر وكل يوم هوم وورك ,
هالسنه مادري شلون طريقتهم حق يير 2 ..

والحمدلله اساتذتهم ومدرساتهم وايد زينين وحريصين حيل ,
وبنفس الوقت شديدين مع الطالب الشيطان اللي مثل ولدي لي درجة ان هدا وحب المدرسه ..

لاتحاتين اهم شي انج تباشرينها وان شاء الله تبرد قلبج ..

وعليكم السلام
ماشاء الله الله يبلغج فيهم ..

والله انا دقيت وقالت لي ان ماكو ملابس بس حق الروضه !!
مادري ليش ما قالت لي هالكلام !!

بنطر لي الاحد واروح اشوف شسالفتهم ,
ماعتقد يخلونهم يداومون بملابس البي اي ..

حياتي موفقين ان شاء الله

ياسمين انا عندي كتب خذيتها من المدرسه قالو هذي مالت يير ون
لحظه شنو البي اي