|
|
طبعا الموضوع باين من عنوانه
ياريت كل وحده مدخله عيالها مدرسه خاصه تشاركني بالموضوع ونستفيد من بعض
اكيد كل مدرسه لها عيوب وسلبيات
والواحد لما فكر انه يدخل عياله مدرسه خاصه ويقط فلوس يتوقع افضل تعليم واحسن مستوى
بما اني اعرف وايد ناس مدخلين عيالهم مدارس خاصه وسمعت وحده تذم و وحده تمدح
ودي اسمع رايكم في مدارس عيالكم
عشان نستفيد من بعض ومو شرط الي انا مريت فيه كل اولياء الامور الي عيالهم بنفس المدرسه مروا فيه
سبحان الله الدنيا حظوظ
يمكن انا ارتحت مع مدرسه معينه وحده ثانيه ما ارتاحت منها
ياريت كل وحده تقول شنو السلبيات الي في المدرسه وليش طلعت بنتها ولدها منها
من كل النواحي ( الاداره ، التدريس ، التعامل ، الرسوم ، المنهج والطريقه )
ناطره مشاركاتكم
ولدي كان في مدرسة التكامل في مرحلة kg2 وكان طالع من حضانه قويه وتأسيسه كان ممتاز
طبعا نجح على طول في امتحان القبول ودش المدرسه
بما انه اهو بجري و ما عندي خبره بالمدارس الخاصه
ف كنت ماخذه فكره غلط انه اي مدرسه خاصه زينه مدام اني بقط فلوس
انصدمت من مستوى المدرسه ويمكن انا ما كنت متوفقه معاهم بسبب التيشر مالته
كانت وايد هاديه وضعيفه و مو قادره علي الصبيان
اخلاق ولدي تغيرت ومستواه وايد نزل صار شي ثاني وحيل تعبت معاه
والشي الي خلاني ما اتحمل لما ياني اتصال منهم وقالولي نبي انبهج انه في جم واحد بالصف اكنشفنا انه صار معاهم قمل ف لازم تاخذون احتياطكم
هني انا قلت خلاص مستحيل اكمل معاهم كانت صدمه بالنسبه لي
في ناس يمكن عادي عندها بس انا ما تقبلت الموضو بالمره
وبالنسبه للتدريس كانت المدرسه مو عاجبتني طريقتها وايد هاديه بزياده عن اللزوم و كان ايني ولدي مو فاهم شي
لما اراجع معاه كان كأنه يسمع المعلومات اول مره وتم طول السنه جذي
الدليل انه الغلط مو من ولدي لان كان بالحضانه وفي kg 1 في مدرسته الي قبل وايد شاطر و مدراسته حيل يمدحونه
ومعاي انا لما كنت اشرح له كان يستوعب ويركز يعني من الاخير انا الي أسسته في هل مرحله الحساسه
كان الحمل علي انا والا اهما ما كان لهم دور
بس الناظره كانت متفهمه وجم مره كلمتها بس للأسف ما حسيت بتغيير
ف قررت اني الحق عليه واطلعه بسرعه
هذي كانت تجربتي مع التكامل
والله انا ليلحين بجري قاعده ادورله مدرسه ومحد قاعد ينصحني بالبريطاني مادري ليش يقولون امريكي احسن بس معروف البريطاني ياسس عدل
شوفي انا جربت ال٢
انا بالنسبه لي البريطاني قديم ومتشددين اكثر يعني انا بصراحه ما ابي عيالي يضيعون وقت ويدرسون تاريخ الملكه اليزابيث والتاريخ البريطاني
شنو بيستفسدون منه
المنهج الامريكي حلو ونوعا ما اسهل بس بنفس الوقت اذا كانت مدرسه زينه راح يتأسس الياهل عدل
وانا اشوفهم متعاونين اكثر واذا بعد دخلتيه ثنائية اللفه راح ياخذ حتى الاجتماعيات مثل كتب مدارس الحكومه
ونسيت هل نقطه المنهج البريطاني صعوبته في اخر سنه الي اهي igcse لان الامتحانات تيي من برا ونفس نظام قبل الثانويه العامه
ايبون نسبة مؤيه اما المنهج الامريكي نظام النقاط الي اهو نفس المقررات
بدايه معاهم بنتي حابه المدرسه و الحمدالله صارت اجتماعيه مو نفس قبل
انشالله اخر السنه اقدر احكم على مستواها اكثر
اب اب
اب
موضوع جدا مميز
وفعلا نحتااج لمعرفة مميزات و عيوب كل مدرسة
حتى الحكوومية منها
طبعا اتمنى انكم مرتاحين اب مدارس عيالكم بس اكيد في سلبيات :/
ما سمعت من مرت أخوي انها تشتكي منها
وال Teacher الحمدالله مسويه كنترول على الصبيان عندهم وماكو تساهل عندهم اذا احد غلط
شوفي انا عيالي مو بالخاص بالحكومة
بس سمعت من وحدة اعرفها
اتقووول التكاامل جدا تعاملهم مو حلوو
ولدها دش اولى روضة ثانية روضة اولى ابتدائي
اخر السنة قالولها ترا مانبي ولدج خلاص لاتدفعين التريم الياي
اهيا انصدمت لأنه الحيين ويين اتحصل دووور لولدها بالخاص
اضطرت اتحوله حكوومة
وبالنسبة للبريطانية محد ذكرها بس بعطي مثال لأنه اعرف من اهل ريلي و همن رفييجتي مدخلة عيالها
المصيييبة بالمنهج واااااااااااااااااااااااااااااااايد صعب
و واااااااااااااااااااااااااااااايد دسم
من الابتدائي يقرااا الاعمدة و الاحصاءات
و قراءة الساعة
وبلاااااااااااااوي
التعامل مايرضووون باقل غلطة من الطفل يعني سييدة بس قال الولد sir i have a question
سحب منه الورقة و طلب ولي امره
شدعوا شدعوا
بالنسبة لولدي اهو بالحضانة ب English play group
بصرااحة ماشفت اي تغيير على ولدي احس السنه بتخلص وولدي مااستفاد شي
كلش مايتكلم ولاشي من يرجع من المدرسة بس لعب كل مااسألة احس ان ضائع مو فاهم شي
وحدي خائفه لان بحوله لمدرسة ثانية والله يستر مع المقابلة
اب
اب
الصرااااحه وااايد قويه هذي اول سنه معاهم ولدي حضانه واستفاااد وايد معاهم ماشالله
عرف الالوان والارقام وايام الاسبوع واغنية abcdكامله وطبعا صار ولدي كله يتكلم انجليزي حتى بالبيت معانا وانا بعد لان بالبيت مخليه الفلبينيه ماتحاجيه الا انجليزي وانا اللي اقدر عليه بالانجليزي وانا لغتي تقدرون تقولون عنها زييينه بس مو توب
وبنتي برسبشن يعني kg2 اول شي بس تعبت معاها لانها دشت كبيره ولغه مييييييح واللي بالصف معاها متأسسين او نصهم اجانب فكانت اقل مستوى فيهم فتعبت باول تيرم بس كلشي سويت لها درستها وايد بالبيت من نسسخ حروف وارقااام وتحفيظ الوااان وغير السيديات فيها اسماء الحيوانات وصورهم والاغاني وحتى حطيت لها مدرسه كانت تشتغل قبل بنفس مدرستها واتفقت معاها تعلمها لغه بس،،،، كل هذا سويته بس عشان توصل مستوى اللي بصفها
والحمدلله حييل فرق معاي والتيرم الثاني تركتها شوي خفيت عليها قلت عشان لاتكره المدرسه وبنفس الوقت ابي اعرف مجهود ومستوى المدرسه ولله الحمد هم واايد تحسنت صارت تقرى كلمات من ٣ او ٤ احرف بس طبعاً مو قراءه سريعه لا تهجأ الكلمه وبعدين تقولها اهم علموها على هالطريقه وحتى رياضيات قامت تعرف تجمع وتطرح ماشالله تباارك الرحمن
ذكروا الله بنااات اخااف على بنيتي بعد هذي بچري
بس اللي مو عاجبني بالمدرسه احس يبيلها مبنى احلى واوسع شوي مع ان حلوه صفوفهم وبلاي قرواند والمسبح كبييير بس شايفه احلى انا
والشي السلبي الثاني ان المدرسين يتغيرون مو ثابتتين بس طبعا تغييرهم مو خلال السنه لااا مايسوون جذي
يعني مثلا انا سأله وحاطه في بالي مدريه معينه مختارتها حق بنتي للسنه اليايه بس قالولي لا ماراح تكون موجوده
وهم ولدي اول شي نصحتني التيچر مالته اللي بالحضانه على مدرسه معينه وصج انا من زمان عيني عليها حيل مرحه وتعاملها مع الياهل حلو ونشيطه بس هم عقب فتره قالتلي راح تروووح وسألتها منو تنصحيني اختار حق ولدي او بنتي قالتلي موقادره اقرر لان وايد مدرسين جداد راح ايوون السنه اليايه وهذول ماعرفهم واللي اعرفهم اغلبهم بيروحون
قتلها ليش جذي قالت مادري بس من زمان يصير جذي كل سنتين او ثلاث وايد يروحون ووايد ايون جداد
وسالتها شمعنى انتي بااقيه لوووووول جان تقولي انا ريلي كويتي ومن زماان انا عايشه اهني صارلي ٧ سنين
عاد تهبل اهي وطبعا ولا كلمه عربي تعرف ولا بناتها بعد عندها ثنتين وحده بعمر ولدي ووحده بثانيه ابتدائي ولا جنهم كويتيات
قلت قصه حياتها وحياااتي بعد لووووووووول
اندمجت
وبنااات انا الشي الوحييييد اللي متعبني اني انا ساكنه بالجهرا والمدرسه بحولي تخيلوا الدرب كل يوووم 
بس شسوي اتعب عليهم بالبدايه وارتاااح بعدين انشالله
اب
اب