معرض اللوازم المدرسيه السنوي – استفسار من البحرين

مرحبا خواتي كويتيات،،
بغيت اسأل عن معرض اللوازم المدرسيه اللي كل سنه اتسوونه في أرض المعارض عندكم،،
في أحد عنده فكره من أي تاريخ بيبتدي وأي تاريخ بينتهي،،،
أفكر ازور كويت في سبتمبر وحابه ان يصادف المعرض علشان اشترى اغراض المدارس حق عيالي ،،
اللي عندها فكره اتخبرني الله ايعافيكم،،

مشكورين ياالغاليات
أختكم أم ناصر
من البحرين الحبيبه

حياج الله يا ام ناصر

المعرض من 29-8 الى 8-9

مشكوره اختي وماقصرتي ،،،
حبيبتي والله في ميزان حسناتج ان شاء الله،،
وايد متشوقه ازور الكويت ،، ما زرتها من 6 سنوات تقريباً،،

مشكوره مره ثانيه

ماسويت شي يالغلا وحياج الله

حيااااج الله بالكويت

حياج الله في الكويت واكيد راح اتنورون الديره بييتكم لنا

حياج الله بالكويت

حياج الله بديرتج الثانية

الله ايحييكم و يبارك فيكم ياربي،،
هاذي عوايدكم يا اهلنا في الكويت ،، الكرم والخير كله ،، ماشاء الله
الله ايخليكم لنا وايخلينا لكم ياربي ،، دايماً يد وحده،، الحمدلله

بإذن الله ناويه ازور الكويت بيوم الجمعه (يوم واحد وراجعه بعون لله)،،
خبركم ماقدر اهد اليهال أكثر من اليوم وانه يايه بس يوم واحد حق شوبنق ،،،

بس حبيت اعرف المعرض فاتح يوم الجمعه ول ايسكر؟

مشكورين خواتي،،
أم ناصر

اب اب وينكم يا كويتيات وين إجابتكم على سؤالي؟. يفتح المعرض يوم الجمعة ول لا؟

هلا فيج ام ناصر بالكويت بيتج ومكانج

حبيبتي المعرض يفتح يوم الجمعه مايسكر بس اعتقد العصر

حياج الله بمنتدانا