تجمع امهات مدرسة اسرار القبندي ثنائية اللغه

السلاام عليكم

اشلووووووووووووووووونكم امهااات ؟؟

الله يسلمكم هذي الدوانية عشان نتكلم عن المدرسة اى استفسار او معلومات سواء ايجابية او سلبيه ونفيد بعضنا عن المدرسة

وكل ام اتقول اللي بخاطرها عن العيال بالمدرسه أو عن المدرسه عشان أي وقت اذا احتاجة وحده منى شي تلقى موجود ونذكر مواعيد الانشطه

واتمنى محد يبخل على الثاني باي معلومه اتفيد الكل

حياكم الله

خلووووني انا ارد اول وحده انا بصراحه توني يديده عالمدرسة بنتي اللحين بالحضانه عندهم وان شاء الله السنه الياي اتكون عندهم في كي جي1

وناطره تفاعل اللي عندهم خبره بالمدرسة عشان يفيدونه

انا بعد اسال عن المدرسة محد رد شسالفة محد مدخل عياله هالمدرسة ليش لهدرجة فاشلة!!!!

والله ياعمري
وايد ناس مدحوها لي بره المنتدى وانا رحت المدرسة مسكت الامهات اللي اعيالهم يدرسوون فيها بصرحه الكل مدحها لي وااااااايد….. ما شفت ولية امر ذمتها بس الظاهر المنتدى مافي احد اعياله بهالمدرسة الله كريم ان شاءالله

للرفع

السلام عليكم
انا بنتي باولى ابتدائي وتوني سجلتها عمندهم من كثر ما اسمع يمدحون فيها
حتى يقولون اليايهل باولى ابتدائي يقدر يكتب فقرات كاملة بالانجليزي طبعا
بالنسبة للاسعار الروضة ب 800 والابتدائي 1000 وتقدرين تدفعينهم على اقساط 300
وياريت اللي عندها اي معلومة تفدينا

هلا والله ان وحده رديت سحبت اوراااق بنتي من المدرسة

ليش سحبتي أوراقها؟؟
انا سجلت بنتي كي جي 2
بصراحة الكل مدح لي المدرس ومستواها وكل اللي اعرفهم وطلعوا عيالهم منها اشكرى يقولون العيب بعيالنا مو بالمدرسة
المنهج وايد قوي وامتحانات من ثانية روضة وشداد..

هلا والله حبيبتي انا سحبت اوراق بنتي لان المدرسة طقتها ومعاملتهم للاطفال مووشي وبنتي اتعبت نفسيا وصارت فيها عقدت مدرسة باكستانيه او هنديه

شدعوة وين باجي الأمهات مافي أحد من العضوات هيالها بهالمدرسة وتقدر تفيدنا ؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دراستها وايد صعبها موادها وايد والجهد اكثره على الأهل

ويعطون الطالب فوق طاقته بدون فهم

اللي عرفته ان ادارة المدرسة من حم سنه متغيرة و تغير النظام والمستوى فيها
ودي اعرف من اللي مدخلين عيالهم فيها شلون الوضع هناك؟؟؟ عفية لاتبخلون بالرد

مدرسة اقل شي اقوله عنها وييييييييييييييييييييييييييييييييييييييييييييييييي ييععععععععععععععععععععععععععععععععع لا مستوى ولا معاملة ولا اسلوب تدريس ولا اهتمام انا بناتي الثنتين كانوا بالمدرسة وسحبت اوراقهم عقب 3 سنوات من العداب والمعاناة والحوادث والله العضيم انصحج نصيحة اخت طلعي بنتج وادا الرسوم مناسبة لج ولا تقدرين على مدرسة اغلى وديهم حكومة والتعب في كل مكان قويهم واسسيهم وانشا الله بترتاحين وساليني انا خبرة بالخاص والحكومة وفي النهاية ما راح يشوف الياهل الا نصيبه

مشكووووووووووووووووووووووووووورة حبيبتي عالنصيحة لاني كنت امفكرة فيها و جان زين كل البنات مثلج ينصحون لان احيانا نسال و نعيز ولا احد يرد علينا … الله يوفق عيالج يارب و عسى الله يعوضهم ان شاء الله بالاحسن و الله يارب يرزقهم و يسخر لهم احسن الناس يااااااااااااااااااااااااااااااااااااااارب