للملتزمين بدوامهم من الصبح ،، وما يتأخرون دقيقة

بنات سؤالي
اذا عيالكم اعمارهم من مرحلة الحضانة او الروضة ،، الى مرحلة الثانوي
يعني للحين ما صارت ابإيدهم السيارة

انتي وزوجج دوامكم 7 ونص أو 8 ( مثل وقت طابور المدارس )

المدارس الخاصة بمرحلة الروضة تطلع 1 ونص او 2
والزوج وزوجته يطلعونن من الدوام ما بين ال 1 ونص ونفس حالتي دوامي يخلص 2 وربع ،، يعني اليهال ينهدون واحنا تونا بنطلع من الدوام او يكون باقيلنا ساعة بدوامنا ،، ودوامي من نحاستهم ما عندهم نظام اني اكتب كتاب عشان اطلع مبجر للمدارس ،، رفيجتي كانت تطلع تييب عيالها من مدرستين واتوديهم البيت وعلى ما ترجع الدوام الا باقي 10 دقايق ويخلص دوامنا ،، صج معاناة

وسايق مستحيييييل
لا عمي يرضى بالسايق وماكو مكان حقه
ولا بيت اهلي اقدر اخلي عندهم السايق ،، عندهم صبي نظام ساعات يسقى ويغسل السيارات ويمشي

سؤالي

شلون طريقتكم مع عيالكم عشان تودونهم الصبح للمدرسة ،، وتاخذونهم الظهر ؟؟؟؟
حاطين سايق ؟؟
مشتركين بنظام باص المدرسة ؟
احد من اهلكم يودي واييب ؟
يروحون ويرجعون مشي مع الخدامة ؟؟
تستأذنون من الدوام تاخذونن عيالكم وتردون دوامكم مرة ثانية ؟

المشكلة وين ؟؟؟؟؟
المشكلة اكثر شي بطلعتهم من المدرسة ،، زوجي يطلع عال 1 ونص وانا 2 وربع ،، واليهال يطلعون 1 ونص وعلى ما ايي زوجي من دوامه ابآخر الكويت ويوصل ابهالزحمة

يعني امس اتحلطم اقول لزوجي مو لازم يكون في تناسب بين وقت الجهات الحكومية والخاصة والمدارس ،، عشان كل واحد يقدر يودي وياخذ عياله !! يعني اهم ما فكروا ان وقت الدوام للموظفين الصبح ونهايته الظهر صعبة ان يكون نفس وقت بداية ونهاية المدارس