|
|
:السلام عليكم ورحمة الله وبركانه
اولا>>>اشكو بثي وحزني الا الله
ثانيا ألجأ اليكم بعد الله
ابي النصيحه تكفون >>>>من امس وانا طايحه تعبانه والهم خارق قلبي
والله كل ابتساماتي من امس>>>>مجامله
بنتي ألحين بسادس>>>>>العام كانت ماخذه 88%
السنه هذي
بس شوفوا مصيبتي
الرياضيات سقطت بنتي وجابت 23>>>>والله ماادري شنو اعلق؟؟؟
آآآآآآآآآآآه بموت وبالبطيء بعد
كانت ماخذه بالامتحان القصير 3 من عشره والكبير 17 من 35
رحت كلمت الابله عشان بنتي ماتنصدم >>>>كفايه انا
قالت ابشري بالخير>>>>>اي خير
ألحين بنات عطوها امتحانين قصيرينوخلصوا
هم آآآآآآآآآآآآآآآآآآآآآآآآآآآآآه يابنات الحزن ذبحي
واحد جابت نتيجته والثاني للحين!!!! وياليتها ماجابتها هالنتيجه
جابت 1 من 10
تكفون نخيتكم شسوي ؟؟؟؟وين أروح ؟؟ اكلم منو؟؟؟
تكفون اللي عندها نصيحه تستعجل فيها والله اني منهاره!!
*بنات والله ماقصرت بالمدرسه الخصوصيه وهم ليلة الامتحان تجيها
والابله تمدحها وجدامي تسوي لها اسأله وبنتي تحلها>>>>>المدرسه والله ذكيه وشاطره
وبنتي قسم بالله مو غبيه>>>>صح تنحت هالسنه بس ماتوصل لهالدرجه؟؟؟
وابي اقولكم معلومه >>>بنتي لما امتحنت الامتحان القصير
جتني فرحانه تقول الامتحان حييييييييييييييل سهل وكانت واثقه من الاجابه
بس حرام انصدمت لما شافت الدرجه>>>>>>عاد انا ماقصرت لا بلساني ولا بأيدي
والله غصب عني>>>>والله احس انها كرهتني ودها اني اموت وتفتك مني
حرام عمرها 11 شنه >>>>>>ودخلت فيها بالنفسيه
عذبتها بنات من اللي فيني>>>>>حسبي الله ونعم الوكيل
تكفون شوروا علي >>>>شقول حق الابله
والله اذا جابت بالفتره الاولى سقوط>>>>احتمال اطلعها من المدرسه
ابوها يقول وديها خاص>>>>ليش؟؟؟ عشان ماده وحده؟؟؟
ادعولي بنات
وشوروا علي حيل محتاجتكم >>>>والله عندي ظروف مايعلمها الا الله وبنتي زادت علي
ودي اروح اكلم الوكيله>>>بس شقولها
الابله ماراح تفيدني بشي >>>>بتقول بنتج كسلانه ولازم تدرسونها وانا ماراح اقصر
انا مابي حجي>>>>ابي فعل
تتوقعون تقدر تنجح؟؟؟؟
كفايه العلوم صعب والعربي والدين متعبين
اكيد ماكو بنت كسلانه مثل بنتي ؟؟؟؟؟ واحد من عشره
آآآآآآآآآآآآآآآآآآآآآآآآآآآآآآآه ياربي
والله اخوانها ماعمرهم جابوا جذيه واهي اشطر منهم
الله لايحمكم الجنه اذا عنكم شي من بصيص الامل
بس ابيها تنجح لاغير
واللي تبي تساعدني حتى لو بالخاص انا شاكره
>>>اللهم لاتكلني الى نفسي طرفة عين>>>>
والله بتحدني بنتي على المذله >>>>>لو بروح اترجى الابله
*الابله كويتيه وشكلها حقانيه وماتبي تعطي من جيبها حتى لو درجه
شوفي اذا بس بالرياضيات هينه اما اذا بكل المواد معناها استيعاب الطالبه فيه شي
ميخالف كلمي الابلات وكل شي سوي اللي عليج
وكلمي بنتج قولي لها لج مكافاه اذا خذيتي درجه زينه وانتي شاطره ودايما شجعيها وتقربي لها وشوفي يمكن ماترتاح للابله ترى الابله لها دور كبير
وميخالف كل يوم درسيها رياضيات مو طق وصراخ لا لعب ووناسه واوراق ملونه وسوي لها امتحان بالبيت خل تحله جدامج شوفي مشكلتها وين
يمكن بنتج من النوع اللي يحل بسرعه وبيخلص بعد هذي مشكله ترى او ماتفهم المساله ماتعرف تفككها
وميخالف شوي شوي عليها وعليج بالدعاء والتدريب اليومي مو يوم الامتحان لالا كل يوووووووووم
بس مو ضغط لا باسلوب خليها تحب الماده وتبدع فيها و هم بعد حطي مدرسه خصوصيه مايمنع
ومافيه شي ماكو امل لا الامل موجود وبنتج مستواها زين اكيد فيه تغير طرا عليها ابحثي عنه
والله يوفقها ويجعلها من المتفوقين دائما
بالبيت كل ما أخذت درس راجعي لها بنفس اليوم .. شوفي أكيد مكتوب أمثله في بداية كل درس ,, حطي لها المثال بورقه من غير الحل .. وخل تحل وقارني إجابتها وحلها .. وان شالله تبشرينا بعد شهر بالدرجات الكامله.
ويفرح قلبج فيها
وان شاء الله تنجح وتتفوق وتيبلج احسن الدرجات
بس ابس احد يشور علي
باجر بروح المدرسه>>>>>وين اروح؟ شقولهم ؟واكلم منو؟
بنات >>>>خلاص طاح الفاس بالراس
انا جايبه مدرسه ثلاث مرات بالاسبوع>>>>وتجاوب وياها
بس بنتي تجاوب بسرعه
وعادي عندها اخطاء>>>>>بس مو واحد من عشره!!
اذا كانت الخطوات صح لازم تاخذ كم درجه!!
بنات بكلم الابله بكره وبتراويني الامتحان >>>والابله ماراح تحطلها هالعلامه نحاسه
اكيد صاجه>>>>بس ليش هالعلامه؟؟؟
تتوقعون الوكيله بتساعدني؟؟؟
والله خايفه ماتستقبلني
ولما رحت لأبلتها قالت والله توزيع الدرجات عندنا هالسنة يديد وقالونا عنه قبل يومين بس !!! شوفي الادارة يمكن منهم !!!
وان شا الله الشهر الياي تعوض
اشرايج ؟؟؟
ونفس الشي بالرياضيات ويابت جيد جدا
انتي لاااااااا تحطين اللوم كله على البنت او المنهج او الابلة
قعدي مع بنتج وقولي لها هالشهر راااح ونقدر نعوض ان شا الله واي شي صعب عليج كلميني
ماادري ليش متشائمه>>>>>والله على طول متفائله
بس سقوط>>>>>انهيار
مااقول الا حسبي الله ونعم الوكيل
ياليت مدرسات المتوسط يعطوني رايهم>>>>>شنو اسوي عشان اتعدى هالمشكله اللي خوفي تلصق في بنتي
انتي سويتي اللي عليج وانا من رايي قعدي مع بنتج وسولفي معاها يمكن البنت فيها شي مو معقولة ماتفهم لا بالصف ولا المدرسة اللي تيي 3 مرات بالاسبوع
عطيها مسائل كل يوم علشان تركز المعلومات بمخها وربي لا يخسر تعبكم ان شالله
ربي يوفق عيالي وعيالكم
وانشاالله الفتره اليايه تعوضها
ثانى شى كلمى الاخصائية واستشيريها قولى بنتى تمر بظروف واهى موكسلانة بالعكس راجعو شهايدها السنوات للى طافت بتلقونها عمرها مارسبت
وخلى مدرستها الخاصة تغير من طريقة شرحها او تعودها انها لما تحل تحل بروحها يعنى بالبيت تسويلها اختبار مستواة متوسط ومسألة صعبة وتخليها بالدار وتطلع وتخليلها وقت محدد يمكن البنت تعودت مدرستها يمها واهى تحل فقدرت لا لازم تعيش جو الامتحان
ولى اشرحتلها مسالة لاتمتحنها بنفس الوقت لا تقولها بكرة بمتحنج فيها عشان تخليها تتركز بمخها عدل الانها بتراجها عكس لو اشرحت لها صح بتكون متركزة طريقة الحل بس يمكن وقتية عشان جذى عبالكم اهى مستوعبة
ولله يخليهالج وتنجح ان شالله
شوفي اول شي العصبيه هذي ترا يمكن تكون سبب رئيسي للي يصير لبنتج يعني بتقول اذا ما حليت عدل
امي بتهاوشني وتزفني وتطقني يعني خفي عالبنت وخصوصا انها بعمر حساس خليها قريبه لج لا تبعدينها
عنج >> يعني عمر الطفوله كله 12 سنه لا تحرمينها باحباطها ^^_^^
وثاني شي انا ولدي بعد شااااااااااااااااااااااطر لا إلا ممتااااااااااااااز بالرياضيات وانا كلش ما احل عنه
ولا رقم حتي ما اقرا الارقام له مخليته يعتمد اعتماد كلي علي نفسه بس شنو جاب بهالشهاده 37 من خمسين
انصدمت بس عرفت ان السبب هو انه مطنش بالمدرسه ومخلي روحه اراجوز بالصف >> جني عريت
المهم خليها تقرا الاسئله والارقام بروحها يمكن بنتج شاطره شفهي بس بالقراءه الاسئله مو ذاك الزود وهذا
يأثر عليها
والله يكون ببعونج وبعونها وينجحهههههههههههههم يارب
بنتج اكيد مو حافظه جدول الضرب لان الفتره الاولى من المقرر كلها قسمه والمسأله بالامتحان عليها 7 درجات واذا غلطت برقم واحد صارت المساله كلها غلط وراحت عليها 7 درجات
ومالج شغل بكلام المعلمه الخصوصي بتقول فاهمه تبي فلوسها يمكن موصاجه
ولا تخافين شدي على بنتج بالمذاكره وراح تعوضها وماراح تسقط
وملاحظه مهمه ترى الفتره الثانيه اسهل حييييل من الاولى لانها كلها هندسه وخلصو القسمه
وادعيلها وتفائلي بالخير انشالله
ماقصرتوا
والله يوفق عيالي وعيالكم آمين
ادرسها وجايبه لها مدرس وشاطين عمرنااااااااااااا واخر شىءعالحفه بالدرجه والمواد الثانيه امتياز وهاوشتها وطالبتهاااا بلسانى وبيدى على قولجلاكن غيرت اسلوبى معاهاااااا تدرين شلون
قعدت معاها قلت يمج الماده سهله وانتى حافظه جدول الضرب واحط قدامها الامتحان قلت حلى من جديد المسائل اللى فيها غلط
وحلتهم صح
قلت انتى موغبيه بس تسرعين بالحل ولو انج مركزه وماتسرعتى حليتى صح وصرتى اشطر وحده
واليوم الثانى قلت لها يمج اليوم رحت للابله مالت الرياضيات ومدحتج تقول انج صايره شاطره حيل
طبعا انا اكذب بس ابرفع من معنوياتهاااا
وتستانس
وعقبها بسبوع قلت الابله هم بعد تمدح فيج وتقول ياليت تشد حيلها بالاامتحان نفس بالصف وتجيج بنتى من اخرها وحبت الماده تصدقين
زرعت فيها حب الماده
ورحت لبلتها صج هالمره وقلت لها انا طالبتج لاتفشلين بنتى بالصف قدام البنات بنتىتمر بظروف وابيج تساعدينى بس قوليلها شاطره وممتازه تكفين وماقصرت والله
ومن يومها اول ماده نحل واجبها الرياضيات
وتجيب الاختبار القصير 2من خمسه
ماعصبت ضحكت وانا محتره من الداخل قلت شاطره درجتين نعمه بستوعدينى تحلين مره ثانيه عدل قالت ابشري
وتجيب الاختبار الثانى 4من خمسه ومشت وللهالحمد
والحين بسادسه نفس النمط جابت ب37 نعمه والله المواد صعبه ولاتعقدون عيالكم حرام والله مايستاهلون
اهم شىء لاتحبطينهاااااااااااا وخليها تثق من نفسهاااااا
والله يصلحهم ووفقهم