|
|
السلام عليكم خواتي
ياليت اللي ولدها بأولى ابتدائي تخدمني بجدول امتحاناتهم الأسبوع الياي لأنه اليوم يايب ورقه فيها موعد امتحان العلوم يوم الأثنين من صفحه 3 لصفحه 35 وسألته عن باجي المواد يقولي ماادري
المشكله ان غيابه الأسبوع اللي فات واللي قبله كان وايد بسبب الربو اللي عفسه واليوم لصقت لكل مدرسه ورقه على الكتاب اطلب منها خطة العمل مالت الأسبوعين اللي فاتوا بالذات مادة العربي والانجليزي وماياني رد منهم
لكن ابلة الإنجليزي الله يباركلها خذته مكتبها وعطته اوراق العمل الناقصه
اما ابلة العربي مالقيت بملفه الا ورقه ماخذينها اليوم لحرف النون وهذي اول ورقه لحرف اشوفها عنده معناها طايفه وايد
والله متضايقه وااااااااااااايد ومنهجهم العربي دسم واهو ضايع وانا مادري شلون اساعده
الله يباركلي فيكم خواتي اللي ولدها بأولى ابتدائي او مدرسه تدرس اولى ابتدائي تحاول تساعدني شنو خذوا الأسبوعين اللي فاتوا بالذات بالعربي ومواعيد امتحاناتهم ان تحددت
وبدعيلكم بظهر الغيب الله ييسر أموركم ويبارك في اولادكم
للعلم ولدي بمدرسة خباب بن الأرت بالجابريه