الامهات اللي باجر بيداومون عيالهم اولى ابتدائي اول يوم يدشوون

السلام عليكم

شلونكم يا امهات

مثل ما تدرون باجر ان شا الله اول يوم دوام اولى ابتدائي ..

بسئلكم شلون النظام اللي مسوينه المدارس ..

يعني الطالب يداوم دوام كامل ولا شلون ..

واولياء الامور يقطون عيالهم ويمشون ولا يدخلون معاهم ؟؟

لان كل سنة قبل كانوا يسوون اول يوم دوام حق اولى ابتدائي ما فيه تدريس وشرح كانوا يسوون حفلات

الحين هالسنة اكيد ماكو حفلة وجذي عشان المرض .. بس شنو اهي الخطة ؟؟

ناااطرة ردكم .

حبيبتي انا حيل محتارة الأكيد انشالله ان بنتي ماراااح اتداوم لان سمعت الاسبوع الي طاف خبر ان مدرسة ام هاني الأبتدائية بنات بمنطقة النهضه اكتشفو فيه انفلونزا الخنازير واليوم بعد بالجريدة نفس الموضوع والكل قال لاتودينها بنتي ضايق خلقها لأني حيل مجهزة لها حق اول يوم

انا سألت وكيلة المدرسة

وقالت دوام كامل

انا سألت ناظرة مدرسة ولدي قالت تعالوا معاهم واول حصتين مسوين لهم مثل حفله ونوزع عليهم هدايا بس علشان ما يستغربون الوضع

وبعدها خلووهم وروحوااا

اهاا يعني نخلي عيالنا

امهات كلكم بتودون عيالكم ؟؟

انا بذن الله بوديها والله يحفظهم بحفظه والصراحه ماادري شلون طريقة الدوام.

بنتي ثانيه بغيبها اول يومين بشوف الوضع

انا بعد بودي ولدي
والله وايد احاتيه

انا بودي عيالي ومسويه حفلة عنونة حق طلبتي لاني ادرس
اولى ابتدائي

انا ماراح اودي بنتي هالسنه هي الحين تعباااانه وحرارتها مرتفعه واسم الله عليهم الصغار مناعتهم ضعيفه بخليها للسنه الجايه ان شاءالله
سنه ماتفرق اهم شي الصحه

عندي سؤال محيرني الحين رابعه متى داومو لان في وحده بنتها برابعه ابتدائي بالحكومه تقول داومت بنتها من قبل سبوعين شلون فاتحين لها المدرسه بروحها !!!!!!!!!!!!!!!!1
يعني الي داومو اليوم ب 1 و2 و3 ؟؟؟؟

رابع وخاس داوموا من اسبوعين تقريبا واليوم داوموا اولى وثانية وثالثة ابتدائي

انا قطيت بنتي واستودعتها عند الله اللي ما تضيع ودائعه

حبيبتي انا بنتي اول سنه لها
واول طفل عندي بيروح ابتدائي والوضع عادي وديتها دخلناها
لنهايه الدوام
اما رفيجتي صح مثل ماقلتي في حفله