شنو احسن المدارس البريطانيه او المدارس الامريكيه؟

سلاام حبايبي حبيت اعرف شنو احسن والافضل المدارس الامريكيه او المدارس البريطانيه؟

هلا f.7oor شلونج .. البريطاني له ميزاته والامريكي له له ميزاته ..
البريطاني حازمين أكثر وطريقة التعليم عندهم تلقين وحفظ ونسخ أكثر …. وتبني انسان وايد يحترم القوانين..
النظام الأمريكي أرخى شوي وطريقتهم في التعليم فيها مرونه ويهتمون وايد بشخصية الطفل.. وعندهم أساليب للتعليم ( فناتق ) ..

آنا عيالي بنظام أمريكي ..

حلو الامريكي من مدحج له طيب حبيبتي تنصحيني باي مدرسه امريكيه مميزه وزينه ممكن تعددين لي كذا وحده من خبراتج لاني ناويه القي نظره عليهم هالايام عشان اسجل ولدي ان شاءالله حق شهر تسعه اذا الله شاء وكتب

اعتقد الامريكي احسن..
بس هذا وجهات نظر…

ولدج جم عمره؟؟

للرفع

حور حبوبه التسجيل في أغلب المدارس لأسف سكر وانتهى ,, إذا ناويه تسجلينه روحي هالأيام ودوري مدرسه زينه وفيها أبواب القبول مفتوحه ,,
آنا أنصح للي توهقو انهم يروحون : كويت أميريكان سكول kas براس السالميه ممتازه شوي عليها ,, بس اختلاط ,, ومادري أظن ماعندهم صفوف عليا توهم لغاية سادس جنهم.

بس وايد زينه ,, وفي الغالب بالذات للروضه والحضانه أكو مجال للتسجيل حاليا.
وبعد ماتبدي السنه القادمه يكون قراركم إذا بتنقلونه مدرسه ثانيه ,, لازم تتخذون القرار قبل شهر فبراير ( 2 ) لأن أغلب المدارس تسجيلها مابين فبراير ومارس ( 2-3) ,, وسلامتج .