|
|
السلام عليكم ورحمة الله وبركاته
الله يعافيكم يا معلمات رابع ابتدائي فيدوني عن طريقة الإمتحانات باجر
هل الوقت (ساعة ) كافي للطالبات ؟
في أحد راح يقرأ لهم الأسئلة ؟
وإذا في سؤال مو فاهمينه في أحد إييهم يفهمهم ؟
والله جني أتكلم عن لجنة رابعة ثانوي مو رابع ابتدائي
حسبي الله على الله حط القرار
والله انهم كبروهم على غير سنع
الله كريم .. ربي يوفقهم يارب ويسهل عليهم .. قولوا آمين
up up up
السلام عليكم لا تحاتين ما راح يقصرون معاهم راح يشرحون لهم واللي ما يعرف يسأل وبيساعدونه لا تحتين
الله يستر وايد احااتي بنتي خايفه عليها صج
جزاج الله خير والله يريحج مثل ما ريحتيني يا الصابره
واللة احنا اليوم قالتلنا الناظرة اقرو للبنات ووضحولهم وساعدوهم باللي تقدرون بس غش لاتغششون يعني لاتحاتين بنقرا انشاللة ونوضح واللي نشوف عندها غلط في شي بنيها بس المشكلة ان الحل راح يصير باستخدام قلم الحبر الجاف وممكن يلخبطون الورقة فوق تحت اذا غلطو بشي لانة ماراح يمسحون ومافي كركتر دربي بنيتج على استخدامة ونبهيها انة ماتشخبط واجد عالورقة وبالتوفيق انشاللة
ربي يوفق بناتكم و يعينكم على رهبة الاختبارات
لكن مهما كان هذي اختبارات ابتدائي أكيد ما راح تكون بالصعوبة اللي تتوقعونها
و بالنسبة لقراءة الأسئلة .. رئيسة قسم العلوم راح تقرأ للبنات
و دربوا عيالكم على استخدام الحبر .. و لا كلش كلش عطوهم المساحة مالت الحبر إذا تذكرونها (أم لونين أزرق و أحمر) .. صج يابسة و تشق الورقة لكن شنو تسوون العوض و لا القطيعه!!
و الله الموفق
يارب توفق عيالنا وتسهل عليهم يارب