|
|
السلام عليكم ورحمة الله وبركاته
خواتي العزيزات
هالموضوع خصصته للامهات اللي ابنائهم وبناتهم بالمجموعه الانجليزيه
نلقتي فيه
ونتبادل الخبرات لتعم الفائده
ونذكر ميزات كل مرحله
وشنو سيئاتها ان وجدت
وشلون علي التدريس
وشكراا
https://www.theenglishplaygroup.net/Arabic/index.htm
واختي فانتا هم مشكوره على الرد و الله يحفظ بنتك
وانا ولدي باولى روضه
ولدى الثانى بس اولى روضه
الحين عيالى نقلتهم الى السالميه
نفسيا وايد ارتاح حق سلوى بس اخر شى عندهم 2 ابتدائى بس
بخصوص المدرسات اكثر من روعه وعيالى حبوا المدرسه بسبتهم
بس هم لج على المدرسات العرب مثل مدرسه العربى حنان رئيسه القسم
مع انها رئيسه القسم بس حدها خواره ودايخه
المدرسات الانكليز وايد فاهمين وعارفين شغلهم عدل
ابله عبير درس روضه مالت الدين والعربى وايد زينه وخلت ولدى يتعلق فيها حيل
المدرسه قويه وما عليها ملاحظات
مشكورة وايد على الموضوع ويا ليت تصير فى مشاركات اكثر عشان نستفيد
|
المشاركة الأصلية كتبت بواسطة ام رناد
 مشكوره ام وهابي على الرد وسؤالي لك عن اولى روضه يقولون عنها مو مهمه وثاني روضه هي الجد هذا الكلام صحيح ؟
|
حبيبتى ام رناد اهم الدراسه عندهم جد فى كل المراحل
بس اولى روضه ما يضغطون وايد على اليهال بأمر من وزارة التربيه المدرسه قالت لى جذى لما سألتها ليش ولدى ما يكتب
حبيت اسالك بخصوص اللقاء التنويري اللي بتاريخ 15 و 16 اكتوبر مهم حضوره . وغالبا شنو راح يكتلمون عنه .
ومشكوره مقدما من كل قلبي
|
المشاركة الأصلية كتبت بواسطة ام رناد
مشكوره ام وهابي على الرد .
حبيت اسالك بخصوص اللقاء التنويري اللي بتاريخ 15 و 16 اكتوبر مهم حضوره . وغالبا شنو راح يكتلمون عنه . ومشكوره مقدما من كل قلبي |
اهو ما راح يكون ضرورى انتى ما راح تخسرين شى وفرصه تتعرفين على المدرسات وراح باللقاء التنويرى شرح مفصل عن المواد والمدرسين والحجى كله بالانكليزى وان ضايعه بالطوشه
حبوبه ام رناد ما قلتيلى بنتج الله يحفظها بالسالميه او سلوى
عفيه خلى يصير بينا تواصل
انا ولدي بسلوى ورناد تو الناس عليها
ابي اسالك ام وهابي عن مستوى اللغه العربيه عند ولدك اللي بالابتدائي .
ومشكوره
بما اني كنت امدخله ولدي البكر حضانه عندهم بسلوى كانت وايد زينه ومهتمين واولى روضه بعد عندهم بس صارت لنا مشاكل معاهم
الكورس الاول كان ولدي ممتاز وحاسه انه مستفيد منهم بس الكورس الثاني ولدي الله يهديه قام يتخبل ويطق ويتشيطن وكله يحطونه بالنوتي والنوتي هو كرسي العقاب حاولت حاولت فيه اني اصلحه وتحسن شوي بس بالشهاده حاسه انهم اضلموه على بو انه شيطان قامت ابله الرياضيات وحطت جدام العد من 1 ال10 انه ما يعرف مع انه بالعكس المهم يوم جينا بنسجله بثانيه روضه عندهم ارفضو رفضا قاطعا كرهتهم ليش يرفضون ولدي كنا نمر بمرحله حرجه انا وياه وهي الحمل وقدوم طفل جديد شتته شوي وخلاه يبي يلفت الانتباه
وقالتلي مالت التسجيل كلمي المدير وكان مسافر شفت ماكو فايده قمت ووديته الغانم ثنائية اللغه هالسنه سووله اختبار قدرات يوم كنا بنسجله ونجح والي معاه اثينين اسقطو والحمد الله الحين ولدي ماشي معاهم ولا يتشيطن وعال العال
وبالتوفيق للجميع
وولدي دخلته عندهم مستمع و أولى روضة و الحين اهو بثانية روضه
المدرسة زينة بس عندهم مشكلة . ما عندهم أخصائيات اجتماعيات و ما يعرفون يتعاملون مع الأولاد الحركيين أو العنديين
ولدي اسم الله عليه يعرف كل شي بس يستهبل عليهم و يتشيطن .. العام نادتنا الناظرة تقول حاذفها بالكرسي!!!!
و هالسنة هم نادونا و قالوا ولدكم عنيد و ما يستجيب حق الابله .. إذا قلناله ارسم و لا اكتب أوطلبنا منه شي .. يقعد يكوكس و يستعبط عليهم.. الناظره تقول راح نرده أولى روضة إذا استمر على هالحال
أهو الولد من دخلته عندهم مستمع و أهو مو حابهم .. كله ينام بالصف و مو شادين انتباهه .. مع اني كنت مدخلته من قبل حضانة (لتل مي) يحبها و يموت عليها .. و كان ماشي معاهم و يتفاعل مع المدرسات .. من راح البلاي قروب وهي كلش ما عجبته .. دايمن يقولي رديني حضانتي الاوليه!!!
ودي أغير مدرسته الصراحة .. ما ودي يتعقد .. لأني ناويه أخليه يكمل بالخاص إن شاء الله .. بناتي أبيهم معاي بمدرستي تحت عيني .. لكن ولدي أخاف عليه من مدارس الحكومه .. مفكره أدخلة الغانم إذا مو هالسنة بالابتدائي إن شاء الله
شنو المدرسة اللي تنصحوني فيها بنات غير الغانم؟؟؟؟ أبي مدرسة تهتم بنفسية الطالب أكثر .. ولدي أعرفه يبي المداراة و التشجيع .. التدقر ما ينفع معاه 
وعيدكم مبارك
سؤالي للخبيرات في المجموعه وهو متى تقدرين تحكمين على بنتك او ولدك بانهم استفادوا من التعليم بالمجموعه
وتمنياتي لكم بالصحه و العافيه