كرسي السياره للطفل مع او ضد ؟؟؟

انصح فيه و بقوة

اشترريييه وانتي متطمنة

احسن من يقعد بحضن الخداامة

طيب من عمررر كم اشترريه
وفيه كرسي علي حسب العمرررر ولا مافيه ؟
لان بنتي الحين مااشيه بالشهر الرابع ومادري متي ابدا احطها فيه

انصح فيه
لان مريح واحسن من ما يكون بحضن الخدامه والاهم لسلامته
الكرسي تستخدمينه من الولاده عادي
بنتج من عمر ولدي وانا استخدمته من طلعت من الاربعين
ومادام بنتج صغيره ليلحين اشتريلها الكرسي عشان تتعود عليه لان ان كبرت صعب تحب الكرسي
وكرسي لعمر الاشهر يختلف لكرسي لعمر سنه وفوق

والله يخليها ويحفظها لج يارب

أكيد حبيبتي أنصح فيه

لان مهم للطفل واريح له

ومثل ماقالو الخوات أحسن له من أنه يقعد

بحظن الخدأمة وأأمن له

والحمدالله بنتي من عمر خمس شهور وتقعد فيه ليلحين

مشكوووورة حبيبتي

طيب الي كم سنه ممكن يجلس بالكرسي؟

في كراسي للبيبي بالاشهر

وبعديين من عمر سنة ليين 4

بعديين من 4 ليين 7

انا شارية ليين ال 4

وايد

و عن لويية الياهل بعد لما يكبر بدال لايحوس بالسيارة

اكـــــــــــــــييييييــــــــــد ضــــروووووري

ليش خادمة اصلا بنتي ليه ٣ستين بدةن خادمة كله بالكرسي
من الاربعين احطهم بكرسي السيارة احسن اختراع ولا ايد الخادمة لازم يتعود الياهل يقعد مكانة وورو

كراسي فيها مراحل واشكال من الارعين يشيلون ليه ٥ او اكثر ضروري من التجهيزات
والمرحله الاولى احسن شي اهي كرسي ينشال وسيارة اي مكان او زوارة معاي ينشال مريح وايد بس يشيل ليه ٦شهور او سنه اذا بنيته صغيرة معاه مسكه
تالي المرحله الثانيه تشيل ليه ٣ سنوات بمذكير انواع وسيفتي

انصح،فيه
انا حاطته بسيارتي و معلقه له العاب
اما لمن اطلع مع ابوه احطه بحضني،حرام احس،يكسر خاطري قاعد،بروحه ورا

والله مادري احس ماله معني

ياحلاته بحضني مع ان متعب الحين خصوصا يتحرك وحالته حاله

بس مادري احس براحه واهوا بين ايدين

وغير هذا مو من كبر الطريج عشر دقايق وواصلين ماشاء الله ��

حددده اريح

انا قمت اخلي ولدي فيه عشان يتعود

لان بنتي ميننتني بالسياره اسم الله عليها تشده الوااحد وتوترني تحوووس

كلش ماخليتها تقعد بالكرسي وتلعوزت

فا من جذيه قمت اخلي ولدي فيه لان تعبت خصوصا اذا كنت انا اللي اسوووق

انا استفدت من الكلام الامهات السنعات

ومن الحين بحط ولدي بالكرسي عشان يتعود وما ياذنني مثل اخوه البكر

تسلمون حبوبات

أنصح فيه وايد واستخدميه من أول يوم

في كرسي مخصص حق الأطفال من عمر 0 إلى 6 أشهر

وفي كرسي حق اللي عمرهم أكبر

بالعكس أءمن حق الطفل…أحسن من ما يتعلم يحوس بالسيارة ويتحرك ويدودهج

ونفسيته شكو تتأثر إذا قعد ورا وأمه وأبوه جدام

مكان الأطفال بالسيارة ورا