شلون أتعامل مع ولدي ؟ صاير بلطجي الحضانة :(

أنا مكتئبة حدي يا أمهات

عندي ولد جريب يكمل سنتين ونص

مدخلته الحضانة وكل يوم تكتب لي أبلته في دفتر الملاحظات انه وايد مشاغب في الصف و انه يطق اليهال من غير سبب وطايح فيهم طق يومياً

عيزت أكلمه كل يوم وأفهمه وأحاول أحببه في اليهال أو أخوفه ان ما بيخلونه يروح الحضانة اذا اطق اليهال لأنه حاب الحضانة … بس ما فيه فايدة … كل يوم نفس الملاحظة من معلمته ..
أحس اني منحرجة ومتضايقة .. ما حب ولدي يكون عنيف أو يطق عيال العالم

الصراحة أنا صار لي فترة اذا تشيطن وايد أطقه وأخاف يكون هذا سبب عنفه مع اليهال
فـ عاهدت نفسي أجوف له وسيلة عقاب ثانية وما أطقه لو شنو يصير

بس شنو أقدر أسوي بعد ؟؟
مين فيكم كان لها طفل يطق اللي معاه في الحضانة ؟ وشلون عالجتوا هالسلوك ؟؟؟

وشنو أحسن وسيلة عقاب مع طفل بعمر ولدي ؟؟ لأن ساعات أحسه ما يفهم ولا يتأثر بعقابي له

ساعدوني بلييييييز والله يخلي لكم عيالكم ويهديهم ويهدي ولدي يارب

هلا وغلا اختي
ضحكتيني على ولد اختج اسم الله عليه

والله مشكلة العنف عند اليهال وايد تزعجني واللي خايفة منه اني أنا اللي علمته على الطق وقام يسوي الشي في عيال الناس

ان شاءالله بحاول اسوي اللي قلتيه وأغيّبه عن الحضانة وبقول له انهم مايبونك لأنك تطق الاطفال واذا تبي ترجع لازم ما تطقهم الخ
ان شاءالله ينفع معاه !

تسلمين لي على المرور حبيبتي وعسى الله يخلي لج عيالج ويصلحهم

بنات اللي عندها تجربة مشابهة مع عيالها رجااااء تساعدني وتشور علي
شلون حليتوا مشكلة ضرب الاطفال في الحضانة وغير الحضانة ؟

ااااااااااااب

والله مادري بس برايي روحي معاه بو ميه (احنا عندنا بوريال لووول) وخليه ينقي هدايا حق عيال فصله

ويوم ثاني روحي معاه الروضه سوي له حفله صغيره كسري الحاجز اللي بينهم وخلي الجهال يغنون عليه ويشجعونه

وخليه يوزع عليهم الالعاب

وقوليله اصدقائك يحبونك سوو لك حفله وانت تحبهم عطيتهم هدايا انتو خوش اصدقاء تحبون بعض وتبارون بعض

يعني بالكلام الايجابي يمكن يتغير

وفديته المشاغب الصغيرون ربي يحفظه ويهديه

بقولج بعد شيئ

يمكن فيه احد من الجهال يطقه فـ صارت عنده ردت فعل انه لازم يطق ويدافع عن نفسه وياخذ حقه

انا مع مواصله وبعدين ماعليج من مدرسته روحي شوفي بعينج
يمكن فعلا احد يطقه صار رده فعله العنف

ويبي له هدايا خلي يوزعها عاليهال بس ها بعد العقاب الي اهو تحرمينه من الحضانه

وفهميه عشان يرد لازم يتاسف ويوزع على الاطفال هدايا لانهم زعلانين
وسالي اهناك بالحضانه اكيد عندهم طرق تساعدج على تخطي هالمشكله

حبيبتي انتي قلتي شي مهم انج كنتي تطقينه الله يهديج بالهعمر ما ينطق كلش.،، ادري محتاجين وسيله عقاب

انا اتكلم عن تجربه عندي ولد اربع سنين وبنت سنتين

ولدي بديت معاه العقاب من عمرة سنه والعقاب عباره عن تايم اوت يقعد بروحه دقيقه
ولما صار سنتين صار دقيقتين وهكذا
بالنسبه للطق
اول شي نعرف السبب
انا ولدي بدا يطق لما ولدت اخته وكان السبب الغيرة واحساسه اني بعيدة
اللي سويته كرست فتره شهر غرقته حنان واهتمام وقربته لاخته وحسسته انه مهم جدا في حياتي والحمدالله بدون مبالغه صار احن مني على اخته بفضل الله

وعلى فكره هالولد من كثر ما انه يسمع الكلام الناس عبالهم اني موريته العين الحمرة وانا عمري ما مديت ايدي لين اللحين بس اذا قلت لأ يعني لأ لا بحي ولا صراخ يردني .. يامااااا بجا وصرخ وعفسني وانا ولا جني اسمع

تجربتي الثانيه مع بنتي ما كانت تطق ،، كانت تعض ،، بدت اتعض اخوها هم من الغيرة اول اسبوع كان بس اقولها لا تعظين واسوي ويهي معصب
بعدنا وصلتني شكوى من الحظانه انها تعض ف بديت من تعض اخذها واحطها تايم اوت بفراشها وشكلي معصب وانا اقول لا تعضين واخليها تبجي تصارخ دقيقه بس بعدين اروح انزل على مستواها واقولها نو بايتينج ،،، بعد فترة اذا عصبت قامت تعض شي ثاني،، اللحين الحمدالله شخباري سالفه العض

ملاحظه: عقاب الفراش عليه نقاشات انا بالنسبه لي افضل مكان آمن لها ممكن تختارين مكان ثاني ونفسه تستخدمينه كل مره

هذي تجربتي ويشهد ربي انها مطبقه ١٠٠٪

مهم جدا جدا جدا جدا انه اذا قلت شي تلتزمين فيه لو بجى وصرخ على طول لهيه بشي ثاني المهم يسوي اللي قلتيه خلي يفهم انه كلمتج وحدة صدقيني اسبوعين وماراح يناقشج

يعني صار وقت النوم قلتيله سكر التلفزيون او الايباد . ما سكرة قوليلة انت تسكرة والا انا اسكرة؟؟؟ اذا ما سكرة انتي سكريه اسبوع بالكثير راح يسكرة

ان شالله افدتج

سامحوني خواتي صارت عندي ظروف وتوني أدش وأجوف كلامكم

مشكوووورات على الردود وان شاءالله بجرب نصايحكم والله يعين

ربي يخلي لكم عيالكم ويبارك فيهم ان شاءالله حبيباتي

حبيبتي أنشودة المطر. تبين نصحيتيً. روحي مكتبة جرير صوب كتب التربية واليهال والحمل تلاقين كتاب سوبر نانيً عرفتيهاً اللي تلبس بدلة بنفسجية اشتري كتابها وايييييد حلو وراح يفديج عا لأقل قاعد تاخذينً نصيحة وحدة مختصة ومر عليها مثل ولدج حالات وايييييد.