تعالي نستبدل غيرة أطفالنا بفرحه بالطفل الجديد

يتعرض الطفل للغيرة بالذات إذا كان الأول

ويشعر الطفل بالحقد,والبغض, والخوف, وحب التملك

ونوع من الأنانية

بعض الأطفال يعبرون برده فعل الانطواء

والبغض بسلوك عدواني

ويختلف من طفل للثاني

~ بعضهم يسوون نفسهم حبوبين ووده يبوس أخوه أو أخته وينقض عليه بعضة

~ وبعضهم يسوون نفسهم يضم ويطلع حرته ههههه

~ وبعض الأطفال تجيهم انتكاسه يبي يشرب حليب من الرضاعة أو مايروح الحمام

أو ينام في سرير أخوه والالتصاق بالأم كل ما انشغلت بالصغير

ولاشعوريا تظهر من الأم ردت فعل مو حلوه وتصيح

لازم نحط في بالنا إن الغيرة شي جدا طبيعي

حتى الكبير أحيانا يغير…

~طيب عشان نهيأ طفلنا للأخ أو الأخت الجديدة

عندنا 7 خطوات وان شاء الله بيمر الموضوع بسلام

لأن بعض الأطفال يعبرون عن مشاعرهم بالصياح من غير سبب بالذات بين عمر 3_5

وتخيلي الطفلين يصيحون ,,,,

بتكلم بصيغه المؤنت

1_أول شي يلزم نهيئ الطفله نفسيا انه بيجيها أخت أو أخ

هذي النقطة صح وقتيه لكن حتى لما يكبرون تزرع فيهم روح الاخوه

ويساعد الطفله على الاطمئنان انه أنا مكاني محفوظ وكل الاهتمام لاختي صارلي من قبل

~خليها تحط يدها على بطنك وقولي لها أختك تسمع وتحس فيك

احكي لها آن أختك الحين صغيره وشوي شوي تكبر

واربطي لها انك حتى أنت كنت مثلها

~طبعا وأنتي حامل اشتري لها قصص عن الأخوان واقر أيها لها

~إذا رحتي الدكتورة لعمل الاشعه حمسيها وخليها تشوف معاك يد أختها وراسها ورجلها

~اجمعي صورها وهي صغيره أو أشعه اللتراساوند حقتها وخليها تشوفها

~ إذا كنتي تتفرجين في النت على صور ملاس بيبي أو أغراض بيبي ناديها تفرج معاك

~أشتري لها عروسه وعلميها كيف بتعتنون بأختها عشان تتشوق

2_عززي روح الانتماء للاسره

يعني إذا رحتي تشترين أغراض البيبي الجديد استشيري طفلتك وش رأيك أي لون ناخذ وايش رأيك في هذا اللبس شايفه كيف صغير يشبه لبسك وأنت صغيره

(حاولي تربطين أي شي عنها وهي صغيره )

~وخليها تحس أنها هديه منها لأختها

~بعد الولادة خليها تساعدك وحسسيها انك معتمده عليه مثلا جيبي الرضاعة لأختك أو جيبي غطى أختك

3_انتبهي لمشاعر طفلتك قبل الولادة و بعد

~إذا كان طفلتك تلعب معاك ورمت نفسها عليك لاتصرخين وتقولين البيبي ووو

بتحس انها أنحرمت من اللعب معاك بسبب أختها

~بعد الولادة تبي تلعب مع أختها واللعب يكون عنيف(سواء كان بقصد أو لا ) لاتصرخين حاولي تفهمينها انه صغير وما تعرف تلعب بهذي الطريقة

4_عززي فيها القيادة

طبعا المقصد القيادة بحكم انه الأكبر سنا يساعد مو يتحكم

إذا كنت معاهم قولي لها انتبهي لأختك

أو إذا صاحت ناديني يعني تحس انها هي المسؤله عنها

~إذا نامت الطفله الجديده اخلقي محادثه معاها وقولي لها خلاص هذا وقت أختك الكبيره

عليك الانتظار حتى ننهي احتياجاته

(بتحس الكبير بالسعادة انه له وقت مثل أختها )

5_ابتعدي عن المقارنة وامدحي ايجابياته

~أي تصرف خطأ يصدر منه أتناقشي معاه عن أبعاد خطأه

~اشتري له هديه وقولي له هذي هديه من أخوك والأحلى لو جهزتيها من قبل عشان تهديه له يوم يزورك في المستشفى أو وقت ماترجعين البيت

وان شاء الله الموضوع يفيدكم

وربي يرزق كل مشتاااق ياااااااااارب