اكل الطفل بعمر اربع شهور

السلام عليكم
شلونكم بنات انا اول مره انزل موضوع هنيه
بس ابي مساعدتكم
عندي اسئله واستفسارات وياليت اللي عندها
خبره تفيدنا والله يجزاها الف خير
اول شي البيبي بعمر الاربع شهور شنو يأكل
قالو لي ابعد عن القمح واعطيه سميلاك بالارز
وعصير برتقال مخفف بالماي ملعقتين او ثلاث
وتفاح مسلوق وخضار مسلوقه
الحين الاسئله
هل اقدر اعطيه سميلاك الحين ؟
وايها افضل يكون بالرضاعه والا بصحن بروحه؟
والتفاحه بسلقها واهرسها واحليها بقفشة عسل
طبيعي منو جربها ؟ وعادي اعطي البيبي عسل
بها العمر ؟
واللي عندها معلومات اتفيدنا ياليت ماتبخل علينا
والله تعبت من كثر ما ادور الاكل الصحي واسأل
ومالي غيركم يفيدني
ويعطيكم العافيه مقدماً

ليش كل هالاكل

اتوقع عمر الاربع شهور للحين اصغير عالهضم والعسل وهالسوالف من راييي

اذا حابه باخر الرابع حطيله سيريلاك قفشه مع حليبه

والاكل بلشي وياه خفيف خفيف سوفي ولدج شيتححس منه

انا عن نفسي ابلش بعمر 5 اشهور ..

طبعا وجبة او وجبتين اللي ياكل فيهم وغيره يشرب حليب ..

الاسبوع الاول من عمر خمس اشهر اعطيه بالغدا ميلوبا الارز .. ميلوبا خفيف وحلو

الاسبوع الثاني الريوق يكون ميلوبا الارز و الغدا خضار بطاط او جزر او كوسا

الاسبوع الثالث و الرابع الريوق اخليه فواكه موز او تفاح و الغدا خضار ..

ديري بالج تعطين الياهل عسل .. اسمالله عليهم يصير فيهم تسمم .. بعد عمر السنة ممكن ياكلون عسل

ااااااااااب

يعطيج العافيه حبيبتي
انا والله مدري متى اوكله وليما
الحين ما عطيته شي قلت اسالكم
قبل ما اعطيه شي
وان شاء الله بسوي مثل ما قلتي

يعطيج العافيه وجزاج الله خيرر
والله كنت بعطيه العسل مع التفاح
مثل ما قالو لي
بس غريبه ليش يتسمم !!؟
وانا من قالو لي رحت وشريت له
العسل الاصلي
<< حدي مجتهده اول ولد لي 
بس بسالج حبيتي شنو ميلوبا الارز؟؟

مشكوررره حبيبتي

مع العضوه اسبنوزا 

بهالعمر سمعت جزر

رز الابيض مالي سيرلاك نسيت اسمه

اختي هذي صورة الميلوبا الارز

انا ابدي بالست شهور
ليش مستعجلين(:
وفعلا العسل مو مناسب لعمره
ع فكرة
قريت من دكتورة متخصصة
ان تناول الطفل لطعام بوقت مبكر
يخلي الجسم يحاربه
لعدم نضوجه لاستقبال هذا النوع من الاطعمه
ومن هني
تجي الحساسية لبعض الاكلات

حبيبتي مثل ماقالو البنات العسل موزين يسبب له تسمم لا سمح الله العسل بعد السنه يمكن مومشكله بس قبل لا مستحيل

وانا امس دورت عيش ميلوبا مال 4 شهور مالقيت

اسبينوز
حبيبتي من اي جمعيه شاريته ؟؟

ممم شنو انسب عمر للاكل

انا بنتي اربع شهور و كل الدكاتره يقولون لازم ما ياكل اي شي غير الحليب والماي بهالعمر

و العسل ثقيل عليه ديربالج تعطينه تو الناس عليه ياكل عسل

الحمضيات والالياف ممنوعه قبل ل6 شهور