بنتي عمرها سنه انومها بالدار اللي يمي

السلام عليكم

انا عندي بنتين انومهم بالدار اللي يمي على طول وبطل ليت الممر
وحده سنه وحده ثلاث سنين

وحط الجهاز اللي اسمعهم اذا بجو
وبطل ليت الممر الصغير حيل اللي بيني وبينهم

شرايكم

احسن شي …

انا الكبيرة فصلتها عني من يوم عمرها 4اشهر

والحين الثانية الله يستر لوول لأن شكلها حناااانة حيل

وهمن بيني وبين غرفتهم ممر

وبالعكس ماأبطل ليتات .. اطفي كلللل شي
لأن الظلمة زينة للجسم عشان يفرز الميلاتونين وله فوايد وايد هالهرمون

وعشان الياهل ينام عدل ومايقعد

انا طريقتي اخلي الجهاز مبطل وعندي تلفون قديم من غير خط اشحنه واخليه عندهم طول الليل يقرا سورة البقرة وانومههم واستودعهم الله والله يحفظهم

مشكووورين ريحتوووني

زين تسوون ودي والله بس قلبي مايطاوعني

بعد ابي ردود

عادي انا ولدي عمره سنه اسمله عليه انومه بروحه وابطل الجهاز الصوت وليت الممر مفتوح وباب غرفته مفتوح وخو انا وريلي كله سهر ماكو الا العافيه استودعيهم بالله الله الحافظ ، لانه اختي انقرصت بنتها عمرها 4 سنوات وماتنام الا معاها وصايره تسئلها ماما ليش تكشخين بالليل تخيلوا وقاعده تعالجها عند دكتور صايره ماتنام الل امها يمها

انا فصلت بنتي وولدي من عمر سنه ومن انولدو مو معودتهم ينامون بسريري اللحين بنتي عمرها ثلاث سنين ماتنام بسريري لو شنو ماتحب وتحب سريرها لان حببتها فيه بالكمبل اللي فيه الوان وصارت ترتاح بدارها واخوها نفس الشي اللحين عمره سنه ونص والحمد لله ولا ابطل ليت ولا شي عشان يرتاحون ولاحاطه جهاز غرفتهم يم غرفتي وسبحان الله من يقح الواحد اسمعه وافز لان قلبي معاهم وماكو الا كل خير وبوداعت ربهم

زين تسوين إسمالله عليهم عمرهم مناسب

بس بالأشهر مستحيل ينحط بغرفه بروحه يمكن شرق يمكن رجع يمكن غص

وايد أحاتي الياها بهالعمر

أناولدي كمل سنة الله يحفظة بس المشكلة شقتنا مافيها ألا غرفة وحده وصالة ومجلس رجال والحريم

ودي أحطه بغرفة لحالها عشان يتعود بس ماعندي

ما شاء الله
احسن
زين تسوون
احس انه سنه توه صغير
بس دام معاه اخته وانتي جنبهم عادي
انا شريت غرفه لولدي بس للحين ماوصلت ولا جهزت غرفته
باصبغها واحط تلفزيون والعاب وكل شي عشان يستانس بالغرفه
واحطله ابجوره صغيره
الظلمه زينه للانسان بس لازم اضائه خفيفه عشان لو يبي يشرب او بغيتي تتطمنين عليه

عيل بتوكل عالله وخليها بروحها

والله لو شنو ما اخليهم بروحهم بهالعمر صج بالله شرق ولا رجع و شرق بترجيعه اخاف يختنق لا سمح الله وانا بعيدة ولا يقدر ايي لي عندي بهالعمرر…انا مو معاج بهالشغلة

احس انه سنه للحين صغير صراحه الشغله تخوف ..

لا سامح الله اي شي يصير ..

عسى لله يخليهم لج يارب بس تحرصي حبيبتي لانه ام سنه وااايد صغيره بعد عمري

لا سنه وفوق احسن بغرفه بروح موزين يكونون بينكم
غرفة بروحها وليت الممر مفتوح والباب مفتوح وبنتي عمرها قريب 3 اهي بروحها اتي عندي
اذا خافت او شغله لان عوتها حق البيبي الثاني لازم افصله من السنه