امهات شلون فطمتو عيالكم عن المميه

السلام علييكم

كل وحده تقولي شلون فطمت عيالها عن الحلييب ؟
وجم كان عمرهم ؟
انا عيالي بنتي سنتين ونص وولدي سنه ونص ليلحين مافطمتهم ودي افطم بنتي بس مااعرفت شلون لما تشوف اخوها تصيح ابيها اهيا تكرها شلووون ؟

الله يعينج هذي فتره صعبه انج تفطمينها

اذا تخاف من النمل حطي لها شاي ورق بالمميه وقوليلها صارت وسخه وفيها دوده

ترا الصغار يصدقون وبجذي تكرها اختي جربت هالطريقه والحمدلله بنتها ماتشرب المميه واختها اللي اصغر منها تشرب مميه ما غارت منها

رنووده جزاج الله خير بس انا ماابيها تكره الحليب ابيها تكره المميه بس

مااذكر جم اعمارهم بالضبط بس مو اكثر من سنه ونص
بنتي وولدي نفس الشي قلت لهم وناااسه صرنا كبار نشرب بكووب واشتريلهم اكواب حلووهـ
واقط المميه خير شر اهم اصلا يستانسوون لان بيقلدون الكبار

بس لايشووفون مميه
واذا في ياهل صغير لازم مميه فهمي الكبير ان الصغير مسكين مو مثلنا للحين ماكبر انت صرت كبير نفس ماما وبابا

قصة حياتي لوووووووووووووووووولز

مشاءالله يابختج زين سويتي بس سنه ونص مو صغير ؟ انزين باليل وقت النوم شلون

سنة ونص توه الناس عليه …

بنتي شهر ثلاث الياي تكمل ثلاث سنين ..
من خلص قوطي الحليب راويتها قلت لها شوفي ماكوو حليب خلص .. شنو احط بالممية ?! .. فاقتنعت وبدت تشرب حليب العلب عادي

بنتي تحب دورا شريت لها كوووب دورا و قلت لها الله خلينا نحط عصير و حليب داخل اقتنعت بهالشي و قطيت كل مامياتها و كان عمرها سنتين و نص

اما الثانيه تحب العود من قامت تشرب عصير كي دي دي و اهيا مكيفه على الاعواده قطيت ممياتها كلهم و قمت اييبلها عصاير و حليب كي دي دي و بس

انزين طول النهار ممكن تقصين عليهم بس حزت
النوم يستعسرون و بالذات بالليل شلون ؟
انا ولدي سنتين ونص للحين مميه و بامبرز و انا على
ويه ولاده مادري شسوي 

انا ولدي قبل شهر قطعته عمره سنتين ونص كان يشرب بس بليل لمن بينام بعدين ماقام ياكل شي ويبي كل شويه ظهر عصر بليل

عاد وقت اللي يبي حليب حطيت له ملح وحليب شويه وفوقه ماي عشان حرام اخرب الحليب ويبي يشرب يذوق يقطعه يقول مميه خايسه غسلوه ونرد نغسله جدامه ونفس الحركه ويقطها بس يوم واحد وخلاص

عاد خدامتي قالت له عزوز تبي حليب قالها لا لا صرخ عليها مميه خايسه ههههه

الحين يشرب حليب مع عود بعض المرات قبل لا ينام وصج صج ارتحت بس ماقام ينام بسرعه

انا بقطع المميه لانه اهو مدمن مميات وماياكل ابي يشرب بقلاص
بجرب القلاص الي على شخصيات

خووووش طريقه والله

ام عزوز خوش طرييقه انا حطيت لها ملح مره وحده بس ماعدتها شكلي بسويها

المشكله حزت النوم انا الحمدالله معلمتها عالحمام ماتلبس بامبرز بس حزة النوم لانها ترضع انا هذا الي ملعوزني ابي اقطع الميه عشان ماالبسها حزة النووم

مشكورين بنات ماقصرتو حبايبي الله يخليلكم عيالكم ولا يحرمكم منهم