أبي نادي العصر حق 3 و4 سنوات

السلام عليكم خواتي طالبتكم وانشالله ما تقصرون
أبي نادي حلو وثقة يدخلون اليهال فيه العصر يستانسون ويغيرون جو بدال هواشهم بالبيت وبسم الله عليهم متعبيني ماغير يتكافخون العصر كله أبيهم يستفيدون ويستانسون ويكون مكان ثقة يتعلمون رياضة- قرآن- لغة يعني أي شي حلو ومفيد ومكان نظيف وثقة وقريب من قرطبة (يفضل)
وشكرا لكم

حبيبتي ليتل لاند اهي حضانه بس جدا ممتازة اهي بالفيحا

مشكورة اختي بس شنو عندهم

للرفع

اشدعوة بنات توقعت تردون علي أكثر حدي محتاجة نادي ولا وحدة تقدر تفيدني

الي اعرفهم بالسالمية وعندهم تحفيظ قران وعربي وانجليزي ٤٥ دك خبري فيهم بالصيف ويشتغلون طول السنة
وياخذون من ٣ سنين ومن ال٤ ٨ العصر
رقمهم
٩٠٠٣٣٣٥٦ حضانة ونادي

اذا تبين رياضة دخليهم سباحة او تنس او كاراتيه او جممباز اب ناي كاظمة بالعديلية , الريضات اللي ذكرتها ياخذون من عمر الروضة

بنات اشكركم عالرد بس ابي وحدة مجربة النادي حق عيالها ومتأكدة منه
يعني om deaj حطيتي رقم ريال مو نادي اتصلت عليه استغرب
وA boss اتصلت على نادي كاظمة أقل عمر ياخذونه 8 سنوات مو من الروضة مثل ما ذكرتي
بس عموما شكرا
وانشالله باجي البنات يردون

حياج الله يا غالية نادينا ان شاء الله راح يفتح بشهر 12 وراح يكون عبارة عن نادي امرح والعب – نادي تقوية لغة عربية – نادي لغة انجليزية يومين بالاسبوع علشان الطفل ما يمل
حضانة بلازا : حولي – شارع العثمان – مجمع بلازا – الدور الاول
اذا حبيتي طرشي لي على الخاص او اتصلي على الرقم التالي للحجز 97918306

اختي اللي اعرفه اكو حضانه بالسالميه عندهم تحفيظ قران وتاسيس عربي وانجليزي ورحلات من 4 لي 8 دقي وسالي وهذا المكان ثقه اهي حضانه الصبح وقاعده العصر
25623023 دقي وسالي اللي ماسكه المكان يسمونها ام عبد الرحمن ووايد حبابه وقوليلها انتش يايه من طرف الاخت لندا واميه هاذا اللي اعرفه عن الحضانه فانتي دقي ويسولتش خصم