عقوق الوالدين

السلام عليكم ورحمة الله وبركاته

بنات اشرايكم بانتشار عقوق الوالدين بزمننا هذا ؟؟ شنو السبب العظيم اللي يخلي واحد تكرمون حقير يطول لسانه ويقل أدبه بنهار رمضان على أحد والديه عشان مرته او عشان اي شي ثاني مو مهم
والطامه الكبرى انه مو لاقي له رادع بالعكس تلقينه اهو واخوانه نفس الطينه يطبلون حق بعض وقلوبهم مافيها رحمه ابدا
ارجو منكم يا بنات انه تتحسبون الله عليهم وان شاء الله ربي يستجيب لنا ونشوف دعوتنا فيهم
حسبي الله ونعم الوكيل
حسبي الله ونعم الوكيل
حسبي الله ونعم الوكيل

هالموضوع عور قلبي والله نصيحتي لا تتحسبون علي احد بهالايام الفضيله يمه ادعولهم بالهدايه جود يمر ملك ويقول آمين وتكونون سبب بلم شمل العيال واهلهم وتكسبون الاجر

مع اني وحده من ضمن ملاييييين اللي عيالهم عاقين عندي 2 من عيالي حتي ماقالولي مبارك عليج الشهر ولا شفتهم منقطعه عني اخبارهم آآآآآآآآآآآآه شقول بس الله يهديهم ويهدي كل من يبي الهدايه

الاول طلق مرته وسكن بره مع ربعه مادري وين ارضه وين سماه لايدق ولايسأل ون دقيت عليه مايرد الا بمسج ويقول انا عايش حياتي مرتاح ومابيكم تزعجوني
والثاني سكانه مرته الله يهداه مايدق ولا ينشاف كلششش ادق عليه مايرد وعالبيت الخدامه ترد علي تقول ماكو احد وتحمق علي وتصكه بويهي اطرش مسجات عن عقوق الوالدين وكل خوفي عليهم من عذاب ر ب العالمين مايحسون ولاااتتحرك شعره براسهم والله المستعان

الابو طايح مريض ماغير يقعد سرحاان ويقكر فيهم ودموعه اربع اربع وانا اخس منه لي تجابلنا نصيح ونصبر نفسنا وتالي ندعيلهم بالهدايه

شتسوين بعيال ينكرون والدينهم بهالشهر الفضيل شنو عقابهم عند رب العالمين موضووووع كبير ويعور القلب

الله يهديهم آمين يا رب العالمين
شالربع اللي ما يذكرونه يزور أهله ولا حتى يطل عليهم
ولا الثاني سكانه مرته نفس نوعية اللي أعرفهم
بتحسب الله عليهم يالغاليه لانهم رقدوا أمهم بالطبيب ولا عندهم كبير يردعهم غير رب العالمين وحده لا شريك له
حسبي الله ونعم الوكيل فيهم دنيا وآخره
وينكم بنات ؟؟ ادعوا معاي عليهم الله يفكنا من شرهم

لا تدعي عليهم يا حبوبه ادعي لهم بالهداية افضل

حسبي الله ونعم الوكيل

لحول

تسلمين