|
|
قوووه امهات
ولدي للاسف طلع فيه مرض بلاونت اللي اهو تقوس الرجلين
وانا خايفه حييييل
منو ياامهات مرت عليها هالحاله وشلون عالجتوها وعند اي دكتور؟؟
انا اللي مخوفني انه بعض الدكاتره عندنا خواره
الحين بيركبون له الاطراف واذا مانفعت راح يسوون له عمليه
وانتي عارفين مستوى العمليات بالكويت .gif "Eh S(16)")
والمصيبه انها ساعات تسبب قصر بالطول
او عجز بوحده من الريول او قصرها
عفيه اللي عندها خبره لاتبخل علي 
والله استغفر الله اهني الدكاتره مو شي انا لعلبو في بنتي وطلعوا فيها الف مليون عيب وقالوا بنتج بتصير عملاقه ويوم وديتها ايران الحمد لله قالوا ما فيها ولا ولا شي
الله يطمن قلبج يارب
حسبي الله عليهم الحمدالله انج انتبهتي وسفرتيها
و تسلمين ياقلبي عالدعوه
حدي مهمومه من هالسالفه
اخاف يلعبون فيه
واخاف احطله الاطراف ولاتفيده
فابي من خبرة الامهات اللي عيالهم نفس حالة ولدي عشان مااتعبه واخر شي يقرون له العمليه والعياذ بالله .gif "Eh S(11)")
للاسف كان ودي اساعدج بس ماعندي اي فكره
.gif "Eh S(2)")
بس وديه حق اكثر من دكتور او استشاري بهالتخصص
والله يشافيه انشالله ويلبسه ثوب الصحه والعافيه وتشوفينه يناقز ويركض على ريوله ومافيه الا العافيه
انا مرعوبه مابي يصير فيه شي
|
المشاركة الأصلية كتبت بواسطة فيرووزه
 الله يشافيه ويقومه لج بالسلامه يارب العالمين انا مافهمت بالضبط من الى تقصدينه بس حبيت اقولج انا عندى بنتى كان فيها تقوس الى اهوه لين عظام يعنى نقص بالكالسيوم لمن اكتشفت كان عمرها سنه بس الحمدالله لحقت عليها وعالجتها والحين الله يخليها عمرها سبع سنوات والدكتور الى يعالجها كان بمستشفى الاميرى اسمه وينستون بس الصراحه خوووش دكتور تبارك الرحمن مع انى مااثق بالحكومه الصراحه عاد انا سمعت انه سافر ديرته عاد ماادرى اوهوه بالعياده الخارجه قسم اطفال انا ادرى طولت عليج وقلتلج قصة حياتى بس حابه افيدج والله باى شى والله يقوملج اياه بالسلامه واسفه على الطواله
|
اي نفس ولدي بس انا ولدي مافيه نقص كالسيوم
بس نفس المرض اللي اهو تقوس بالساقين
وطمنتي قلبي يالغاليه وماطولتي بالعكس كل كلمه تذكرينها راح تفيدني
وبسأل عن الدكتور
بس يالغاليه
هل حطولها الاطراف الصناعيه؟
وهل كانت مواعيدها اسبوعيه؟
انا راح تبلش مواعيد ولدي من الاسبوع الياي جنه قال يبيله علاج طبيعي
انا صار لي ثلاث شهور بالمانيا
الكويت قالو بيركبون سياخ له
وطلبت تقرير ودخلت لجنه بالدفاع
وبعد طلعت الروح يابونا المانيا
هني عطوه ابر تقوي العظام
وبيفصلون له جبيره يلبسها بالليل لمده سنه
والحين بالعلاج طبيعي قاعدين يعالجونه
والحمدلله
نصيحه روحي طلبي تقرير
وعرضيه وطلبي المانيا تخصصهم
نصيحه انه ريلي متقوسه وتعورني رحت حق دكتور اسمه حسام القسوس بالهادي راح يدزج حق دكتوره اجنبيه فضيعه ببلاش ان احتجتي راح يدزج ان ما احتجتي اهوا يعالج ان كان تقوس راح يدزج عرفتي حبي الدكتوره عندها اشعه بالارض تسويها اطفال وكبار لا تفوتج اسفه طولت تهقين اودي ولدي لها ؟؟؟؟؟؟؟؟؟؟؟؟؟؟؟؟؟؟ خرعتيني
|
المشاركة الأصلية كتبت بواسطة ام عفاف الكويت
اطرااااف ليشششش
انا صار لي ثلاث شهور بالمانيا الكويت قالو بيركبون سياخ له وطلبت تقرير ودخلت لجنه بالدفاع وبعد طلعت الروح يابونا المانيا هني عطوه ابر تقوي العظام وبيفصلون له جبيره يلبسها بالليل لمده سنه والحين بالعلاج طبيعي قاعدين يعالجونه والحمدلله نصيحه روحي طلبي تقرير وعرضيه وطلبي المانيا تخصصهم |
ياهلا ام عفاف
الاطراف اهيا نفس الجبيره يلبسها مع جوتي اهم شي بالليل عشان الريل تصير سيدا
يعني تقوم الساق وتخليه سيدا
بس اتوقع حالة ولدج غير عن حالة ولدي لانه ولدج كانوا بيحطون له اسياخ ؟؟.gif "Eh S(1)")
انا ولدي راح يسوون له نفس علاج ولدج بس ماياب الدكتور طاري الابره
بس الاطراف والمتابعه الاسبوعيه
و3 شهور وااايد والله الله يهون عليكم وتقر عينج بسلامة ولدج يارب
تصدقين طمنتيني بردج حسيت انه دكتور ولدي فاهم لان نفس علاج المانيا
|
المشاركة الأصلية كتبت بواسطة الكويت حياتي
الله يشفي ولدج حبيبتي امبيه خرعتيني اصلا ما فهمت شنو قصدج تقوس الساقين انه ولدي الاقدام عنده متقوسه لي داخل وحده اكثر من الثانيه ماوديته كل من يقولي عادي عمره سنه وسبع اشهر هل هذا اللي تقصدينه
نصيحه انه ريلي متقوسه وتعورني رحت حق دكتور اسمه حسام القسوس بالهادي راح يدزج حق دكتوره اجنبيه فضيعه ببلاش ان احتجتي راح يدزج ان ما احتجتي اهوا يعالج ان كان تقوس راح يدزج عرفتي حبي الدكتوره عندها اشعه بالارض تسويها اطفال وكبار لا تفوتج اسفه طولت تهقين اودي ولدي لها ؟؟؟؟؟؟؟؟؟؟؟؟؟؟؟؟؟؟ خرعتيني |
هلا اختي
التقوس يعني الريل ماتكون سيدا متقوسه
خلي ولدج يوقف وشوفي البعد بين الركبتين اذا بعيد حيل يعني تقوس
ودام لاحظتي يعني فيه سمله عليه
وديه وخلي دكتور يفحصه احسن لان اذا ماتعالج امبجر راح يسوون له عمليه ويشيلون سانتي من العظم ..انا مخرعتني العمليه ان شالله محد يحتاجها
اهم شي وديه
انا ولدي يوم كان عمره سنة انتبهت له كان يقولون شفيج عالولد مافيه شي
بس كان قلبي ناغزني وسمعت كلام الناس والحين ندمانه قد شعر راسي