|
|
يعطيكم العافية كويتيات …
بقولكم اليوم عن بنت حماي واللي اعتبرها وحدة من بناتي الله يسلمكم انا ومرت حماي ساكنين بنفس البيت ببيت حمولتنا ومرت حماي ولدت قبلي ب 6 اشهر وطبعا بما انها اول ياهل كنت وايد مستانسة فيها اشيلها وارضعها وطول الوقت شايلتها بحضني وكبرت وكبروا بناتي ويوميا طبعا يا بناتي فوق بشقة حماي والا بنات حماي عندي يلعبون مع بعض والحين عمرها 6 سنين وماشالله لا تشوفون السوالف والحركات والدلع وهالسنة راحت اولى ابتدائي وطبعا انا صارلي شهرين بلندن ياية مع بنتي علاج حق قلبها المهم بيوم من الايام كنت داقة على خالتي اسال عنها وبين السوالف والا تقولي ترى بنت حماي بالمستشفى قلت لها شفيها والا تقولي مادري صارلها يومين ما تتكلم ولا تشوف وظلت من مستشفى لي الثانية اول شي راحت البحر حق عينها بعدين حولوها مبارك سوولها تحاليل وسحبوا ماي من ظهرها وكل شي كان سليم وعقبها حولوها ابن سينا وسولها اشعة رنين قالوا دام انها ماتتكلم ولا تشوف اكيد فيها شي براسها وانا طبعا احاتي وادق على حماي ولا يقولي بين ان معاها ورم براسها طبعا هذا اول شي قالولنه عنه وكان الظهر ولي بليل اذكر كنت قاعدة عند بنتي بالعناية لان توها مسوية عملية بقلبها جان يدق حماي علي والا يقولي انا ابيج تساعديني لان بيني وبينج بنتي طلع فيها اسم الله عليكم سرطان ومكانه وايد حساس صاير عالنخاع الشوكي وقالي ابيج تسالين عن مستشفى زين حق بنتي طبعا انا لا اراديا قمت ابجي واتخيلها عقب صحتها وعافيتها طايحة بالفراش ووين شعرها اللي ماشالله شحلاته بثقله وسواده وانكسر قلبي عليها وقلت له لا تسكت باجر روح عند د.هشام الخياط وايد شاطر حق هالسوالف وصج ثاني يوم من كلمته قالي رحت عند الدكتور وشاف الاشعة وقالي ان الورم مكانه وايد حساس وماينشال بعملية ومن كثر ماهو خطر حتى مايقدرون ياخذون عينة عشان يعرفون اذا الورم حميد والا خبيث والحل انها تاخذ جلسات اشعاع واذا راحت الورمة يعني الورم حميد امين يا رب واذا ما راحت للاسف راح تعيش سنة والا سنة ونص طبعا ماشالله حماي واهو يقوللي كان وايد هادي ومسلم امره لله ويقولي الله يعطي والله ياخذ ومحد يقدر يعترض على حكم الله والياهل اذا راح ايي بداله ياهل ثاني اهو يقول هالحجي وانا قلبي متقطع عالبنية والحين هالسالفة صارلها شهر وبلشوا معاها اشعاع من اسبوعين واليوم اسال امها عنها تقولي الحمدلله قامت تحرك ايدها وراسها شوية والحين ناطرين ياخذون لها موعد عشان بودونها امريكا ان شالله
بنات بس بغيتكم تشوفون ان سبحان الله يغير حال البني ادم بين يوم وليلة واذا اراد شيئا ان يقول له كن فيكون وياما ناس من مانولدوا مرضى وبالفراش والا امراض مالها علاج بس يتمون عند اهلهم وفي ناس مافيهم الا العافية يروحون من اهلهم بغمضة عين واحنا مابيدنا شي الا ان نحمده ونشكره ولازم ما ننسى ان نرقي عيالنا ونقرى عليهم عشان الله يحفظهم واللي اطلبه منكم بس شي واحد ادعوا لبنت حماي الله يشافيها ويشافي بنتي وكل مرضى المسلمين امين يا رب العالمين انك انت القادر على كل شيء
لكن ياختي انتم رحتوا على الطب الحديث وهالشي طيب .. بس ليش مايودونها يقرون عليها ..
ماتدرين يمكن احد فز فيها بمدرستها ولا شي .. وترا السرطان اغلب المطاوعه يقولون انه روحي يعني من حسد او نفس ..
عالاقـــل .. خل يطلبون ماي زمزم مقري عليه من عطاره الطبيعه بالاندلس ويشربونها ترا ماء زمزم لما شرب له ..
ترا القران كله فايده مامنه مضر على حالتهااا ..
طمنينا عليهااا
.
.
.
وعسى الله يقومهم بالسلامة و يفرح قلوبكم فيهم ومايشوفوووون شر ياااااااااااااااااارب
,و
ويعافي بنتك وبنت حماك وتشوفونهن عرايس
,و
ويعافي بنتك وبنت حماك وتشوفونهن عرايس
الله يشافيها ويصبر اهلها
وعليكم بالرقيه والعلاج القرآني