|
|
السلام عليكم و رحمة الله و بركاته
شلونكم شخباركم
يا بنات السالفه و مافيها
ان بنتي بالصف الثامن اسم الله عليها دايما متفوقه من الابتدائي للحين وهي متفوقه اسم الله عليها ومن العشره الاوائل
وعمره محد من الابلات تشكى منها او نزلت للمديره
السالفه تعرفون الصف الثامن الرياضيات المنهج فيه شوي صعب
و ابلتهم مادري شقول عنها اول مره اشوف ابله جذيه
يا طويلات العمر بنتي بالحصه يوم الاربعاء كانت الابله تشرح ومافهمت نقطه سالتها وقالت بكل ادب ابله ممكن تشرحينها لي مره ثانيه مافهمتها
عصبت و قالت انتي تستعبطين تفهمين ولا ماتفهمين لاتحرجيني عند البنات و تشتتين عقولهم انا لما قالتلي عيوني صارو جذيه @@
و طردتها من الحصه وقالت انزلي للمديره اول ماراحت للمديره انصدمت منها لانها تعرف بنتي و قالت لها السالفه وقالت ردي صفج ردت بس الابله مادخلتها
و انا ثاني يوم رحت عندها المدرسه و طلعت غايبه وقالت المديره ماعليه ومايصير خاطرج الا طيب
لكن انا بتفاهم معاها وبروح المدرسه بشوف شسالفتها
بنتي ماغلطت هاذي وظيفة الابله تفهم و تشرح للبنات ولا انا غلطانه
اول مره اشوف ابله جذيه بس حسابها معاي تبي تخرب السنه على بنتي يعني
عادي هذي شغلات واجد تصير لاتحكمين قبل ماتسمعين الابله شتقول !!
يمكن بنتج طولت صوتها ع الابله !!
مو دايما المعلمات غلطانين في بنات يبيلهم قص لسان
وانتي لاتعودين بنتج ع الفزعه ترا هذ اللي يخرب الطلاب
التعليم مهنه صعبه كافي المعلم اللي يشرح ويتعب …
بعد الحين مانعين الضرب شتقولين عنا قبل لمن كانو يطقونا بشي ومن غير شي
وان رحنا تشكينا قالت امي حيلها فيكم
انتي افهمهي من الابله شصار يمكن في سوء تفاهم بين الابله وبنتج وبنتج خايفه تقول لج
او يمكن بنتج كانت سرحانه او تسولف فلابله عاقبتها
التمس لاخيك سبعين الف عذرا
وبنتج كلميها ان عادي هاذي ابلتج لازم تحترمينها
موفقه
ثانيا
الظاهر مالها خلق المدرسه وطلعت الحره ببنتج
حبيبتي
الابله موو فاضيه لهدرجه انها تطرد بنت عششان بس قالت عيدي لي
الاكيد بنتج قلت ادبهاا او تستفز ابلتهااا
المدرسه ملزم غصب عنها تفهم البنات الدرس موبس مره انشاءالله 100 مره
ولا بس يبون التقويه ودروس خصوصيه
في مدرساات ماشالله عليهم قمه في الادب ولاللتزام وفي منهم الله يهديهم
وانتي روحي سئلي المدرسه وبالنسبه لي مااستغرب عااادي هالشي
اللي رادين وشابه فيهم ؟
تقولكم تطردها عشان سوال ؟؟
وهي شنو شغلتها بالله ؟ مو ابله ؟ غصبن عنها تشرح
البنت مو فاهمه والابله فاهمه شخسرانه لو شرحت !
وبعدين ليش البنت تقل ادبها بالسؤال كاهي تقول امتياز ولا فيها شي
اول مره اشوف احد يقل ادبه بالسؤال يعني البنت لهالدرجه غبيه ؟
وشكو فزعه ومافزعه وين قاعدين حنا ؟؟ الجاهليه وانا مدري ؟؟
وبعدين في معلمات الله يستر عليهم يحطون حرتهم بالبنت شهالتخلف استغفر الله ؟
هذا حق بنتها تاخذه يعني تاخذه استغفر الل هالابله ناقصه عقل ماتشرح النقطه
والله لو قلنالها اكفري حششششششى ؟
اختي حطي موضوعج بمكان ثاني وروحي اخذي حقج من بنتج ولا عليج