|
|
اول مايشدني بالياهل نظافته وريحته ولمعت شعره وترتيبه ، كل وحده تقول لنا شلون تعتني بنظافة عيالها
جم مره تسبحهم بالاسبوع ،وشنو نوع اللوشن والعطر اللي تستعمله لهم ، طبعا العنايه بنظافة الرضع غير عن الطفل بوشهور
غير عن الطفل الكبير اللي شايل عمره
ياريت تذكرون لنا روتين عنايتكم باطفالكم عشان نفيد ونستفيد وشكرا
وصابوناتهم بيبي جونسون الشامبو والبيبي باث او بيجون شامبو الجسم والشعر
ادهن جسمهم بلوشن بيبي جونسون والوجه كريم بيبي جونسون الوردي اللي شكله دائري
احط لهم دهن عود عند الاذون ومسحه خفيفة على الشعر
عطوراتهم ملوت زارا كيدز
وبسسسسس
كل مستلزمات النظافه من جونسون من الصابون والشامبو واللوشن وحتى الكريم والعطور
بنات مافي غير بيبي جونسون في العالم نبي ماركات حلوه ثانية
بنتي عادي بس الدكتور قالي ان ولدي لازم ما يسبح وايد لانه فيه حساسية بصدره
لكن ثيابهم الداخلية انبدلها تقريبا من مرتين الى 3 مرات باليوم
ونغسل ريولهم وويهم بعد
استعمل منتجات منوعه
جونسون مو وايد
استعمل سيبا ميد شامبو وكريم حفاظ وكريم طفح الحفاظ وحليب الجسم
والأغلب منتجات مذركير
واستعملت فيتره موستيلا بس عاد غاليه وايد
عطور منوعه احط بالشتا اكثر شي دهن عود
وبالصيف عطور فرنسيه لعى ثيابهم بس مو جسمهم
أسبحهم بالصيف يوميا تقريبا وبالشتاء يوم وترك
وجونسون أغلب منتجاتهم بس ليما أمل أنوع بين سيبا ميد والماركات الثانيه الي أحصلها
وبالنسبه حق ولدي عطوره رجالي آخذله بس خفيف يعني أيدو تواليت الي تكون خفيفه
وحق جسمه أرش عليه كلونيا جونسون بودرة جونسون
وبنتي أستخدم حق جسمها بودي سبراي الي على ماركة فروتيتي الي بالجمعيات
وعطورها من بودي شوب
والنونه كلا مستحضراتها من جونسون أو سيبا ميد
وسلامتكم
بس تقريبا اول ما انولدت اسبحها كل يومين الصبح ولوشن مكان الحفاظ ولوشن كامل للجسم .. كله من جونسون الشامبو الافندر مال جونسون وصابون ولوشنات جونسون
البودره والعطور ما حبيتها احس مو زينه على البيبي تدش صدره
اما باقي الايام النظافة العادية غسيل اليد و الوجه و الريل
و سلامتك
الكريمات:
فازلين للجسم للوجة و وزيت الشعر
و التعطير ماي ورد و دهن عود
اسبحه يوم وترك .. جربت منتجات سيباميد وصيدليه بوت
والحين استخدم الشامبو والشور باث من بوووت .. وعقبها ادهنه بكريم مال الاكزيما <<< يلده خشن ما اقدر احط عليه اشياء فيها ريحه
والبودر همن من بوت شاريته للاطفال اللي يلدهم حساس ريحته خفيفه
وشاريه مسك للاطفال احطه حق ولدي ورا اذووونه .. وارش على ملابسه قبل لا يلبسهم اي عطر بس شرط يكون خفيف كلش
وفي اماكن مهمه اغسلها عدل مع الماي والصابون وقت السباحه اهي كل ثنيه بجسمه وورا اذنه .. ورقبته وسرته (مكان مهم يتيمع فيه الفطريات) و المنطقه الحساسه
هذا وقت السباحه
ام يوميا :
مع كل تبديله حفاضات .. ينغسل بماي وصابون عدل مدل .. طبعا ما اخلي الحفاضه تنترس لا لازم كل شوي نبدل عشان الريحه
لازم ملابسه الداخليه تتغير .. وملابسه الخارجيه
وورا كل وجبه معلمته يغسل ايده وحلجه عدل بماي وصابون
اغسل خشمه اطلع الوصخ .. وريله بعد ..
ماقدر استخدم لسباحتهم الا المنتجات الطبيه (استخدم qv) غسول،لوشن،اويل، بس الشامبو عادي استخدم سيباميد
حتى البودر ما اقدر استخدمه
بالنسبه للعطور عطر بربري الخالي من الكحول للأطفال و عطر جاكادي و عطر زارا كيدز