بدله حق العيد

السلام عليكم

يا أمهاااااااات ساعدوني ودي أشتري بدله حقبنتي حق العيد وأبيها كشخه من ويييييييييييييين بلييييييييز ساعدوني وبالعيد يصير عمرها سنه

عندج كل لحظه
مجمع مريم تحت بالسرداب
كدز ستور اللي بزهره وايد حلو

بحدود جم تبين ؟
وماركه ؟

اذا ماركه عندج

كل لحظه بس لا تروحين الي بالافنيوز مو شي
روحي الي برج جاسم وبالمهلب

وعندج مركز مريم

وعندج مارتيني بالفنار

وعمدج ارماني

اذا مو ماركات

زارا

ايكس بشرق

كاتي ميني بالافنيوز

ان شاءالله اكون فدتج

اعرف وحدة عندها بدل للعيد للبنوتات وايد حلوين عندها فناتك كشكش وحركات
وعندها بعد كلاسيك مثل نفانيفنا واحنا يهال ايام الحنة بس روعة والاسعار حييل رخيصة انا بدلة بنتي السنة اللي طافت خذيتها من الراية وبالزوارة لقيت بنت عم ريلي ملبسة بنتها نفس البدلة ضاق خلقي قلت كل الكويت من نفس الاماكن قلت خل اغير شوي
ولا بعد كامل ما تحتارين النفنوف ومعاه التاج او الشباصة والجنطة والدلاق مكرمين انا اعطيج رقمها دقي عليها وان شاء يعجبونج

اختي ممكن تعطيني الرقم حتى انا بنتي كملت سنة وابي لها بدلة للعيد

اي اسفة نسيت اكتب الرقم اسمها ام عبدالعزيز وهذا رقمها
66683603
وان شاء الله يعجبكم

روجي الجميع عنده بدلات اسبانية روعة

كريمه الجميع بأي صوب ؟

وانا ودي في بدله ماركه وانا اشوف وافتر من الحين

ومشكورين ياللي ردو وناطره الباجي

حبيبتي اهيا بدلاتها مثل 1 and 1/2 ون اند هاف اللي بالراية بالضبط بس الاسعار النص اذا مو اقل

حبوبه كل لحظه ومؤيد المير رووووعه

مؤيد المير واكوا وانوتا

مؤيد المير مايصلح للعيد صراحه
احلى شي كل لحظه وساليهم عن ال vip ماعليج من المعروض اذا ماعجبوج
وبعد اكاجو وسرداب مجمع مريم
وكدز ستور الي بزهره
والمحل الي بمجمع امنيه

انا شريت حق بنتي بدلتها من كيدز استور اللي في زهره عجيييييييبه بدلاته وكشخه على مستوى الصراحه واطلعت علي بدلة بنتي ب١٣٥ دينار بس فعلا شي كشخه وحق عيد رووحي مريه وشوفيه ومؤيد المير انا مااايعجبني شغله والعيد اللي طاف شريت حقها من كل لحظه ماركة ديور اتهبببببل بدلتها كانت وحتى تكرمين جوتيها كان ديور بس كانت اصغيرووونه وماتمشي الحين اسم الله عليها اكبرت
وان شااااااء الله اكون فدتج

اختي شرت كذا بدلة حق بنتها …
وحدة من كل لحظة من وربيرتو كفالي على 125..
وشرت لها من الفيرو مارتيني تحسين انها ستايل…
بس موو للعيد …