ابي حل مع الغازات مليييييت

سلام شلونكم يا امهات انشالله مرتاحين

بصراحه انا مليت من كرشه ولدي ههههههه اسم الله عليه عمره 23 يوم و وايد مأذيني بالغازات مع اني اعطيه نان والي اعرفه عن النان وايد خفيف انا جربته مع اخوه و وايد كان حلو ماسبب له غازات هالمره لااااا ولدي بس يبجي من بطنه عطيته اعشاب ماكو فايده عطيته دوا غازات gas هم ماكو فايده شسوي ؟؟

حلو الي تعطينه بس لاتكثرين له يتعود عليهم ومو زين للكلى , وعقب الرضعه لازم تطقينه على ظهره خفيف علشان يطلع الهواء عقب الرضعه

خليه ينام على بطنه لمدة دقايق بس يمكن يرتاح ويطلع الهواء بس دقايق لان مو زين له تطولين توه صغير

والله يخليه لج يارب

شوفي حبيبتي روحي حق الدكتور خالد الصراف بدار الشفا ،، الدكتور وايد ممتاز و اهو متخصص بالجهاز الهضمي للطفل انا وديت بنتي و كان فيها حساسيه من الحليب البقري فقالي غيريه و لا تعطينها الادويه الخرابيط ملوت الغازات مادري شنو و صج غيرته وبنتي ماشالله عليها مثل الملاك نايمه والله ايوفقج انشالله

حبيبتي في دوا اسمه انفاكول ماله اي مضار وديه حق اكبر استشاري اطفال بالكويت راح يقولج ممتاز وانا مجربته وحتى بالوصفة كاتبين عليه لو يشربه ياهل عمره سنيتن كله ما يصير فيه شي من كثر ما اهو آمن من لندن اي وحدة تولد هناك يعطونها بالمستشفى وانا مجربته بعيالي اثنينهم ممتاااااز ويريحج والله
اذا عندج احد بيروح دبي في منه هناك والله يسهل عليج يارب

البنات ماقصرو ^_^
و موفقه يارب وعسى ربي يحفظلج اعيالج الحلوين

اصلا الجهاز الهضمي للبيبي ما يكمل نمووه الا بعد ما يتم عمره فوق ال 3 شهور يالله هني ترتاحين… تصبري كلها فترة وتعدي الله يصبرج ..بس لا تخلينه دوا gas حيل زين و طلعي الهوا من ولدج كل ما شرب حليب.. وبين فترة وفترة بطحي على بطنه ولمسي على ظهره لحد ما تشوفين انواع الموسيقا طلعت من فوق ومن تحت خخخخخ

الصبر ثم الصبر

اختي naba6a انا كنت مقلج ووصوفوا لي gas بس كلش مانفع وياي فريت على كذا دكتور وصفوا لي قطره تعطين منها ولدج 7 نقط وبعدها راح يرتاح وينام اسمها ‘Disflaty’ تحصلينها بالصيدليات ومامنها اي مضار

الله يعينك ياقلبي والبنات ماقصرو بس خلي بالك من كثره العلاجات ماراح تنفعه تضره ..

الغازات بالمرحله هذي طبيعي تحملي هالفتره والله يعينك ..

بس اذا استفحلت الحاله لازملك طبيييييييب ..

موفقه

شكرا بنات ادري المسأله يبيلها صبر بس ساعات من كثر ما البيبي يبجي مادري شسويي من جذي استشرتكم ادري ماتقصرون

هلووووووووووووووووووووووو
انا عن نفسي انصحج بماي الغريب اللي بالمستوصف مو الصيدليه تعطينه قبل الرضعه بنص ساعه وانشالله بيرتاح
عالعموم انشالله ما منه ضرر اذا مافاده ماراح يضره لان اهو عباره عن ماي نعناع
وركزييييييييي قبل الرضعه مو عقبها

نفس ماساتي

حبيبتي اذا ترضعيينه يمكن من اكلج

واذا لا في حليب يسبب غازات وهم ساعات طريقة رج المميه تسوي غازات يعني لا ترجيينه من فوق لي تحت لا حركه دائريه صج اطول بس ماطلع غازات

وفي دوا اسمه غاز بمبي طاح على بنتي وعجيييب استخدمته لها لي فوق السنه

ماي غريب وايد زين

انا استخدم دوا اسمه bonnisan ماركت همالايا عباره عن اعشاب
ولدي ارتاح عليه جربيه و ادعيلي

اخذيله من الحواي ماي النعناع عجييب حق الغازات
او
بمبي
او
دسفلاتيل