|
|
مرحبا يابنات مشكلتي بنتي عمرها 5 شهور ومن شهر واهي تعبانه كله تونون وماتحب الرضاعه ابدا شئ اسمه حليب عدوها ماادري وديتها الدكتور محمد سعيد يقول عندها فقر دم ومافيها شئ اسنان اشلون اسنان بهالوقت كل عيالي بعد 10 شهور تطلع اسنانهم والله كل ماحطيت الرضاعه بحلجها انجنت بس اتون وتبجي وتدزها بلسانها وحتى المصاصه قطعتها منها ابجبرها تشرب حدي خايفه والله صرت اعطيها الحليب بالابرة حقت الدواء تخيلو ماادري شسوي المشكله من حليبها او من راس الرضاعه برغم اني تخيلو واهي ترضع كل شوي اشيل راس الرضعه براون واحط بيجون واشيلها واحط نوع ثاني جننتني هالبنت موعارفه تتوقعون شنو من حليبها وبعدين خروجها عزكم الله اخضر وله ريحه وحليبها سيميلاك ادفانس 1 ساعدوني ربي يوفق كل من تساعدني بخبرتها او تجربتها والله ابدعيلها بالتراويح وبكل وقت ولاتنسون هذا شهر الدعاء مستجاب واستودعتكم الله 
ما جربتي تغيرين حلييبها !!!! غيريه وشوفي
انصج بابتاميل كمفورت متاز وان شاءالله تحبه
ودام وديتيها عند محمد سعيد يعني تطمني شوي لنه ممتاز الدكتور
انا بنتي اسم الله عليها كان عمرها 6 شهور شق ضرسها الاول ف عااادي لا تحاتين ولا شي
صح كلام الدكتوور اسنااان
وترى حتى بنتي نفس الوضع لا اكل ولا حليب وقلبي كان يعورني عليها بليل ماتنام وتون ويمكن يحوشها تكرمين اسهال وارتفاع حراره هذااا كله عاادي
اتمنى اكون طمنتج ..
فجذي الدكتور قالج بتسنن
و كل طفل يختلف عن الثاااني انا بنت اخوي سننة بست تشهر
انا اوليدي الله يحفظه ماسنن الا بثمن تشهر
ولاتجربين تغيرين حليبها مو زين ع اليهااال لا تلعوزينها
صدقيني اليهااال تي هل حالات و يرد طبيعي عقب
ترا تغيير حليب اليهااال مو بالشي السهل
موفقه
|
المشاركة الأصلية كتبت بواسطة ام احمد احمداني
 حبيبتي مو شرط يشق الضرس عاادي يكون بداية تكوين السن نفسه
فجذي الدكتور قالج بتسنن و كل طفل يختلف عن الثاااني انا بنت اخوي سننة بست تشهر انا اوليدي الله يحفظه ماسنن الا بثمن تشهر ولاتجربين تغيرين حليبها مو زين ع اليهااال لا تلعوزينها صدقيني اليهااال تي هل حالات و يرد طبيعي عقب ترا تغيير حليب اليهااال مو بالشي السهل موفقه |
ليش تغيير الحليب مو سهل؟
بالعكس الوحدة لازم تغير دام حاسة ماناسبها
وبعدين حليب سيميلاك ادفانس كثير يعانون منه
انصحج اول شي انج اتغيرين الحليب .. بولدي الاول كنت اشربه سيملاك
وسببه امساك وكل يرجع .. من سالت الدكتور جان يقولي غيريه .. ونصحني بحليب
اول مرة اسمعه اسمه " فرانس ليه " والحمدلله من شربته واهو يحب ويشرب حليب
ويخرج وانتي بكرامه زين .. ولما يبت ولدي الثاني .. من غير تردد شريت له نفس حليب اخوه
وللحين لك الحمدلله والشكر زززين وماشي عليه
نصيحتي الثانيه .. مو كل اشوي اتغيرين الحلمه .. خليج على شي واحد .. واحسن ماركه بيجون
ويمكن بنتج محتاجه انج اتغيرين المقاس .. يمكن تحتاج مقاس ميديم ..
وانتي قبل ماتشربينها دهني لثتها بجل عشان يخفف من عوار ضروسها ونطري جذي ربع ساعه
وشربيها الحليب وشوفي
ان شاء الله قدرت افيدج حبوبه ولاتنسينا بالدعاء
قبل لاتغيريين الحليب حبيبتي
غيري الدكتور
انا اول كله عند محمد سعيد بس ساعات احسه مايريح
غيري الدكتور حبيبتي واخذي منه الكلام وتوكلي على الله ولاتلعبين في حليب البنت كل شوي يتغير ترى مامنه فود
ربي يشافيها يارب والله عورتي قلبي عسى ربي يطمنج عليها
مادري بشنو انصحج بس دام سالفه اسنان عطيها عضاضه النوع اللي تنحط بالفريزر يمكن تهدي لثتها وصلي عالنبي واقري معوذات وانتي تشربينها الحليب وماتشوف شر يارب
ويمنك بنتك فيها الدفعه >>> بالبدوي نسميه الدفعه باللغه العربيه ما ادري بس الي يكون سقف الحلق نازل شوي وما يكتشفه الا الحريم الكبار الي لهم خبره هو الي خليها ما ترضع
الله يشفيها يارب وقوليلنا شصار معاها