ولدي الغازات ذابحته

السلام عليكم خواتي ……

عندي مشكله كبيره …….. واهي

ولدي فديته …..عمره 20 يوم … سملله عليه من يوم ماولدت واهو يشرب حليبته وينام مرتاح بس بعد المرات يصير فيه غازات ويقعد يبجي من قلب ويتعصر – احطه على بطنه – احاول انومه – اهزه- اهطيه ماي غريب – ماكو فايده- وانا بس اشوفه وابجي – اليوم قعد من النوم عال3 ونص الفير يبي حليب عطيته- ومن بعدها وبس يبجي -لي 9 الصبح مانام الا بالغصب – والحين اوكي الحمداللله -هالحاله تيله كل جم يوم – احس لازم اغير الحليب- دار الشفا عطوني سميلاك ادفانس – شنو احسن حليب حق البيبي ماييبله غازات لاني خايفه اعطيه على كيفي -واخاف اودي الطبيب يقعد يعطيني ادويه ويلعبون بولدي توه صغير اخاف اعطيه ادويه … انتو شرايكم – شنو الحليب الانسب حق هالعمر .؟؟؟ ومشكورين وماقصرتو حبايبي

شربيه ينسون

وعطيه ماي غريب وايد زين للغازات

حبيبتي 50 ملي ماي حطي على النار وحطي على 3 او 4 ورقات نعناع لما يغلي غلوتين ثلاث وشخليه وحطي عليه قطعه صغيره سكر نبات او بدونه عادي وبرديه وعطيه بالمميه وادعيلي
انا ولدي ما ريح بطنه الا هالطريقه و ينسون بعد نفس الشي وااايد يريحه بلييل نفس الشي قفشه صغيره كلش ينسون حطيه بمشخال صغيرونو وغسليه وحطي مع ماي 50 ملي يغلي غلوه وحده وشخليه وحليه بسكر نبات او بدونه عادي وايد ان شاءالله بيرتاح واي شي تبين سألي حبيبتي

السلام عليكم

مايشوف شر يارب
انزين عطيه مميه ضد الغازات يبعونها بالصيدليات وبسنتربوينت
وفي دوا بالصيدليه اسمه هملايا للغازات وااااااااااااايد زييين
بس تااااكدي اذا يناسب عمر ولدج لاني ناسيه لاي عمر

مايشوف شر يارب ……

حبيبتي بغيت اسألج ؟؟
يخرج كل يوم ولدج يعني كل يوم يسوي كاكا؟؟

بنتي كانت نفس حالة ولدج ما نفع معاها لا ماي غريب ولا هالسوالف شريت لها دوا اسمه دسفلاتيل ممتاااااااااااااز للغازات حق البيبي وفي دوا بلبنان ولندن ممتاز بعد اسمه انفاكول

انا اقولج على شغله
روحي صيدليه في قطااره اسمها غاز بمبي شنو عجييييييييييب

احط حق بنتي بمميتها واطلع الغازات كلها واتناام خوش نوومه

انه نفسج افلام هنديه لما قالتلي خالتي على السحر شوفي تحطين بالمطاره مالت اللي فيها الماي الحار مالت البيبي حطي فيها قفشه وسط حبه حلوه و3 حبات هيل عدل كسريها بضرسج وحطيها وسوي الحليبه عادي بالماي هذا وسمعي الاصوات من اول اسبوع تلاحظين فرق بالنومه والراحه وادعيلي الل يخلي لي ريلي واعيالي

اول شي حليبه موشي حنى انا دار الشفا عطو ولدي سيميلاك الله لايسامحهم كله غااااااازات ,, استخدمت نان 1 مسكين ولدي كل يوم صراخ لي الضحى ماينام ,,بس نصيحه غيري حليبه

حبيبتي وايد يشتكون من سميلاك انا انصحج تغيرينه جربي نان او نكتارميل وجربي اللي قالو لج البنات واللي ينفع معاج قوليلنا عشان نستفيد

__________________________________________________ ___________

بعد عمري ليمار مشكوره وايد – عطيته ماي غريب – وينسون – ماكو فايده – بس الحين الحمدالله – غيرت حليبه – عطيته نان – ةاااي ةايد خفيف هالحليب ختى مافيه رغوه – سميلاك متروس رغوه – وشريتله دوا من الصيدليه 3 قطرات بحلجه او مع الحليب – الحمداللله وايد ارتاح

مشكوره الرحيل حبيبتي -الحمدالله ولدي صار تمام -وشريتله ممية الغازات الحمدالله – ماقصرتي بعد عمري

مشكوره حياتي

+++++++++++++++++++++++++++++++++++++++++++++

لا حبيبتي مو كل يوم
بس اليم يوم غيرت حليبته – سوا كاكا الله لايويج -خيسنا

عفوا بنات شنو مميه الغازات هاذي شلون صايره؟ شسمها يعني