|
|
السلام عليكم
حبيت افيدكم بشي وان شاء الله تستفيدون
من اول ما ولدت والحمدلله ارضع طبيعي … ةطبعا اخذت حبوب علشان ادر الحليب لانه عندي اراده بإني ارضع طبيعي
المهم ….. صار لي شهرين من ولادتي وهالولد كله يبجي ويستفرغ وايد وما ينام وايد مثل ما يقولون
وانا اقول حق خواتي اشلون رضاعه طبيعيه وهذا حالي والله المميه ارحم
طبعا الكل مستغرب … بس اختي قالت يمكن هذي طبيعه ولدج يستفرغ
ولما كمل شهرين وديته للتطعيم ……… وزاد البجي بصوره مو طبيعيه
قلت لازم اوديه المستشفي … وشرحت لها المعاناه
اول سؤال سالتني قالت تشريب حليب؟؟ وانا بكل فخر اي
قالت هذا السبب …. لانه ولدج يتحسس من بروتين الحليب …وفوق هذا من كثر الغازات اللي انا سببته له من هالحليب صاير معاه بدايه فتاق حبيب قلبي …… ما تشوفون اشلون يتعسر
فعطتني دوا للاستفراغ ودوا للمغص
والحمدلله من وقفت من شربت الحليب واستبدلته بحبوب الكالسيوم …. وصار وهابي ميه ميه
ونصيحتي يا امهات اذا شفتوا اي شي غريب على عيالهم لا يسكتون
وسلامتكم
ومشكوره عالمعلومه عشان ما نكررها بعدين ..
يعطيج العافيه
بس حبيت اعرف شنو الدواء مال الغازات الي عطتك
والله يخليه ويفرحج فيه
|
المشاركة الأصلية كتبت بواسطة ام المزايين
 الله يخلي لك وهابي يارب انا ولدي رضعته طبيعي 40 يوم والحين اعطيه سيميلاك تعبت معاه باخر الليل كلهن بشي…
بس حبيت اعرف شنو الدواء مال الغازات الي عطتك |
اسمه Bonnisan
وهو عباره عن بعض الاعشاب ويزيد الشهيه
وراح تستغربين من مكوناته اذا شريتيه
اشكر مروركم حبايب قلبي
سبحان الله طبيعة عن طبيعة تختلف
الله يقدرنا ونرضع طبيعي من غير أى مشاكل
بس ما فهمت عليج انتي تشربين حليب ويأثر على ولدج ؟؟
نصيحة شربي ماي واجد يدر صدرج صج وعن تجربة
انا ارضع و من قالوا لي الحليب يسوي غازات و قفته و صج حسيت بالفرق
و بيني و بينكم انا سمعت ان الحليب البارد ما يسوي غازات بس اذا شربتيه ساخن
لكن احتياط انا تركت الحليب خير شر
و عوضت الكالسيوم بالروب
لان يقولج اكثر تركيز للكالسيوم بالروب اكثر من الحليب و اللبن
عفيه حبيبتي واصلي رضاعة على الاقل لمدة سنه و أنوي و الله بيعينج ان شالله
و كل شي بأجره ما يضيع شي عند الله