حركه مزعجه يسونها بناتي! التضرس الليلي / تم تعديل العنوان و دمج المواضيع المتشابهة )

السلام عليكم

شلونكم خواتي

بقولكم عن الحركه اللي يسوونها بناتي اللي هي لما ينامون يحكون اسنانهم ببعض فيطلع صوت مزعج حييل

حتى والله مقدر انام من الصوت

وحتى وهم بغرفتهم (طبعا غرفتهم مابينها وبين غرفتي الا باب)اسمع الصوت

طبعا اعمارهم الكبيره 8ونص سنواتوالصغيره 3ونص سنوات

وعندي ثلاث صبيان غيرهم وما يسوون مثلهم

فحبيت اسأل اذا في وحده مرت عليها مثل هالحاله او سمعت عنها

لأنهااا الصراحه مسببتلي الأرق

حتى انا بنتي اتسوي جذيه
شوفي بنتج ام 8 سنوات ماشاء الله كبيره وديها طبيب الاسنان اسوون لها قالب من السيليكون
انا ترى بعد كنت اسوي جذيه من كثر مااشد اعصابي و حطيب قالب سيليكون

زين حبيبتي ام عواشي بنتج كم عمرهم وهي تسويها وهي نايمه

زين وانتي كنتي تسوينها وانتي نايمه والا تكونين قاعده وحاسه بنفسج

وقالب السيلكون يعني البسهم اياه وقت النوم

ارجوكي ردي علي لأني منزعجه منهم حيل

انا بعد ولدي عمره 11 سنه ويسوي نفس الحركه لي سمعته من زوغه قلبي ودي اسطره ههههههههههه بس انا سمعت انه له علاج عند طبيب اسنان

اشكر مروركم

ام عواشي وحنين 2

يعني سمعتوا احد لقى لها علاج وراحت منه

انا ولدي عمرة 4 سنوات نفس الحركة يسويها ومو عارفه تفسيرها

والمشكله انهم مايسوونها الا وهم نايمين

يعني بنتي الكبيره لما تقوم من النوم واسألها تقول مادري تكون مو حاسه بنفسها

يعني وهم قاعدين ما يسوونها

زين حنين 2 ولدج يحك اسنانه وهو نايم مايدري عن نفسه والا وهو قاعد

انتظر ردج عزيزتي

[b] لا يسويها وهو نايم ولما اقعده من النوم اقوله ببببببس لاتسحك بضروسك يقولي شنو ماسويت شي يعني مو حاس علي نفسه
وانا مره قريت اعلان عن عياده اسنان يعالجون التضريس الليلي بس ماني ذاكره عيادتهم شسمها والله

يمكن اللثة تعبانة

::

أخاف أسنانهم تعورهم ؟؟؟

انا بنتي اتسويها لما تكون مريضة خصوصا الكحة

يمكن تعب واجهاد

انا قريت مرة موضوع عن ان اللي يصر اسنانه و اهو نايم هذا انسان عصبي

شوفي بناتج اهم عصبيات ولا لأ؟؟؟

انا اذكر اني للاسف كنت اسويها لما كان عمري تقرينا ثمان الى احد عش سنه اهيا اكيد حركه نفسيه اسويها لما اكون متوتره وترا مالها علاقه بالعصبيه انا وايد كنت هاديه وكتومه فلما اتوتر او اخاف اسويه قبل النوم وانا بفراشي بس انا وقفتها بالاراده ومحد درا عني انتي ودي بناتج طبيب يحطلهم شي يوقف هالحركه الااراديه لانها تاثر على صفت الاسنان وحاولي ماتودينهم سرايرهم الا لما يدوخون حدهم عشان يدشون بالنومه على طوول وسولفي عليهم قبل النومه سوالف فيها تفاؤل وفرح ولالتذكرينهم بالمدرسه او اي شي يضايقهم وتحملي شوي اتمنى اكون افدتج من واقع تجربتي

اعتقد انها تروح من نفسها بنت اختي كانت جذي