فطام الطفل

السلام عليكم
متي تفطمون عيالكم وشلون ؟
متوهقه ما اعرف

حتى انا ابي اعرف متى افطم ولدي عره سنه وثلاثة اشهر ——-> حدي مستعيلة مو

وانا عمر ولدي سنتين ونص ومو راضي

حتى انا ابي اتعلم معاكم عشان اذا كبر

خواتي تقصدون الفطام اذا كان يرضع طبيعي او صناعي؟؟

عموما انا بنتي الشهر الاياي بتكمل سنتين ولي الحين تشرب حليب بالرضاعه
قاعده اعلمها عالكوب بس ماتشرب فيه
ولازم تنام بالرضاعه
ودي اقطعها عنها واعودها تشرب الحليب بالكوب

شـــخبآركم بنـــآت آنآ اخـــتي لمآآآ بتـــفطم بنـــاتها تــــسوي لــــهم حليب وبعــدين تحــط فــحم عشآن يصـــير الحلـــيب لــونه اســـود وفـــعلآ مـــآيشربونه وكل مآبغوو حلــيب ســوت جــذي وتــعودوآآ بنـــآتهآ,,,

انا لما قررت افطم ولدي قطيت كل الرضاعات و قبل ووقت النوم اعطيه اكل عشان يشبع
توقعت اني بتعب معاه بس الحمد لله كلها يومين ونسئ الرضاعات ((والحليب اعطيه بالكوب))سهالات ان شاء الله

فطمته تقريبا بعد السنتين والحين افكر افطم بنتي بس اقول بعدها صغيره سنه وثلاث شهور بس ان شاء الله قبل ولادتي بفطمها

نصيحتي خلوهم على كيفهم
خلهم يستفيدون من الحليب
لان مو كل اليهال يشربون من الكوب
فلا تقطعون رزقهم من الحليب الصناعي
شدعوة الخدامة بتغسل وبتسوي الممية
وليش تستعيلووووووووووون
هذي نصيحة حريم كبار
وبعدين فجاة بتلقين الياهل ما يبي الممية من نفسه

الصراحة انا ولدي عمره 7 شهور ومايحب شي اسمه ممية وابوه حالف عليه ما اعطيه ممية واحس الحليب اللي من صدري ما يكفيه شسوي محتارة ؟؟
وعلى الفطم انا اذكر امي يوم افطمت اخواني كانت تسوي شوي حليب بالممية وتحط ملح ولما تعطيهم لاخواني تحط جدامهم حليب السعودية جونيرز والممية وتخليهم يختارون اذا اختارو الممية يشربونها يذوقون طعمها مالح هم بايدهم يقطونها بالزبالة وياخذون علبة الحليب السعودية والله يعينا

توني اسولف مع بنات الدوام عن هالمشكلة بنتي بتكمل 3 سنين ومتعلقة بالمميه، مو راضيه تهدها، وأنا أبي أقطعها عنها ودي تتعلم على الكوب بس. المشكلة انها ما تعرف تنام إلا إذا شربت من المميه وكله تقعدني نص الليل عشان أسويلها رضعه تعبت

فكرت أقص طرف الحلمة أو أحط عليها مرّه عشان تكرهها بس أنا أبيها تستفيد من الحليب أخاف أسوي جذي وبعدين ما تشرب حليب.

لا حرام وبعدين المرة مضرة فيها نسبة رصاص تسبب تسمم جربي الطريقة اللي انا قلت عنها وشوفي يمكن تنفع مع بنتج وطبعا انتي قدمي لها مغريات علشان تاخذ الحليل بالكوب او بالعلبة يعني اذا قالت لج ابي حليب عطيها اول شي الكوب قولي لها ذوقي هذا طعمه حلو واذا شربتيه شعرج يصير طويل ومن هالمغريات اذا عاندت سوي لها ممية كمية بسيطة وحطي ملح بدون لاتدري وعطيها اياه اهي بتستغرب الطعم قولي لها شفتي الممية صارت خربانة لانج انتي صرتي عروسة حلوة والعروسة مايصير تشرب ممية بعدين يضحكون عليها وارجعي عطيها الكوب وشوفي شيصير والله يعينا

نصيحه بنات لاتحطون سي بالحليب مثل مره او فحم ويستطعمه الياهل عقب بيعوف الحليب مو الممه اهم شي لا تغيرين طعم الحليب عشان ما يكره الحليب انا في بنتي البجر اخذت مماتها كلهم وحطيت فيهم شويه مسمار واهم خالين ما فيهم حليب ويمهم القلاص ما فيه شي يتني بنتي تبي حليب قلت لها امشي معاي المطبخ نسوي حليب قمت قلت لها ويع شنو هذا في دود بالممه قالت وع ماما قطيهم زباله وقطيتهم قالت خنروح الجمعيه نشتري قلت لها الحين بالليل الصبح نروح شوفي القلاص حلو عليه دبدوب شربي فيه وشربت عقب اقعدت مده اسبوع تقول اشترولي ممه تالي نست وتعودت عالقلاص اما بنتي الثانيه من يوم عمرها ست شهور واهي ما تحب الممه فطمت روحها بروحها