عيااالنا و الغييره من البيبي اليديد :

شلووونكم بناات

و الله يتمم عىل كل حاامل حملها و يقر عينها اب بيبيها سليم و معافى يااارب

سؤااالي اللي محيرني و مخليني قلقه اهواااا

انا حااامل الحمدلله و عندي ولد عمره سنه و 10 شهوور تقريبا و ولدي الله يفظه طبعه واايد غيوووور يغاار علينا انا و ابووه ويدااانه و خداامته من الكل و اذا شاافني شااايله بيبي يستخف ويقعد

ابي نصاايحكم شلوون اتعااامل معاااه اذا ولدت بسلامه ان شاء الله لانه رااح يشوووفني اشيل البيبي و انومه وارضعه .. خايفه عليه تزييد اعصابه لانه اساس عصبي و يتغير طبعه للاسوء .. او لاسمح الله يحاول يأذي البيبي وانا غااافله عنه

شاركوني بخبراااتكم شلون تعاملتو مع هالحاااله ابي نصايح شسوي مع ولدي و مع بيبيي اليديد مايصير اهمله بعد مسكين؟؟

الله يحفظه *

شوفي جبيبتي الصراحه عمر ولدج ماتعاملت معاه
بين ولدي الاول والثاني تقريبا 5 سنين والثاني والثالث 6 سنين يعني كبار وحليوين
الي سويته اني قمت احاوره واعطيه الثقه بنفسه واهتم فيييييه ولا بد مرات اعصب واتضايق بس احاول بسرعه اصل الموقف
ياربي احنا الكبار نغار شلوووون هاليهااااااااااال
الله يعيييييييييييينج عليييييييييييييييه

انا مو متزوجه..

بس من الحين هيئي ولدج نطوع الله يحفظه يارب لبيبي اليديد.

يعني سولفي معاه ماتبي اخوه او اخت ع حسب اللي بطنج..

في هني بيبي واشري ع بطنج بيبي لك اخو صغير او اخت تلعب معاه وتستانس..

لي بغيتي تشترين شي لبيبي اليديد وانتي بالسوق خليه اهو يختار له و يبيله شغله قوليله هذا من البيبي حقك لانه انت يبتله..

مادري انا حطيت نفسي مكانج بسوي جذي..

والله يتمم عليج يارب ويخليهم لج يارب ..

اهوه من ناحية بيغار اكيد بيغار ..
بس في اشياء لازم اتسوينها علشان تخففين الغيرة وما تصير مؤذية بحاول اختصرها لج :

1- اذا شريتي شي يديد للبيبي لا تورينه خشيهم عنه ماله داعي تورينه شرينا لاخوك او اختك جذيه .. حتى لو شاريتله اكثر واحلى بيحلى بعينه اغراض اخوه ..

2- لما تكونين مشغولة بالبيبي حاولي تعطينه دور .. مثلا .. ييلي الفوطه .. ييب بامبرز .. امسك ايده .. سكر صدريته .. على حسب عمره .. بجذي حتى لو انتي لاهية بالبيبي تظلين معطه اهتمام للكبير مايحس بالاهمال ..

3- لما تنومين البيبي او تحسين روحج فاضية فرغي روحج للكبير .. قوليله قصة .. لعبي معاه .. طلعي معاه .. عطيه وقت حقه برووحه ..

4- اذا شفتيه يطق أو يأذي اخوه حاولي ما تزفينه او تطقينه .. ناديه مثلا يلعب معاج او طرشيه .. لا تلفتين نظره لأن هالشي يحرج او يضايقج لأنه بيتعمد يسويه كلما انقهر منج او من البيبي

5- لا تمدحين البيبي جدامه .. مثلا شوفه حلو اشحلاته .. كله قوليله اهوا مسكيين ما يقدر يمشي مثلك علشان جذي انشيله .. حرام ما يعرف ياكل .. شوفه ما يعرف يقول انا يوعان .. علشان عالاقل لي انشغلتي فيه يكسر خاطره مو يحقد عليه ..

6- لما تكونين مشغولة بالبيبي لا تخلينه يجابلج طول الوقت .. خلي احد ياخذه عنج يلهيه .. خواتج او ابوه او اي احد ياخذه يلعب معاه لا يشوفج ماسكته 24 ساعة ..

احس ولدج صغير لو اكبر شوي تقدرين اتلهينه اكثر .. بس ماعليج اهيه فترة وتالي لي كبرو يلعبون مع بعض وتخف الغيرة ..

الله يعينج

انا جبت بنتي واختها عمرها سنتين ونص وغارت منها بس موذاك الزود ……….. واتحبها حيييييييييييل ليلحين بس هم تغار

وجبت الثالثه والثانيه عمرها سنه………… هنيه بددددددددددعوا

اذبحوني

عمرها سنه ماتفهم لاتعاقبين لاتكافئين……………. والحين صارت سنتين واختها سنه وتغار منها موووووووووووووووت تغار على كل الناس منها!!

عاد اذا ولدت ياترى البيبي شبيصير فيه؟؟؟؟ يمكن يفترسونه خواته………… امي اتقول علقيه بالسقف هههههههههههههههههههههه

انا بنتى 8 شهور
وولدى 4 سنين ونص

فرق بينهم

بس ينييييييييييييييت منه اول الايام ياخذ مصاصتها ويخشها

يقول ابي اصير دكتور بس عشان اقز جوري ابره خخخخخخخخخخخخخخخخخخخخخخخخخخخ
بس الحين شوى لما بدت تقعد وتلعب معاه قام يحبها ومايرضى احد ياخذها او يمسكها

مثل ما يحس انج انتي و ابوه و الخادمة ملكيته الخاصه و يغار عليكم خليه يحس انه البيبي اليديد يعد ملكيته الخاصة
يعني قوليله راح اييب لك بيبي تلعب معاه
و اشركيه باختيار اغراض الياهل موكلها طبعا عشان ما يغار انج قاعده تشترين حق الصغير و مخليته
و مثل ما قالوا البنات اشركيه معاج بالمسئولية يساعد بلبس الياهل مثلا
اذا كانوا اثنينهم موجودين معاج لا تعطين انتباه كبير حق الصغير ركزي انتباهج عالكبير ترا حرام اهوا صج الكبير بس ترا اهوا لما الحين ياهل

اشتريله هديه ولما تردين البيت بالسلامه عطيه قوليله هذا اخوك او اختك يابولك لانه يحبك حييييييييل

واهم شي لا تقولين عن البيبي ويع انت حلو والبيبي ويع بس علشان تخلينه يستانس ترى هذي اكبر غلطه ….. حاولي قدر الامكان ان تحببينه بالبيبي علشان تستمر العلاقه بينهم حلوه باذن الله

وان شاءالله تقومين بالسلامه نطوعه

الله يعينج, ما اقدر افيدج لاني ليما الحين اعني من غيرة عيالي, ولدي الثاني يغار من ولدي الثالث ليما الحين مع ان اعمارهم 4 سنين وسنتين, والصغير يموت عليه بس اهو وايد يغار منه ويسميه البيبي والياهل..

[b]مشكووووورييين بنااااات عالرجوووج الحللووووة يعني اشوة مو بس انا اللي اعاااني من هالساالفه هيهيه يالله الله يكبرهم ان شاء الله ويصيروون على قلب وااااحد/b]

وييي عيل انا الفرق بين ولدي و وولدي 7 سنين بمووت

تخيلوو اول شي قام يسويه الحيين ما اابي ارووح المدرسه ابي اقعد في البيت

الله يستر من الياي مو قادره اتعامل وياه و خاصه ولدي الاول من ابو و الثاني من ابو ثاني

ليش ما تفكرين اتدخلينه حضانه .. على الاقل يلهى الصبح كله على مايرد و يغسل و يتغدى الا صار العصر .. تلعبين معاه ليما حزت العشى يتعشى و ينام .. بجذي اتقللين الوقت الي يكون موجود فيه بالبيت ..

والله يعينج و يجعلهم من الذريه الصالحه