بنتي ماتحب تختلط بالاطفال شلون اعالج مشكلتها

اقتباس:

المشاركة الأصلية كتبت بواسطة كويتيه والماسه شلونكم ياامهات عندي بنت عمرها 3 سنوات مشكلتها ماتحب تختلط بالاطفال يعني سويتلها عيد ميلاد مااستانست بالعكس اتضايقت وايد وخافت ماتحب اليهال وشركتها بحضانه وهم ماعجبها كسرت خاطري واهيا تبجي ماتحب الاطفال اللي يصيرون وايد مسكينه تحب المدرسات والحضانه بس لما اليهال تشوفهم ماتحب شلون اعالج مشكلت بنتي

مرحبا اختي

بنتي أكبر من بنتج ب4شهور

فأحس باللي قاعدة تقولينه و تعانين منه – و أكيد بنتج تعاني بعد بس مو عارفة تعبر عن اللي بداخلها

أحتمال تكون مخترعة من أحد كبير أو صغير – أحد مهاوشها ، زافها ، طاقها…

شوفي إذا زرتوا عند أهلكم و صار البيت كله يهال… شوفي في أحد من الكبار يفرق بينهم

يعني… مثلا تقولون… س أشطر من ش… أو م أحلى من ن.. يعني التفرقة بين اليهال تأثر على نفسياتهم..

انتبهوا على كلامكم يالكبار… ترى الياهل يحس و ينقهر و يكبت بداخله و كل هذا ينعكس على تصرفاته

لا تقطعين الحضانة حتى لو تبجي… مع الوقت راح تتعود.. و نبهي الأبلات على هالنقطة اللي في بنتج

عشان يعرفون بطريقتهم شلون يحببون بنتج بالاختلاط مع الباجي و تصير اجتماعية

نصيحة… دايما و طول الوقت اتبعي معاها اسلوب المدح و الثناء على أي شي تسويه..

و عظمي أي فعل يصدر منها و كأنه عمل خارق – راح ترفعين من معنوياتها

و أذكرج… لمة الأهل و كلام الكبار كل واحد عن عياله يأثر باليهال الباجيين…

أدري طولتها و إهي قصيرة… بس ماعليه… آنا هم عانيت الأمرين من نفسية بنتي لظروف مرينا فيها…

روحي محلا بو 100 فلس.. و اشتري خرابيط واااايدة… و ساوميها بهالأشياء..

قولي لها… إذا رحتي اليوم الحضانة و لعبتي مع الأطفال بعطيج هدية كبيرة.. و الأبلة بعد بتعطيج…

طلبي منها طلبات.. تخليها تكلم و تضطر إنها تتعامل مع الناس اللي حولها…

و كافئيها بهدية.. شوفيها شلون تتغير 360 درجة

و عساج تفرحين فيها متخرجة من الجامعة و ماخذة الدكتوراه يارب