متى ابدي اوكل البيبي بليز ابي المساعدة

حبايبي انا محتارة متى اوكل بنوتي في اي شهر..
نهاية الرابع و لا الخامس و لا السادس

و شكرا

انا ولدي نهايت الرابع بلشت احط له نص بسكوته بالحليب عشان اعوده >> لا تخافين راح ترجع بس عادي

مشكورة حبيبتي

بس لإني سمعت انه احسن حق البيبي نهاية السادس و انا بصراحة مع رايج

شكراا حبيبتي على مرورج

انا بديت مع بنتي بنص الخامس سبريلاك وارز اطفال

وامس دخلت السادس وبديت بالخضر والفاكهه

انا صارتلي مشكله مع بنتي عشان بديت اوكلها ابعمر 6 اشهر والحين عمرها سنتين ونص تقريباً ماتحب الاكل ذابحتني اسمالله عليها..
بس ابولدي بديت اوكله اول مادخل 4 اشهر والحين اسمالله عليه امريحني وايييييييييييد بالاكل والحليب والحين عمرة 8شهور..

ياريت اعرف قصدج؟؟

ليش صار مع بنتج جذي ؟؟؟

سالت الدكتور قالي عشان اتعودة معدتها على السوائل وصارة المعدة صغيرة بس انا الحين قاطعه عنها الحليب عشان تاكل بس وايد امتعبتني عادي عندها يوم كامل بس تاكل الريوق وتم طول اليوم على شويت ماي على عصير لي اليوم الثاني بس احاول مااعطيها بعد الريوق شي عشان اقدر اقص عليها بشويت اكل عقب

صج ؟؟ اول مرة اسمع هالكلام

وان شاء الله مافيها الا العافيه اغلب اليهال الي بعمرها جذي

من عمر ست شهور أنا كنت محتاره مثلج وسألت دكتور وتطمنت

السلام عليكم
نصيحتي لج عزيزتي انج ما توكلينها كوجبة الا بعد السادس (لان هالتاخير راح يكون في صالحها في حالة كانت من اليهال اللي بعض الاكل يسبب لهم حساسية او صعوبة بهضم الاطعمة الصلبة )بس ما يمنع انج تذوقيتها من اكلج العادي يعني نتفه مني نتفة مناك عشان سبحان الله الجسم يتقلبها شوي شوي وكل الكتب والدراسات (عشتووووو) تقول ان بعد السادس انسب عمر لادخال الطعام الصلب بس هااا ما يصير وجبة الا كان وجبة(يعني كمية تحسين تشبع البيبي)
و انصحج نصيحة اشتري كتاب الدكتورة ريم قنواتي (الطفل السليم مع الدكتورة ريم …راح يفيدج

انا من الشهر الرابع

بلاول كان ياكلون الياهال نهايه الرابع

بس لاحظو انها سببت لهم حساسيه

حتى لو تلاحظين بسكوت الياهال والسيلسلاك مكتوب عليه+6

يعني بعد السادس احسن لهم

واول شي ذوقيها الاكل عشان تعرفين اذا فيها حساسيه من شي

مثل المنقا او الموز او الفراوله او اي نوع من الخضار

بعدين تفنني لها بخلط الخضار المسلوقه طبعا

والله يحفظها ويخليلج اياها

كل شهر و بنووتج بخير و تتربي بعزكم انشاء الله

مشكورة حبيبتي

مشكوررة حبيبتي

ربي يخليهم لج…. و لا تستسلمين حاااولي اتحببينها بالاكل

مشكورة حبيبتي عندي موسوعة مكتوب فيها من الشهر الرابع
و في كتاب الدكتورة ريم قنواتي عندي كاتبة فيه نهاية الرابع
مشكوررررة حبيبتي