|
|
السلام عليكم
بنات الله يعافيكم عندى بنت بتكمل ان شاء الله شهرين وولدتها ناقصة نمو بااخر الثامن وكان وزنها كيلو وتسعمية غرام ، واول ما طلعت من المستشفى عطوها حليب نوفولاك ار للترجيع وكاان ثقيييل وايد
اذا شربتها يجمد الحليب بالمميه وتنسد
فاول اسبوعين حاولت قد ما اقدر اعطيها حليبى اكثر الاوقات وبعد 3 اسابيع وديتها دكتور بوحيمد ووصفلها
حليب (سيميلاك كيو ) وقاللى لا تطلعينها من البيت واذا سببلها الحليب امساك اتصلى على اغيره لها
المهم
الحليب لى الحين مستمره عليه بس شنو سببلها غازاات مسكينه حتى سرتها اطلعت برااا
وكله تتعصر وتبجى وساعات ما تنام من الغازات
والمشكله الثانيه
صار خروجها وانتوا بكرامه سااائل وتقعد تبجى واهى تخرج مع انه سائل
نصحونى عفيه شسوى لها اغير حليبها ول شنو ابى حليب مناسب لها وما يسبب غازات
لا تقولون لى وديها الطبيب
انا وديتها الصباح والدكتور صرخ بويهى يوم قتله بغير حليبها قااال شسااالفه ترا البقره وحده
الحين شسوى
وايد تعبت منها وصرت ما انام الليل ودى تهدا الغازات وترووح
ناطره ردوودكم
ودمتم بود
اتصلي على د/ بوحيمد و قولي له عن الحليب
شربيها دواء بمبي قاز و دهني بطنها زيت زيتون دافي
ترى الغازات تستمر تقريباً ليمن عمر 4 شهور 
وايد زينه ولدي و كل اعيال بنات خالي كانو ياخذونهم
اتريحه و في دوا بس ناسيه اسمه من الصيدليا
وما تشوف شر حبيبتي
وخليهاا تنام على بطنهااا شويه بس .. ولاتخلينهاا بروحهاا واهي نايمه على بطنهااا لان موزين خليج يمهااا
والله يعينج
Bonnisan دواء مكون من الاعشاب تاخذه كل يوم مامنه ضرر خمسه ملي
وبالنسبه للحليب انت الي تحددين النوع الي تتقبله الدلوعه نوفلاك للترجيع AR اخف من السميلاك اهي راح ترجع بس لاحظي اي حليب الترجيع معاه اخف …………..ولا تنسين اهم شي عقب ماتشرب الحليب
خصصي فوطة صغيرة لونها غامق …يعني عنابي بني…….تحطينها عليج علشان تترع الحلوه وتشوفين كمية الحليب الي ترجعه
وكل ما طولتي وانت شايلتها كان افضل…………….
والله يحفظها لج ويشفيها
واحتمال كبير انج تحضرين الحليب غلط يكون الماي حار او العكس بارد
فيمكن يكون هالسبب
وبعدين تطولين وتشربينها بارد فترجعه على طول
ولاتعطينها سيميلاك اهوا اللي سبب الغازات حتى شوفي الفقعات اللي فيه حرام لا تخلينها تتوجع من هالحليب
انصحج بحليب نان للترجيع فضيع بمعنا الكلمه ويحل مشكلة الغازات اخذيه وانتي مغمضه ماعليج من كلام الدكتور
لو البقره وحده بس الايضافات تختلف .
والغازات شي طبيعي للمولود تخف بالتدر يج إلى عمر4 شهور وهو يعاني ويبجي بالليل وماينام لكن على الأم إنها تحرص على طفلها أكثر وتطول بالها معاه وكل طفل يختلف عن الثاني فيه كاملين نمو يناسبهم أي حليب وفيه الناقصين نمو لهم وضع خاص ،،،،،، آنا ولدي تعبني عمره ألحين 3شهور ولدته ناقص حليبه سميلاك صج ثقيل بس يربي الياهل أحط له 5 نقط برضعةالساعه6 من دوا غاز بامبي وعلى الساعه 9 ،،و1ميلي من الماي الغريب خلال الرضعه ( يعني أرضعه حليب وأشيل المميه وأعطيه الماي الغريب وأرد المميه)،،،،،،
ودايما خلي الرضعه دافيه ودهني البيبي بزيت دافي كل جسمه على الساعه 12 بالليل عشان يرتاح ولفيه عدل ،،،، وعلى الساعه 12 الظهر عطيه رضعة أعشاب ( يانسون مخفف بماي + سكر نبات ) والماي إللي يشربه يكون دافي ،،،،
والله يعين كل أم لأن في الحمل والولاده تعب وفي تربيته هم تعب ،،،
لنا الجنه إن شاء الله،،،،،
حبيبتى حرام عليج انتى قاعده تلعبى بيها كل يوم دكتور وكل يوم جليب غير
ليش ما ترضعيها طبيعى….وبتقوليلى ما تشبع من الحليب الطبيعى اها لانو خفيف عليها وااايد ما يلكمها نفس الصناعى
حبيبتى حرام عليج اهتمى فيها شوى
وبالنسبه حق الغازات نوميها على بطنها وسوى مساج على ظهرها وطقى شوى شوى
وهم على بطنها براحت يدج شوى شوى طقى عليه اهى بترتاح
انا دكتور بدار الشفا علمنى اسوى جدى حق ولدى
وانشاء الله تتحسن………ليش ما تعطيها ماى غريب مال المستوصف وايد زين لان ما فيها كحول
او خفيف تقريبا لكن ماى غريب مال الصيدليه كله كحول مو زين على الطفل