عندي مشكال ببنتي ام سنتين المتن والسوس والعناد

بدخل بالموضوع على طول

بنتي عمرها سنتين ومادري شنو اعطيها حليب انا اعطيها حليب عادي المراعي الازرق وكنت اعطيها بروجرس ادري انه مفيد بس يتفخها بسرعه تمتن عليه وهي سمله عليها متينه

ابي شي مفيد لها وما يمتنها شنو تنصحوني؟؟

وطالع لها سوس باغلب اسنانها يقولون سوسة حليب بس حرام انكسر ضرسها الي جدام وهي توها واذا تعرفون دكتوره زينه وتستقبل عمرها ياريت

وعندي مشكله العناد مع انها صغيره بس عنيده حيل طالعه علي وعلى ابوها ادري بس شلون اتصرف معاها ما تنرد من شي وماحب اخوفها ومابي اطقها اذ ا في طريقه للتعامل ياريت احاول اكون هاديه معاها بس بالي مو طويل حيل واحاول اساحلها بس نادر يفيد

ادري طلبت اشياء وايد بس فيكم الخير
وبس وشكرا

علاااج السوس انج اتنضفينها مرتين باليوم قبل النوم واول ماتقوم من النوم
وثاني شي تنظفين اسنانها عن طريق شاااش مو فرشاية اسنااااااااااان اتحطين فيه معجون اطفال وتنظفين اسنانها تفركين اسنانها بهدوء
وثالث شي انج سكر مع الحليب لان السكر يسسوس
ورابع شي لاتشربينها حليب بالليل لان السوس يشتغل باليل ويكون باسنانها حليييب
………………………………………….. ………………………………………….. ……….
اما بالنسبه للعناااد انا ولدي عمره سنتيين وعنيييييييييييييييييييد جدا وعندي اختي مدرسة روضه وانصحتني اني اطنشها باغلب الموااقف واذا زاد العناد حاولي اتعاقبينها مو تطقينها يعني مثلاا اتخلينها تقعد بحباسه لمدة ثلالث دقايق حتى لو تبكي ماتطلعينها منها
عشان تحسب احساب الحبسه اذا بقت اتعاند وهالشي مايضرها لان مافيه طق ولا تخويف ولكن يحطلها حد
………………………………………….. ………………………………………….. …………
اما المتن فماأقدر افيدج وانصحج انج اتروحين لدكتور اطفال ومختص بالتغذيه عشاان مايضرها اي شي
……………………..
واتمنى اكون افتج

ياكثر بدليااتي لووووووووووووووووووووووووووووووووووووووووووووووووو ووووول

فرشي اسنانج جدامها عشان تتعلم وتقلدج وعلى فكره ترى معجون الاسنان حسب عمر الطفل ينباع والكميه حجم حبة العدس
بالنسبه حق الحليب استخدمي الي يكون خالي من السكر
والعناد،،،، اذا لقيت حل حق نفسي انشالله ما اقصر معاج لاني زهقانه منها

الله يخليها لج يارب

ياحياتي بنتي مثل بنتج وانا ابي الحل لانها عووووووووووووووووووووبه وماينقدر عليها ( اكسر الخاطر)

حبيباتي اذا سمحتوا لي أشارك معاكم في الموضوع ,من خبرتي مع عيالي الله يحفظهم عرفت ان العناد بالذات ما يروح الا بالطناش يعني قد ما تقدرين لا تدققين بكل شي يسوويه ولدك الا اذا كان فيه ضرر ومع الوقت راح يتخلص من هذا السلوك بدون ماتحرقين دمك……. على فكره مرات العناد يكون من الغيره انتبهوا اتمنى اني فدتكم…..