|
|
انا عندي مشكله صغيره وما اعرف اشلون احلها او اتعامل معاها
مشكلتي الاولى
ان عندي ولدي الله يحفظه عمره 4 سنوات
وما ني عارف اشلون اقطع عنه الحفاظات بليل
يعني طول اليوم يروح الحمام تكرمون بس بليل
البسه الحفاظه لما يبي ينام
مشكلتي الثانيه
هم ولدي يموت على شي اسمه مميه او الرضعه
وحاولت اني اقطعها عنه بس يبجي ويحن
حطيتله مره ما فاد حطيتله فلفل اسود هم مافاد
اكلمه اقوله انته صرت ريال لازم ماتشرب مميه نفس الوقت يقول ما ابي مميه وبعد 10 دقايق
يبجي يبيها
انا تعبت وما اعرف شسوي
.gif "Eh S(1)")
تكفون لحد يطنشني لاني صج متأزمه
ولحين انا حامل واخاف اولد وولدي على نفس حالته
ولا اجابه؟؟؟؟؟؟
مو هذا العشم فيكم يا كويتيات
بس ليش ماتجربين عادي خليه ينام بدون حفاظه مره ومرتين راح يسويها بنفسه بس انتي قوليله انت صرت كبير عيب تبول بفراشك بس لا تعاقبينه لا قوليله اذا ما سويتها بفراشك راح اشتريلك لعبه يكون اهوه يحبها يعني كافئيه عرفتي شلون
هذا اللي درسته بعلم الننفس واذكر الدكتوره شرحت لنا هالطريقه في تعليم الاطفال اسلوب العقاب والثواب
وانشالله الامهات يفيدونج اكثر من تجاربهم
|
المشاركة الأصلية كتبت بواسطة bardana
 بصراحه ماعرف توني ام يديده بس ماحبيت ادش و وما ارد
بس ليش ماتجربين عادي خليه ينام بدون حفاظه مره ومرتين راح يسويها بنفسه بس انتي قوليله انت صرت كبير عيب تبول بفراشك بس لا تعاقبينه لا قوليله اذا ما سويتها بفراشك راح اشتريلك لعبه يكون اهوه يحبها يعني كافئيه عرفتي شلون هذا اللي درسته بعلم الننفس واذكر الدكتوره شرحت لنا هالطريقه في تعليم الاطفال اسلوب العقاب والثواب وانشالله الامهات يفيدونج اكثر من تجاربهم |
اول شي مشكوره على الرد
ثاني شي جربت اخليه ينام بدون حفاظه بس تكرمين سواها
بس بجرب سالفه اني اقوله اذا ماسويتها بشتري لك لعبه
وانشالله تفيد معاه
|
المشاركة الأصلية كتبت بواسطة باونتى
والله يا الاسطوره نفس مشكلتى مع المميه ودى أقطعها بس يحن ويبجى .. ما ادرى شنو اسوى ؟؟
|
مرسي خالص على المشاركه
اقولج شي
اليوم ساعه ونص يحن على المميه ليش ضايعه
ماسكت لما دورتها ولقيتها
والله تعبت من هالمميه
ان شاء الله..ويبيلها شويه صبر..مع التشجيع بعد..اما بالنسبه للممية حاولي تكرهينه بالممية وتقولين انت كبير…
وتعودينه يشرب بقلاص احسن..والله يعينج ان شاء الله..
|
المشاركة الأصلية كتبت بواسطة مي الحلوة
اختى بالنسبة للحفاضات حاولي تقطعينها عنه ولما ينام كا بعد ساعتين وديه الحمام راح تتعبين شوي لكن بعدها راح يتعود
ان شاء الله..ويبيلها شويه صبر..مع التشجيع بعد..اما بالنسبه للممية حاولي تكرهينه بالممية وتقولين انت كبير… وتعودينه يشرب بقلاص احسن..والله يعينج ان شاء الله.. |
هلا مي الحلوه
نورتي موضوعي
والله بجرب طريقتج اليوم انشالله
بوديه الحمام كل ساعتين وانشالله تفيد معاه
وعلى المميه تعبت والله تعبت اقوله نفس كلامج يقول ايصح وخلاص ما ابي المميه
بس يرد بعد 10 دقايق يحن
ومشكوره على المشاركه يا عمري
لاتقعدينه من النوم تودينه للحمام بعدين يعتمع عليج وينسى الاعتماد على نفسه
اكو بمحل ايكيا مفرش السرير<الشيت>
مال اليهال تحطينه على فراشه
واكوا بمركز سلطان مفارش دارلينج حطيها على السرير
وخليه ينام بس كلميه وقولي له انت ريال انت بطل
ترى اهوا الحين يفهم انا ولدي جذي اكلمه
وخليه ينام وجربي اذا نجح كافئيه وييبي له هديه
وحاولي ماتعطينه سوائل قبل النوم بس اكبر غلط تقعدينه من النوم انتي راح تتعبين وانتي حامل الله يهون عليج
ونفسيتج راح تتعب معاه
والله انا اكلمج عن تجربه
والحمدالله انجحت
جربي وقولي لي وراح اعطيج طريقه تقطعين فيها المميه
ناطرتج