طفلتي بالشهر الرابع ساعدوني بتغذيتها

بنات بنتي الله يخليها لي انشالله …. قولو امين

الحين اهيا بالشهر الرابع

وابي اعرف منكم جدول تغذيه البيبي من 4 اشهر الى 6 اشهر تكفون بنات لاتطنشوني

انا محتاجه مساعدتكم

وعندي سؤال بعد انا بنتي الحين قل عدد رضعاتها انا ارضعها ولله الحمد طبيعي

بس الحين قامت ترضع تقريبا 5 او بالكثير 6 رضعات باليوم عادي ولا لا
والله يجزاكم الف خير

وانا نفس الشي عمر بنتي 4شهور ماني عارفة شعطيها

نصيحتى لكم حبايبى كتاب الدكتوره ريم قنواتى والله خوش كتاب فى عن اكل الياهل من ال5 اشهر الين 12 سنه تقريبا

ويوقلج بكل عمر جم رضعه البيبى يحتاج ومسويتلج الدكتوره جدول الاكل حق الياهل واشلون تطبخينه الصراحه انا ماشيه عليه لا سالت فلانه وعلانه لا طوفونه

مشكورة اختي وسومة بس من وين اشتري هالكتاب

انا هم كنتارضع طبيعي وبديت بالشهر الرابع اوكلها الغدا اطبخ لها عيش مهروس مع جزر وقرع وبطاط مهروس حده

واعطيها بسكوت فارليز مع ماي حار الينه

وند الغراش الجاهزة لأكل الاطفال حق العصاري وهم ممكن توست تلينينه بشويت حليب المهم كل شي مهروس وشوي شوي ليما تتعود .

التفاح اعطيها اياه بالقفشة احكه واعطيها .

تلاقينه بمكتبة العجيري او جرير
و ترى عادي يقل عدد رضعاتها لأنها الحين المفروض تبدي تاكل مع الرضعات
اشتري الكتاب و طبقي اللي فيه
بالبداية عيش ميلوبا مع الحليب وجبة باليوم و عقب اسبوع ضيفي وجبة خضار مسلوقة و مطحونة و ثالث اسبوع عطيها بسكوت اطفال مع الحليب ….

اتحصلينه بكل المكتبات انا عن نفسى شريته من العجيرى

مشكورين بنات على الردود والله يجعلها بميزان حسناتكم