اللي عندها خبره بحليب الاطفال تنقذني

الله يخليكم يا امهات انا عندي ولدين والحمدلله الحين الله رزقني فبنوته بالشهر السادس واللي قاعد يصير معاها ماصار مع اخوانها غريب

اول شي قامت ماتحب الحليب وتكرهه من تقريبا ثلاث اسابيع غيرته لها ومن خذت الحليب اليديد من بروجريس واهي غازات ومرات ترجعه باخوانها ماصار جذي الله يخليكم شنو السبب وليش هالغازات مسكينه تبجي بجي من بطنها ولا تناغي ولا تلعب نفس قبل
مرت عليكم هالحاله ؟

على فكره الحليب للي قبل من ماركه سيميلاك

وبروجريس اخذه من مركز سلطان واذكر فتره قطعوه ايام ولدي وغيرت له لماركه نوفولاك وسواله غازات بسيطه جدا لاتذكر

جربي نان

كويتيه مشكوره وايد 7 بنات دشاو ماراداو و انتي بس اللي ماقصرتي ورديتي والله مجابله الموضوع بس انطر اي رد عشات اروح مركز سلطان اييبلها حبيبتي مو راضيه تشرب لو 5 اونس مقطعه قلبي
ودي اشوف ردود اكثر ابي احسن حليب ولا حل للغازات الله يخليكم

انا يمكن نفس حالتج
ولدي قام ما يشرب حليبته عدل
و اختي قالت لي غيريها ، بس ولدي أصغر من بنتج.
بس أخاف أغيرها لأن ولدي ليما الحين فيه غازات و أخاف أغيرها تزيد عليه الغازات..
و يمكن بنتج قامت ما تشربها عدل لأنها قامت تاكل … فيه يهال شذيه. لأن يتغير الطعم عندهم.
بنت أختي ما تشرب حليبتها إلا لما تكون نايمة … و حليبتها نان.

جربيلها حليب ماركة ميلوبا اسمة ابتميل وايد ممتاز و مريح للبيبي

تبين تعرفين كم المفروض الياهل يرضع
الحين أقولك:
150 ضرب وزن بنتج = الناتج قسميه على 24 ساعة = و الناتج يطلع كم لازم تشرب بالساعة الوحدة .
يعني اذا بتعرفين كل 3 ساعات : تضربين الساعة في 3.

مشكوووووووووورين بنطر لي الصبح وبشوف شنو اللي الاغلبيه اتفقت عليه او اشتري الاثنينه واجربهم بس ماشاءالله نان سمعته طيبه وفعلا بنتي من بدت تاكل قامت ترجع الحليب بس تاكل نتفه
اختي الريشه مشكوره عالحسبه وصلت بوقتها

العفو

بس قوليلي عن التطورات عشان يمكن أستفيد منها حق ولدي و ان شاءالله يرضع زين و يا بنتج

اختي
اعتقد البنت ماتبي هالنوع من الحليب لانها ترجعه موبس يسبب غازات
شوفي عندج أبتاميل كومفرت مو العادي روووعه للغازات
او انج تعطينها خلطة تريحها من الغازات :
ـ قشر برتقال ملعقه صغيره
ـ نتتفه كمون
ـ حبة هيل
ـ حبة مكعب سكر نبات
يدوب ياخذون غلوة وتعطينها بالممية
ويكون دافي وراح تشوفين وتسمعين بعد

او تعطينها غازز بامبي قطارة تنباع بالصيدلية

او وهذا صج صج ياب نتيجة تهبل
تحطين قفشة كبيرة ماء زهر بمطارة الحليب

والف سلامة عليها

طبعا كل هالشغلات انا مجربتها وكلهم يابو نتيجة

عندج هذا الموقع شوفيه
https://www.gulfkids.com/ar/index.php…6&topic_id=264

اي اكيد اختي

كت كات هاذي الوصفات السنعه ماقصرتي ياروحي روحج والريشه بقوم احاول ارضعها الساعه 3 القير الحين ومن 11 تصيح من بطنها بنام مو قادره خل ارضعها شوي يمكن تنام وارد اشوف السايت

حبيبتي بروجرس معروف قوي عالياهل و يسبب له غازات بنت حماتي حتى كرش طلع لها
أفضل أبتاميل من ميلوبا هذا وايد ينصحون فيه اطبا الهادي
و مع ولدي الحمدلله زين