بنتى عمرها 13 وللحين اتركب الكلام غلط ياحسرتى

قوه بنات

تكفون قولولى شسوى بنتى عمرها 13 سنه وبسم الله عليها قمر وشاطره بالمدرسه ومحبوبه وكل شي فيها ايننننننننن بس لاتحجى

ويامالكم من البدليات واحس كل من وده يضحك وعيزت مدرى شسوى لها

اليوم تهاوشت مع اختها اللى اصغر منها قلت لها شفيج قالت ليش اطقنى ان شاءالله !!

شدخل ان شاءالله بالموضوع

مدرى شسوى تركيب الكلام غلط عندها ويمه يمه لاحبت تستخف دمها اصير ودى اصيح تكسر خاطرى

ساعدونى بنات تكفون اهى بسم الله عليها واثقه من نفسها واتهبلللللل وملفته للنظر بسم الله عليها بس لاتحجت كل شي يخترب وصرت بصراحه انحرج لاقامت اتسولف ولاتعرف اترد رد سنع يبه حفله حفله ياحسرتى

هلا حبيتى معكرونه ماشاء الله عليها ربى يحفظها لج …. انزين ماخذتيها حق دكتور شى اختصاصى ؟؟؟

بنتح مو فى المدرسه الامريكيه او اجنبيه؟؟؟ يمكن هذا السبب

انا اقول الافضل تعرضينها على طيب لاتخلينها وماشاء الله حليوة بالعمر انا هذاراى ياعمرى

ماعليها الا العافيه ياعمرى

للرفع

يمكن عند البنات شي يفيدونج فيه

اذا رادة على البدليات ترا عادي اهم شي مخرج الحروف اوكي
ولمن تكبر بيتعدل حجيها ان شاء الله

13 اسم الله عليها يعني كبيره و تفهم و اهم شي واثقه بنفسها و الحمدلله .. انتي امها وجهيها بينج و بينها اذا سمعتي منها كلمه مو بمكانها الصحيح .. يمكن اهي من العيله بكلامها او من الشطه بالسوالف تخربط بالكلام

و ان احتاج الامر في اختصاصيين بالمخاطبه تقدرين تودينها لهم .

و ان شاء الله ما عليها شي

بسم الله ماشاءالله العمر كله ان شاءالله بطاعته

لاتحسسينها انها عندها مشكله

وعلى قولة زينه وجهيها بينج وبينها

والله يبارك فيها هي وخواانها وخواتها

انا بنتي عمرها 15 سنة وتقولي ماما الأهرابيين ليش يسوون جذي ؟ يعني الإرهابيين ههههههههه
لا وتقولي ماما بلاعيمي تعورني وبسوي غرغر … يعني باخذ غرغرة…. لا وتقول انا بلبس اديد شي .. يعني ايدد شي

حبيبتي ميخالف حتى اختي جذي عمرها 13 سنه وكلماها كله غلط تسولف عادي بس مخارج الحروف نصها غلط
وفوق هذا ام دميعه على اي شي تبجي ان قلتي لها جب تبجي

ولا تغورق عيونهاا ومثلا لما تتكلم تقول اهوه الي وخراني يعني وخرني وانا شمدراني يعني اشدراني وبدليات وايده
وشوي شوي تتعلم كل ما قالت شي غلط فهمناها وعلمناها وانتي جذي سوي معاهاا
وعادي الحين البنات بهالعمر لغتهم عجيبه خخخخخخخخ

ياهلا ياقلبي الله يسلم عمرج على الدعوه الحلوه

وانا ماوديتها حق اى دكتور اقول يمكن اتعدل

وبنتى بمدرسه عاديه ……. والظاهر يبيلها دكتور

تسلمين ياقلبي

ياهلا وغلا ياقلبي

مخارج الحروف عندها اوكيه بس هى البدليات

والموضوع ان شاءالله عادى بس انا خايفه عليها اذا لنا عمر انها تكبر وهى اتكلم بطريقه عجيبه ويضحكون عليها الحريم

ياهلا وغلا ياقلبي

والله دايم اوجهها بينى وبينها وتقول ان شاءالله يمه وشوى الا هى مبدعه

بس على قولتج الظاهر من العيله

وياليت ياقلبي اذا اتعرفين اختصاصيين زينين اتقولين لى ودى اتطمن عليها

لاتعقدين عمرج عااااااااااااااااادي الموضوع باجر لافهمت وكبرت وبدت تفهم العلم اهيا الي تعدل كلامها من نفسها عندي اختي واهيا بالعمر هذا اووووووووف بدليات من قلب ولما كبرت وبغت العرس تعدل كلامها وصار كله دلع وكاهي تتكلم سنع واهيا الي تعدلنا بدلياتنا

انتي صلحيلها وشوي وشوي تتعلم ان شاء الله