|
|
أنا عندي بنتي بسم الله عليها بتدخل الشهر السابع ولما كنت إجازة أمومة كنت معاها بالبيت وآنا كنت أسوي وأطبخ لها الأكل و أوكلها بإيدي بس ألحين آنا داومت ودوامي من (7) إلى (3) ومخليتها عند أمي الله يخليها بس أمي مرة كبيرة وما أبي أثقل عليها ألحين الحمدالله تاكل السريلاك و منتجات ميلوبا منها الخضار والفواكة وغير قراش غيربير بس آنا ودي أسوي لها وجبات أكثر علشان تتعود على أكلناعندي كتاب (( الطفل السليم مع الدكتورة ريم)) الصراحة كتاب وايد حلو ومفيد غذاء متكامل ووجبات للأطفال من عمر الشهور إلى 12 سنة آنا ما عندي خادمة بس أمي عندها طباخ وماودي يلمس حق البيبي أي شي مع إن الحمدالله طباخنا نظيف تتوقعون شنو الحل ما أبيها تتعود بس على القراش والسريلاك شنو أسوي لها علشان طول ما آنا بالدوام تكون ماكلة عدل و ما يكون في تعب على أمي
وجزاكم الله ألف خير….. لاتخلوني حايرة
او السيريلاك خلطي معاه الخضروات وزهبي لها توست مع جبن او لينه او قيمر وعسل هالشغلات بسيطه
مفيده وطريه انا اعطي عيالي او اخذي لها حبات كرواسون الصغار بالفراوله وعندج معلبات الكريم كرامل والجلي والزبادي بالفراوله هذول بين الوجبات
او هرسي لها بطاط مع زبده وملح شغلات وايد خفيفه وسريعه التحضير وهذا الي متذكرته الحين
..
عوديها على البطاط والجزر المهروس
عيش مع دجاج بس مهروس
ولا تعودينها على الاكل اللي بالجمعيات اللي اهي المعلبات وغيرها
عطيها اكل صحي احسن وافيد
كلشي فيه مفيد عندي اياه
والاكل سوي لها وثلجيه مايضره
يعني سوي حق اليوم وباجر
اليوم وكليها وثلجي النص الثاني من باجر طلعيه ووديه معاج بيت اهلج يكون وجبتها
والله يخليها لج ان شاءالله
طريقته انج تحطين كوب ماي و5 ملاعق من العيش المطحون و5 ملاعق من الحليب اللي هي تشربه البودره
حطيه عالنار لين مايثقل خليه يبرد وعطيها …
ومثل ماقالو الخوات بعد البطاط والجزر والكوسا تبين تخلطينهم مع بعض او بروحهم مابضر ..
انا اسوي حق بنتي اكله بالشوفان ( الكويكر ) هي عمرها 6 شهور .. طريقتها انج تقطيعين جزر وتخلينه يفوح عالنار
وبعد اتحطين شوفان شوي او على حسب ماتبين من كميه مع الجزر وتحركينه شوي .. طفي النار وخليه يبرد وخلطيه بالخلاطه وعطي البيبي …
هالأكله سمعت انها تمتن الياهل فوحي لها خضار ( بطاط وجزر وكوسه ) مع عيش مصري وشوي ماجي ولما يطبخ يخلص حطي لها مع روب وعطيها وايد يحبونه اليهال