اللي عيالها بالحضانه تنورني

مرحبا بنات

ولدي ان شاالله هالأسبوع بدخله الحضانه

شنو أحطله بجنطة الاكل ؟

ساعدوني والله يخليلكم عيالكم

مبروك دخول ولدج الحضانة و عقبال الجامعة

اول شي الأكل :
يعتمد كم عمره ؟؟ انا بنتي عمرها سنتين
اول شي اريقها بالبيت شي بسيط .. حليب و توستة او كيكة
واحط لها مثلا
توستة و جبنة مع حليب كاكاو للريوق
ساعات بيضة مسلوقة و صمونة و حليب
كورن فليكس و حليب
و السناك :
تفاحة او موزة
ساعات اسويلها نقانق اقطعه صغار تحبه او بطاط شبس
خيار وروب
ممكن مرة بالأسبوع كيش شبس
مع عصير

الملابس
مخلية عندهم بالحضانة شنطة عليها اسمها فيها بدلة و بيجامة و ملابس داخلية و صدرية
و كيس كبير بامبرز

و جزاهم الله خير اهم يغسلون الهدوم الوصخة

و بس

اشتري من الجمعيه هالسوالف وانتي نوعي
كيك رول صغار
دانيت اللي كاكاو او بسكوت كريم كاراميل
كب كيك
فول سوداني مجيس انا احط بعلب صغار فستق او كاز او يوز ولوز لانها تحب المكسرات
بسكوت مجيس ماركة دايجستف
سوي توست ومرتديلا وحطيه بالشوايه
هوت دوج وجبن
بيض عيون وجبن سلايس
جبن قلاص وخيار
خبز لبناني ولبنه وزعتر
اكو بيبي جزر حطي بعلب
وعندج ذره العملاق الاخضر
خيار مقصص ومقشر
كورن فليكس الصغار

انا بنتي اول بالحضانه ممنوع البفك والشبس والكاكو وحتى اذا حطيتي شيبس مايطلعونه من جناطهم والله ياحلوها من حضانه
الحين بكيمبردج المنقف خربووها احطلها فواكه ماتاكله تقول ابي بطاط كل الياهاال بطاط

أهلين

مس شوقر مشكووورة ع الدعوة وان شاالله عيالج بعد
ولدي الله يحفظه عمرة سنتين ونص
ويعطيج العافيه ع الافاده

ام بزه
صاجه آنا ماحب البطاط والكاكاو احس مامنه فايده
وأحترم الحضانه اللي تمنعه
يعطيج العافيه عالافاده والله يخليلج بزة

انا ما احط اكل حق ولدي لأن بالحضانة اهم يريقونهم و يغدونهم

احنا الحضانه حقه اولادى ممنوع نجيب معانا اكل للاطفال اهم يفطرونهم ويغدونهم ويعطونهم سناك

أنا عيالي بالحضانة وممنوع أحط كاكاو او شبس او بفك
و اللي أحط احاول اني انوع في الأكل مثال :.
احطلهم كرواسان الفيصل ( جبن او زعتر )
عصير كوكتيل كي دي دي
كريم كراميل او معمول تمر سابليه او كب كيك الحبتين
فاكهه مثل ( مشمش _ موز _ عنب )
اما جنطة التبديل فتكون فيها :. بدلة للغيار
ملابس داخلية
مريول التلوين
حفاظات
مشط
لوشن بيبي جونسن
كلونيا بيبي جونسن
فرشاة + معجون أطفال